Mateyu 7:15 - Mawu a Mulluku

¹⁵ “Chenjerani ni anamallotella awoottha; enaphiya wa nyuwaano yooneyaka oomaalleya wonanko enkhosa koma muwari mwiwa eri enama ddawoopiha

Mateyu 7:15 Iomraidhean Croise

1 Mamwene 13:18

Vano namallotella awuulluvalloolle aallota wi, “Mittho tti namallotella wonanko weyaano nave mungelo aakilleella oyeella mwa Apwiya wi, ‘Ohokollweellena onyumbani wawo wi ache yoocha ni owirya maaddi.’ ” Koma aamoottottha.

Yeremiya 29:21

“Apwiya Amasiva Mattheene, Mulluku a Israele, aallota mawu a dda Ahabu mwaana a Kalaya ni a Zedekiya mwaana a Maaseiya oyo uullotellani ddawoottha munnddina na Apwiya. Alliwa eni eneerewaavelleella m'mattani mwa Nebukadinezara mwene a o Babiloni nave olliye aneerowiiphani nyuwaano moonaka.

Yeremiya 29:32

Mi Apwiya kineeromullaka Shemaya ni edduullu ddaye. Munibanjani nayenno khaavo muthu oyo anaakhalle variyari va mutundu olla wa athu onoone ddaphaama nnddo kinaaweerelleemi athwaaka kaambiiwa olliye oollalleya ddookiwukila. Mi Apwiya koollota.’ ”

Ezekiele 13:16

“Eneerokhwattho anamallotella a o Israele ayo yallotella o Yerusalemu alle yallota wi ahoona masomphenya amurendelle koma murendelle ohiivo. Mi Apwiya Mulluku koollota.”

Ezekiele 13:22

Woottha wanyu wahaatathilliha murima athwaaka oolungama ayo mi kihinapaalleemi wi etathille murima. Mwaawummiha murima athu oonanara wi ehihiye machimwiiwa wawi khewora ovullusa okumiiwa.”

Ezekiele 22:25

Oohoollellaaye tti wonanko mikango ddoothuruma voopharani enama. Aawiipha athu, ahaakha eyuuma ni ddeko ddoowallamella mutengo ni waatthattusa atthiyana anchichi anaamukhwelle m'muzindanimmo.

Ezekiele 22:27

Oohoollellaaye tti wonanko akhatwe ookhaddulla enama, ennakhumiha nikhame ni woononga okumi wa athu wi ephwanye mphuro woonanara.

Daniele 11:34

Athwaayo yaahoosiwaka ddiiddo amodda eneerewaakavihera koma anchichi ookaviheraayo enaakhalle oolleka.

Mika 3:11

Oohoollella kheneeruza vaahikhalla ddamukaphwani, allupa mukutho khenahuddiha vaahikhalla mallivello navettho anamallotella khenallotella vaahikhalla makobiri. Komave enahameella va Apwiya voollotani wi, “Ethiyo Apwiya kheri variyari vahu? Kheyiivo yookatamiha enaanimorelle!”

Zekariya 13:4

“Nllapo nenno arive namallotella aneerowulliwa muru ni masomphenyiiwa. Khawa awarattho mukanjwaaye wamapururu wa anamallotella wi aallekekena athu.

Mateyu 10:17

Chenjerani vawi vineerokhalla ayo enuumakeni nyuwaano ni wuukusellani vanthatoni namillatu nave eneerewuuwashullani mu enyumba ddamavekello.*

Mateyu 16:11

Kaambiiwa tini muhiniiweseseenyu wi kalloteemi khe ya buledi? Koma muchenjereke ni yisiti a Afarisi ni Asaduki!”

Mateyu 16:6

Yesu aallota wa alliwaayo wi, “Muchenjere ni owehera dda yisiti a Afarisi ni Asaduki.”

Mateyu 24:11

Vano anamallotella anchichi awoottha eneerewooneya ni owoottottha athu anchichi.

Mateyu 7:14

Vawi mullako wooyana o okumi woohimalla tti mung'onong'ono nave museweene tti wookatamiha sika athu enawuphwanya yoolla tti ooyeva.

Luka 12:15

Nave aallota wi, “Chenjerani, muhikhalle a nrima vawi okumi wa muthu khonallikana ni waata wa ddeko ariiyena naari arina eyuuma yinchichi.”

Luka 6:26

“Ootulli tti nyuwaano athu attheene yaallotaka ddaphaama dda nyuwaano vawi makhollwiiwa yaallota ddennddo wa anamallotella awoottha.

Yohane 10:12

Nave mullupa mutteko oyo ahiri mbusa navettho oyo ahiri mwaneena a enkhosannddo, oona enama yawoopiha ewaaka annahiya enkhosannddo athawa. Sika enama yawoopiheeyo ennaphara enkhosannddo ni oddipallallesa.

Mitteko 13:40

Vano chenjerani wi ddallotiwe ni anamallotella ddiheereye wa nyuwaano ddawi,

Mitteko 13:6

Yaheeta virive veko ophiyera yaaphiya o muzinda wa Pafosi. Wenko yaakumanawo ni amasenga nnddina naye Barayesu, Muyuda oyo ari namallotella awoottha.

Agalatiya 2:4

Athu amodda yaapaalla yeeyo koma yaari ookhulupilila awoottha ayo yaavollowille mumpingoni mwahu wi etoteke miyaha mwawiipitthella wi yoone ottaphuwa ori ni hiyaano mwa Khrisitu Yesu. Yaapaalla oneera akaporo a malamulwiiwa.

Aefeso 4:14

Neera ddiiddo khanikhallattho wonanko anamwani ookusiwa ni mafunde ni oovavihiwa ni ephevo yooyeella nngu ni nngu ya ddoohuddiha dda athu awoottha, ayo enaahollosa amodda vawallekani.

Aefeso 5:6

Ahikhallevo muthu anaawukarangeyiheni ni mawu oolleka kaambiiwa ddeko ddenndda ddinnawiiha owalli wa Mulluku va ayo ehinamwiiwellella.

Afilipi 3:2

Muchenjerekena ayo eneera ddeko ddoonanara wonanko anapwa, ayo enallipihella wiiremarema mwiilli

Akolose 2:8

Chenjerani wi vihikhalle mmodda anaweeriheni wi mukhalle akaporo vawuuhollosani ni ezeru ddawoottha ni ddoohikhalla ni mutteko, nnddo ddinavenyera mu ehuddiho dda athu ni ddoovenyera o minepa ddoolamulella dda oddullu ohiri ddoovenyera wa Khrisitu.

2 Timoteo 3:13

Koma athu oonanara ni oolleka eneerovirellella onanara nave eneerekolleka ni alliwattho eneerekollekiwa.

2 Timoteo 4:3

Vawi enthawi enimawa yawi athu eneerokhoota ehuddiho yawoona koma enaathwareke ddoopaalla ddiwa nave eneerewiitthukumanihella weekhiiwa ahuddihi anchichi ayo enaalleelleke nnddo enapaalliiwa wiiwa.

2 Petro 3:17

Koma nyuwaano, ookondiwaaka, munnadduwella khalle yeella. Chenjerani, vano wi muhihollosiwe ni machimo a athu oohithwara malamulo wi muhitathille okeraattheya wanyu.

1 Yohane 4:1

Akhwaaka ookondiwa, muhinaakhulupilila ayo enallota wi aakhalla ni munepa koma muweeseke wi mudduwelle munepa eriiwanooyo waarimi ovenyeraka wa Mulluku. Vawi anamallotella awoottha anchichi yahooneya va ellapo yavatthi.

Yuda 1:4

Vawi athu amodda oohikhulupilila yaavollowa variyari vanyu mwawiitta. Yaalla tti athu ayo enaanganyera echisomo ya Mullukwaahu wi ephwanyellevo yaweerella machimo oorarawu, ayo enamukhoota Yesu Khrisitu, yooyove ari ooholleellaahu ni Apwiihu. Ddaalembiwa khalle mu mawu a Mulluku wi athu yaalla eneerollakiwa.

Yawuupullulla 16:13

Kahoona minepa ddoonanara ddiraru ddawooneya wonanko anaphullu; mmodda akhumaka muwano mwa enowa yuullupalli, mmodda muwano mwa enama yuullupalli yawoopiha ni mmodda muwano mwa namallotella awoottha.

Yawuupullulla 17:6

Nave kahoona wi mutthiyanooyo aalezela ni nikhame na athu a Mulluku yiiphiwe ekaamba yoovelleella omboni dda Yesu. Kamoonilleemi mutthiyanooyo, kaattikhina wunchichi.

Yawuupullulla 19:20

Enama yuullupalli yawoopiheeyo yaaphariwa vamodda ni namallotella awoottha oyo enre ddoottikhiniha vamiitthoni vaye. (Waari weera ddoottikhiniha wenko aallekilleeyena ayo yadindiwe echidindo ya enama yawoopiha yuullupalli ni ayo yallapenlle nifano na enameeyo.) Enama yuullupalli yawoopiha ni anamallotella awoottha yaavokhelliwa eri akumi mu enyanja ya mallumi amunllo ni sulufure.

Yawuupullulla 20:10

Vano Satana, aallekilloolle, aavokhelliwa mu enyanja ya munllo ni sulufure, nko enama yuullupalli yawoopiha vamodda ni namallotella awoottha yavokhelliweewawo khalle nave eneerollakiwawo wa enthawi yoohimalla.