Mateyu 7:14 - Mawu a Mulluku

¹⁴ Vawi mullako wooyana o okumi woohimalla tti mung'onong'ono nave museweene tti wookatamiha sika athu enawuphwanya yoolla tti ooyeva.

Mateyu 7:14 Iomraidhean Croise

Masalimo 16:11

Munnakitthoonyihella ettilla ya okumi, ophwanyeya wanyu onnakihakallalliha wunchichi miyaano. Onnattanatta wanyu, kinnahakallalla wa enthawi yoohimalla.”

Miyambo 8:20

Kinneeta mu ettilla yoolungama, mu misewu ddeechiweruzo.

Yesaya 30:21

Mwaahapuwellaka onnattanatta apaalle onyotthoni, muneerewiiwa otulli wanyu mawu owuutthoonyihellani ettilla awi, “Ettilla tti yeella, muthwareke yeella.”

Yesaya 35:8

Wenko oneerokhalla musewu muullupalli, onaaromolliweke wi, “Ettilla ya Weella.” Ooripihiwa khewa yeetamo, ookarangeya khevollowamo.

Yesaya 57:14

Vineerewiiweya mawu awi, “Llimani, llimani, okollani musewu. Venyihanivoni erive yookwakwatuwiha mu musewu wa athwaaka.”

Yeremiya 6:16

Apwiya yaallota ni athwiiwa wi, “Imellani va makhullukano nave wehani. Mukohe nko ori ettilla ddakhalle nave nko ori ettilla yaphaama. Vano muhitathille ettilla yaphaameeyo wi mukhalle ni murendelle.” Koma mwaallota wi, “Khaniwa nithwara!”

Mateyu 20:16

Vano Yesu aamalliha ni wi, “Sika oomallihella eneerokhalla awaambeella nave awaambeella eneerokhalla oomallihella.”

Mateyu 22:14

Nave Yesu aamalliha ni ollota wi, “Awiithaniwa tti anchichi koma ootthoolliwa tti vang'ono.”

Mateyu 7:13

“Volloweellani va mullako mung'onong'ono kaambiiwa mullako wooya o gehena tti wooramballalla navettho museweene tti wookhweya nave eneetamo tti athu anchichi.

Mateyu 7:15

“Chenjerani ni anamallotella awoottha; enaphiya wa nyuwaano yooneyaka oomaalleya wonanko enkhosa koma muwari mwiwa eri enama ddawoopiha

Mariko 8:34

Nave Yesu aaddiithanella mulloko wa athu ni oohudderaaye aalleella wi, “Muthu aapaallaka okithwara iikhoote yeekhaaye, atukhulle mutandaaye akithware miyaano.

Luka 12:32

“Muhoove, nyuwaano ayo muri wonanko mulloko wa enkhosa ddooweerengeya vawi Attiitthaanyu yaakonda wi yuuvaheni omweniiwa.

Yohane 16:2

Khamwaakhullelliwa ovollowa mu enyumba ddamavekello* nave enthawi eneerophiya yawi arive muthu oyo anaawiipheni nyuwaano anaaganizekeeye wi anamurumeyella Mulluku.

Yohane 16:33

Kohuulleellani ddenndda wi mukhalle ni murendelle ekaamba ya miyaano. Ellapo yavatthi eneerewuuhoosani koma llipani murima vawi miyaano koogonjiha ellapo yavatthi.

Mitteko 14:22

Yahaallipiha murima ni waalleellesesa wi evirellelle okhulupilila. Yahaahuddiha wi, “Ninaphwanella wi nikumane ni ddoohoosa wi navollowe mu omwene wa Mulluku.”

Aroma 12:2

Muhittakihereke makhallello a athu a va ellapo yavattheella. Koma mwaakhullelle wi Mulluku uutthattuseni vawuuvahani murima wanaanweene. Vano muneerodduwella eyo Mulluku anapaalleeye, yaphaama wunchichi, yoomuhakallalliha ni yoophwanellella.

Aroma 9:32

Nave kaambiiwa tini? Ekaambiiwa yaari yawi kheyaakhanlle moollikana ni echikhulupililo koma yarororomella mitteko ddiwa. Sika vano yaakwakwatuwa vanllukuni nookwakwatuwiha