Mateyu 7:12 - Mawu a Mulluku

¹² “Muweerelleke athu amodda nnddo munapaalleenyu wi eweerellekeni nyuwaano. Nngu sika ottaphullella wa malamulo a Mose ni ehuddiho ya anamallotella.

Mateyu 7:12 Iomraidhean Croise

Ezekiele 18:21

Muthu oochimwa ahiya machimwaaye aniiwellella malamulwaaka mattheene nave aneera ddoolungama ni ddaphaama, aneerokhalla ni okumi, khakhwa.

Levitiko 19:18

Muhinahokollosella ddoonanara nave muhinaananariwella akhwiinyu koma mumukondeke mmodda wonanko mmo muniikondelleenyu nyookha. Mi tti Apwiya.

Mika 6:8

Iyaayi, muthuwe, Apwiya yaawooniha khalle eyo eri yaphaama. Alliwa enapaalla wi weereke ddoolungama, okondeke echifundo ni weeta mwawiiyeviha vamiitthoni va Mullukwaawo.

Malaki 3:5

Apwiya Amasiva Mattheene enallota wi, “Kineerewooneyella wa nyuwaano wi keeruze nave kineerovelleella omboni wowaavaanyiha attheene ehinakoova monga amasenga, ooraruwa, oollupella mwawoottha, oowiiyera mallivello allupa muttekwiiwa, owaanyingallella anaamukhwelle, akhwaadduni ni athu eelleto.”

Mateyu 5:17

“Muheese miyaano koowa va ellapo yavatthi wi kaahiihe malamulo a Mose ni ehuddiho ya anamallotella. Ngiwiille wi kaahiihe malamulwaayo koma wi kaakwakhwanihe.

Luka 6:31

Muweerelleke athu amodda, nnddo munapaalleenyu wi eweerellekeni nyuwaano.

1 Timoteo 1:5

Yoolinga ya wuulamula waka tti yawi waahuddihe athu okondana ovenyera m'murimani waweella ni yawuupusella murima yooreera ni echikhulupililo yawoona.

Yakobo 2:8

Vano munneera phaama mwaarimi muthwaraka malamulo a omwene ayo enaphwanyeya mu mawu a Mulluku awi, “Omukondeke mukhwaawo wonanko mmo oniikondelleewe weekha.”