Mateyu 7:11 - Mawu a Mulluku

¹¹ Naari muri oonanara munnadduwella waavaha aniinyu ddeko ddaphaama. Attiitthaanyu ooddullu ennavaha ddeko ddaphaama wuukhwaranyani nyuwaano wa ayo enamuveka.

Mateyu 7:11 Iomraidhean Croise

Genesis 6:5

Apwiya vawoonani wi athu a va ellapo yavatthi aananara mwawoopiha navettho wi mirima ddiwa tti ddooddalla ni maganizo oonanara,

Genesis 8:21

Apwiya yiiwalliiwa nthuko nawaaddivella yaallota wi, “Ngiwa kitembelelattho ellapo kaambiiwa koodduwella wi m'murimani mwa muthu tti moonanara ovenyera enamwanaaye. Ngiwa koonongattho erive ello yookumi wonanko mmo keerenlleemi.

2 Samuele 7:19

Nyu Mulluku, ddittheddenenndda ddaari ddooyeva vamiitthoni vanyu. Nyu Apwiya Mulluku, mwaalonjezattho nibanja naka mi oorumeyellaanyu dda enthawi yuullupalli yamuhoollo nave mookooniha mibado ddamuhoollo, nyu Apwiya Mulluku!

Yobu 15:16

Vawiidde muthu oonanara ni oochimwa, oowirya ddoonanara wonanko maaddi.

Masalimo 84:11

Vawi Apwiya Mulluku sika nndduwa ni yawiitetezella, ennaneerella echifundo ni onivaha olemu, Apwiya khenawiimana ddaphaama athu oolungama.

Masalimo 85:12

Ddawoona, Apwiya eneerovelleella ddaphaama, ellapwaahu eneerokhalla ni ddoohata ddinchichi.

Masalimo 86:15

Koma nyu Apwiya, tti Mulluku eechifundo, Mulluku ooreera murima, oohaakuva osha murima, ooddalla ni echikondi yoohisintheya ni oororomelleya wunchichi.

Masalimo 86:5

Nyu Apwiya tti aphaama ni ookhululukella, echikondaanyu yoohisintheya tti yuullupalli wa attheene ayo enawiithanani.

Yesaya 49:15

Apwiya yahaakhulla wi, “Ethiyo mutthiyana ttuumutiwalla mwanaye awaamwa apaalle oohimweerella echifundo mwaana oomuyara yeekha? Naari amutiwanlle mwanaye, miyaano, ngiwa kuutiwallani.

Yesaya 63:7

Kineerollota dda echikondi yoohisintheya ya Apwiya, kineerewaatitimiha ekaamba ya ddittheddene eneerenlliiwa. Ahaadalisa wunchichi athu a o Israele, voothwarani echifundwiiwa ni wunnuwa wa echikondiiwa yoohisintheya.

Yeremiya 17:9

“Murima wa muthu tti woolleka okhwaranya ddeko ddittheddene. Tti woonanara moohichiriheya, ttaani anaawore owiiwesesa?

Yeremiya 33:14

Apwiya enallotattho wi, “Ngoonani, enthawi enimawa mvo kinaakwakhwaniheemi nnddo kaalonjezilleemi athwaaka a o Israele ni a o Yuda.

Hoseya 14:2

Hokollweellani wa Apwiya ni mawu alla awi, “Munikhululukelle machimwaahu mattheene. Mwaapelle maaru oveka wahu nave nineerewuutitimihani ni eyano ddahu.

Mika 7:18

Ethiyo ttaani ari Mulluku oophwanaphwana ni nyuwaano, oyo anakhululukella machimo ni ovenyiha ddoolakwa dda oohalla a yoohallanaanyu? Khamunasunga m'murimani onanariwa wa enthawi yoohimalla ekaamba ya echikondaanyu yoohisintheya.

Malaki 1:6

Apwiya Amasiva Mattheene enallota wa allupa mukutho wi, “Anamwani ennaavaha olemu makhollwiiwa nave mullupa mutteko apwinnya. Mi tti ttiitthaanyu, ethiyo kaambiiwa tini muhinakooveenyu? Mi tti pwiinyu, ethiyo kaambiiwa tini muhinakivaheenyu olemu? Munnakinyaambusa komattho munnakikoha wi, ‘Ethiyo nuunyaambusalleni mwawiidde?’

Mateyu 23:9

Nyuwaano muhimuromolleke arive muthu vatthimva wi ‘Attiitthaanyu’ kaambiiwa muri ni Attiitthaanyu amoddave ooddullu.

Mateyu 7:10

apaalle omuvaha enowa aavekille ehomba.

Yohane 3:16

Vawi Mulluku aakonda ellapo yavatthi wunchichi, sika aavaha Mwanaye mmoddave yooyo wi arive muthu anakhulupilila mwa olliyooyo ahikhwe koma akhallena okumi woohimalla.

Aroma 3:19

Vano ninnadduwella wi erive ello m'malamuloni mmo enallota dda ayo enalamuliwa ni malamulwaayo wi athu ehikhalle ni mawu oothawellavo nave wi ellapo yavatthi ettheene yeeruziwe ni Mulluku.

Aroma 3:9

Nave vano, ethiyo hiyaano Ayuda niri aphaama waakhwaranya athu ayo ehiri Ayuda? Khe ddiiddo! Koollota khalle wi Ayuda ni athu ayo ehiri Ayuda enalamulelliwa ni machimo.

Aroma 8:32

Mulluku khaaniimaanne Mwanaye ayeekha koma aamuvelleella ekaamba ya hiyaano attheene! Vawi aanivaha Mwanaye, khanivahattho ddeko ddittheddene?

Agalatiya 3:22

Koma mawu a Mulluku enallota wi ellapo yavatthi ettheene eri mu masiva a machimo. Sika vano emphaso yalonjeziwe vookhulupililani mwa Yesu Khrisitu enavahiwa wa ayo enakhulupilila.

Yakobo 1:17

Erive emphaso yaphaama ni yooreera wunchichi enavenyera oddullu, ddinakittha wa Attiitthiihu ayo yaphatusalle ddoowala ddittheddene ddooddullu, oyo ahinatthattuwa nave owala wiwa khonatiithiwa.

1 Yohane 3:1

Ngoonani mmo Attiitthiihu enanikondelliiwa wawi ninnaromolliwa anamwani a Mulluku. Ddawoona hiyaano tti anaaye. Ellapo yavatthi khenanidduwella kaambiiwa khenamudduwella Mulluku.

1 Yohane 4:10

Ella sika echikondi! Ohiri wi naamukonda Mulluku koma wi olliye sika anikondille hiyaano nave aamurumiha Mwanaye wi machimwaahu ekhululukiwe mwa olliyooyo.