Mateyu 7:1 - Mawu a Mulluku

¹ “Muhiweeruzeke amodda wi Mulluku ahiweeruzeni.

Mateyu 7:1 Iomraidhean Croise

Yesaya 66:5

Nyu ootthukumella Apwiya yaallotaka, iwani mawu a Apwiya. Alliwa enallota wi, “Abalaanyu ayo eniitana ni nyuwaano ni wuukhootani ekaamba ya nnddina naka enallota wi ‘Apwiya etitimihiwe wi hiyaano noone ehakallallwaanyu.’ Koma alliwa sika enaawulliwe muru.

Mateyu 7:2

Vawi Mulluku aneeroweeruzani moophwanaphwana ni mmo munaaweeruzelleenyu athu amodda navettho aneerophariha mutteko mulingo woophwanaphwana ni oyo munaphariheenyu mutteko wa athu amodda.

Mateyu 7:5

Nyu awoottha! Mwaambe ovenyihamo murinda ori m'mwiitthoni mwanyu nave muneerowora woona phaama wi mumuvenyihemo mwaneello ari m'mwiitthoni mwa mukhwiinyu.

Luka 6:37

“Muhiweeruzeke athu amodda nave Mulluku khaweeruzani, muhinawiipaka mullatu athu amodda nave Mulluku khawa awiipani, mwaakhululukelleke athu amodda nave Mulluku aneerewuukhululukellanittho.

Luka 6:41

“Onamoonella tini mwaneello m'mwiitthoni mwa mukhwaawo koma onahiya woona murinda ori m'mwiitthoni mwawo?

Yohane 8:7

Vano yavirellelliiwa omukoha ahiinuwa allota wi, “Aarivo mmodda a nyuwaano ahinachimweke waambeella khalle aambe omuvokha nlluku.”

Yakobo 3:1

Asinnaka ni arokoraka, anchichi a nyuwaano muhikhalle ahuddihi kaambiiwa hiyaano ahuddihi nineereweeruziwa mookhwaranya athu amodda.