Mateyu 6:9 - Mawu a Mulluku

⁹ Vano muvekelleke mwawi ddiidda, Attiitthiihu ooddullu, nnddina nanyu naweella nititimihiwe,

Mateyu 6:9 Iomraidhean Croise

2 Samuele 7:26

Sika nnddina nanyu nineerotitimihiwa wa enthawi yoohimalla, ollota wi, ‘Apwiya Amasiva Mattheene tti Mulluku a Aisraele.’ Nave nibanja na oorumeyellaanyu Davide nineerokeraattheya vamiitthoni vanyu wa enthawi yoohimalla.”

1 Mamwene 8:43

nyu mwiiwe oddullu munakhalleenyuwo nave mweere nnddo mulletooyo uuvekilleeyeni. Mweere ddenndda wi athu attheene a va ellapo yavatthi edduwelle nnddina nanyu nave ewoovekeni monga eneerella Aisraele athwaanyu nave edduwelle wi enyumba ella kiyimankeemi enadduwanyeya ni nnddina nanyu.

1 Epilli 17:24

Sika nnddina nanyu nineerovuwihiwa ni otitimihiwa wa enthawi yoohimalla voollotani wi, ‘Apwiya Amasiva Mattheene, Mulluku a Israele, tti Mulluku a Israele.’ Nave nibanja na oorumeyellaanyu Davide nineerokeraattheya vamiitthoni vanyu wa enthawi yoohimalla.

2 Epilli 20:6

nave aallota wi, “Nyu Apwiya Mulluku a makhollwaahu, ethiyo khemuhiyo Mulluku oyo ari oddullu? Ethiyo khemuhiyo nyu munalamulella moomwene mattheene? M'mattani mwanyu mookhalla masiva ni ottekweene, sika wi khaavo muthu anaawore ollipana ni nyu.

Nehemiya 9:5

Vano Alevi monga Yeshuwa, Kadimiyele, Bani, Hashabuneiya, Hodiya, Shebaniya ni Petahiya yaallota wi, “Ngavenyani naatitimihe Apwiya Mullukwaanyu enthawi ddittheddene. Nidalisiwe nnddina niwa nootitimiheya nno ninawellihiwa okhwaranya madaliso ni ollapella wutthewene.”

Masalimo 111:9

Yahaavullusa athwiiwa, yaakeraatthiha echipanganwiiwa wi ekhalle ya enthawi yoohimalla. Nnddina niwa tti naweella ni nawoopiha.

Masalimo 115:3

Mullukwaahu ari oddullu, anneera erive ello anapaalleeye.

Masalimo 72:18

Etitimiheye Apwiya Mulluku a Israele, ayo aneera ddeko ddoottikhiniha.

Yesaya 37:20

Sika nyu Apwiya Mullukwaahu, munivulluse wa muthu yoolla wi mitundu ddittheddene dda va ellapo yavatthi ddidduwelle wi nyuwaano nyookha tti Apwiya.”

Yesaya 57:15

Muullupalli ni Amasiva Mattheene oyo arivo enthawi ddittheddene nave nnddina naye tti Aweella anallota wi, “Kinakhalla va nipuro navaddullu ni naweella, kinnakhallattho vamodda ni athu awiiyeviha ni oolapa wi killipihe munepa wa awiiyeviha ni ohihimulla murima wa oolapaayo.

Yesaya 6:3

Aserafaayo yaanakhuwellana wi, Aweella, aweella, aweella tti Apwiya Amasiva Mattheene! Ntitimiho niwa nooddalla ellapo yavatthi ettheene.

Yesaya 63:16

Vawi nyuwaano sika attiitthiihu naari Abrahamu ahinidduwellaka navettho Israele ahinaakhullaka. Koma nyu Apwiya muri attiitthiihu, oonoopollaahu waambeella khalle.

Yesaya 64:8

Komave nyu Apwiya muri attiitthiihu. Niri wonanko olloko nave nyuwaano muri wonanko awoopa vawi niri mitteko dda mattaanyu.

Yesaya 66:1

Apwiya enallota wi, “Oddullu sika mpandwaaka woomwene, ellapo yavatthi sika voonyingallavo manyallwaaka. Ethiyo munaakimakelle enyumba yawiidde? Niri wuuwi nipuro nawiithuuwellamo miyaano?

Ezekiele 36:23

Kineeronooniha nnddina naka nuullupalli wi tti naweella, nno nakhanlle nivevulliwaka variyari va mitundu ddimodda. Vano mitundu ddimodda ddadduwella wi kohooniha weella wa nnddina naka mwa nyuwaano eneerodduwella wi mi tti Apwiya. Mi Apwiya Mulluku koollota.

Ezekiele 38:23

Mmu sika kinaawoonihelleemi wi mi tti amasiva ni aweella nave kineerodduwanyeya wa athu a mitundu ddittheddene sika eneerodduwella wi mi tti Apwiya.”

Levitiko 10:3

Vano Mose aamulleella Aroni, “Vallethi Apwiya yaallota wi, ‘Kineerewooniha weella waka wa attheene ayo eri vakhuviru ni miyaano nave kineerotitimihiwa vamiitthoni va athu attheene’ ” Koma Aroni khaawaakhullalle.

Habakuku 2:14

Vawi ellapo yavatthi ettheene eneeroddalla ni odduwella dda ntitimiho na Apwiya wonanko enyanja enaddallelliiwa ni maaddi.

Zekariya 14:9

Apwiya eneerokhalla mwene a ellapo yavatthi ettheene. Nllapo nenno Apwiya enaallapelliweke ni odduwelliwa ni athu attheene ni nnddina nimoddave.

Malaki 1:11

Ovenyera wookhuma nndduwa ophiyera woovollowa nndduwa nnddina naka ninaakhalle nuullupalli variyari va mitundu ddittheddene. Va nirive nipuro ennakoosella lubani* nave ennavelleella mikutho ddoopatuleya vawi nnddina naka tti nuullupalli variyari va mitundu dda athu ddittheddene. Mi Apwiya Amasiva Mattheene koollota.

Mateyu 10:29

Munnawora okulla epallame dda kattiitti piilli ni nikobiri nimodda. Nave naari kattiitti mmodda khanakhwa Attiitthaanyu ehinaakhullelle.

Mateyu 23:9

Nyuwaano muhimuromolleke arive muthu vatthimva wi ‘Attiitthaanyu’ kaambiiwa muri ni Attiitthaanyu amoddave ooddullu.

Mateyu 26:29

Kinimuulleellani wi ngiwa kimuwiryattho vinyo ophiyera nllapo nenno kineereemi kimuwiryettho vinyo musha ni nyuwaano mu omwene wa Attiitthaaka.”

Mateyu 26:42

Wiillittho waneepiilli Yesu aaya avekella wi, “Attiitthaaka kapu a ddoohoosoolla aahivenyihiwa ophiyera kimuwinrye, opaalla wanyu weeriwe.”

Mateyu 5:16

Emoddamoddave yeeyo owala wanyu wooneyeke vamiitthoni va athu wi vawoonani mitteko ddanyu ddaphaama yaatitimihe Attiitthaanyu ooddullu.

Mateyu 5:48

Munaphwanella wi mukhalle aweella wunchichi vawi Attiitthaanyu ooddullu tti aweella.

Mateyu 6:14

“Mwaakhululukella ayo yuulakwenlleni, Attiitthaanyu ooddullu eneerewuukhulukellanittho.

Mateyu 6:6

Koma weyaano waavekellaka vollowa mu echipindaawo yawiipittheya, owalle nchiwi, vano ovekelle wa Attiittho ayo ehinooneya. Vano Attiittho awoona ddawiipittheya eneerewuuthuva.

Mateyu 7:11

Naari muri oonanara munnadduwella waavaha aniinyu ddeko ddaphaama. Attiitthaanyu ooddullu ennavaha ddeko ddaphaama wuukhwaranyani nyuwaano wa ayo enamuveka.

Luka 15:18

Kineerotimulla kiye wa attiitthaaka kallote wi, Attiitthaaka, kaamuchimwella Mulluku ni nyuwaano.

Luka 15:21

Vano mwaanooyo aallota ni attiitthinnyaayo wi, ‘Attiitthaaka, kaamuchimwella Mulluku ni nyuwaano. Nginaphwanellattho oromolliwa wi mwaninyu.’

Luka 2:14

“Ntitimiho nikhalle wa Mulluku Muullupalli, nave murendelle okhalle va athu ayo anahakallalleeyena vatthimva!”

Yohane 20:17

Yesu aamulleella wi, “Ohikiphare vawi nginawelle wa Attiitthaaka. Koma vano khawe wa oohudderaaka waalleelle wi kinahokollweella wa Attiitthaaka ni wa Attiitthaanyu, wa Mullukwaaka ni Mullukwaanyu.”

Aroma 1:7

Nave vano kinalembella wa nyuwaano attheene mu Roma, ayo Mulluku anaakondeeye nave aawiithana wi ekhalle athwaaye. Echisomo ni murendelle dda Mulluku Attiitthiihu ni Apwiya Yesu Khrisitu ddikhalle ni nyuwaano.

Aroma 8:15

Vawi Munepa oyo Mulluku uuvahilleeyeni khonaweerani akaporo ayo enakhalla mwawoova koma Munepooyo onaweerani anamwani a Mulluku nave ekaamba ya masiva a Munepooyo ninnamweera Mulluku wi, “Abba” ottaphullella wi, “Attiitthaaka!”

Agalatiya 1:1

Ovenyera wa miyaano Paulo, murummwa oyo wiithaniwa waye wahivenyenre wa athu apaalle oweella wa athu koma wa Yesu Khrisitu ni Mulluku Attiitthiihu ayo yaamuvenyihalle Yesu wa ookhwa.

Agalatiya 4:6

Vawoonihani wi nyuwaano tti anaaye, Mulluku aarumiha Munepa wa mwanaye m'mirimani mwahu, Munepooyo onakhuwa wi, “Abba, Attiitthaaka.”

1 Timoteo 6:16

Yooyove ari ni okumi woohimalla, anakhalla mu owala woohiphiyereya. Khaavo muthu amoonille yoolla, khaavottho muthu anaawore omoona. Wa yooyo okhalle ntitimiho ni masiva oohimalla! Amen.

1 Petro 1:17

Munamuromolla wi Attiitthiihu, mwaavekellaka wa Mulluku, oyo anaweeruza athu attheene moollikana ni ddaweera ddiwa moohiweha ekhove. Sika vano mu okumaanyu muttheene va ellapo yavatthi mumooveke olliyooyo.

Yawuupullulla 4:11

“Apwiihu ni Mullukwaahu! Nyuwaano munnaphwanella waakhella ntitimiho, oriiheya ni masiva. Vawi tti nyuwaano mwaphatusalle ddeko ddittheddene, nave mwaapaalla wi ddittheddenennddo ddikhalle ni okumi.”

Yawuupullulla 5:12

Nave yaaniipa ni mawu oowella wi, “Mwaanaankhosa iiphiwooyo sika anaphwanella waakhella masiva, eyuuma, ezeru ni ollipa, oriiheya, ntitimiho ni othokoza!”