Mateyu 6:5 - Mawu a Mulluku

⁵ “Mwaavekellaka, muhinaphwanaphwanaka ni awoottha! Alla ennakonda wiimella ni ovekella mu enyumba ddamavekello ni m'makhullukano wi arive muthu awooneke. Ddawoona, kinimuulleellani wi yaallathi ahaakhella khalle yoothuviwiiwa.

Mateyu 6:5 Iomraidhean Croise

Masalimo 5:2

Mullukwaaka, mwenaaka, iwani winlla waka, wa nyuwaano kinnavekella.

Masalimo 55:17

Misikuwa, ohinase ni otthaana kinnakhupanya ni winlla, alliwa eneerewiiwa mawaaka.

Miyambo 15:8

Mikutho dda muthu oochimwa onnaananara Apwiya koma mavekello a aphaama ennaahakallalliha.

Miyambo 16:5

Arive muthu awiitukhulla annaananara Apwiya. Ddawoona, khalephela ollakiwa.

Yesaya 1:15

Mwaatukhullellaka muddullu mattaanyu voovekellani, miyaano kineerewiipitthiha ekhovaaka. Naari mwaanjerere mavekellwaanyu mwawiidde, ngipwathawo kaambiiwa mattaanyu yooddalla ni nikhame.

Yeremiya 29:12

Enthawi yeeyo muneerokiithana wi mukillapelleke nave kineerowaakhullani.

Daniele 6:10

Daniele iiwalleeye wi lamulonna nookeraatthihiwa aavollowa mpa mwaye. Mu echipindaaye yavaddullu mwaakhalla mawindo ooweha o Yerusalemu. Nave mwemmo aanakokhora vatthi oraru vanllaponi anavekella ni omutitimiha Mullukwaaye moollikana ni mmo eerelleeye khalle.

Mateyu 21:22

Mwakhalla ni echikhulupililo, muneerewaakhella erive ello munavekeenyu mu nivekello.”

Mateyu 23:13

“Nyu, awoottha, ahuddihi a malamulo ni Afarisi, mookhalla ni otulli! Munnawalla nchiwi na omwene wa Mulluku wi athu ehivollowemo. Nyuwaano khamunavollowamo nave munnahiiha ayo enapaalla ovollowa!”

Mateyu 23:5

Enneera erive ello wi athu ewoone. Ennaddimakellella vayuuchini ni vamuwononi mahutta anttapara uullupalli a mawu a Mulluku. Nave ennarekamihattho manyenje a malayiiwa.

Mateyu 23:6

Ennakonda mapuro oolemu vamachellelloni ni mipando ddoolemu mu enyumba ddamavekello.*

Mateyu 6:1

“Wehesesani wi muheere mitteko ddanyu ddoolungama vamiitthoni va athu wi ewooneni. Mweera ddiidda vamiitthoni va athu khamwaakhella erive emphaso yoovenyera wa Attiitthaanyu ooddullu.

Mateyu 6:16

“Nave mwaahallaka ocha,* muhinoonihaka ekhove yookhupanya wonanko mmo eneerella awootthaayo. Alliwa ennananariha ekhove ddiwa wi arive muthu oone wi enimahalla ocha. Ddawoona, kinimuulleellani wi yaallathi aathuviwa khalle.

Mateyu 6:2

“Sika mwaamuvahaka ello muthu oohoowa, muhinawellaka veeruwani wonanko awoottha ayo enavelleella ddeko mu enyumba ddamavekello* ni m'misewuni. Eneera ddiidda wi athu yaavaheke olemu. Ddawoona, kinimuulleellani wi yaallathi aathuviwa khalle.

Mateyu 9:38

Vekellani wa mwaneena a ddoohatannddo wi aarumihe allupa mutteko etthukumanihe ddoohata ddaye.”

Mariko 11:25

Mwaawiimellaka ni ovekella, mwaakhululukelleke athu attheene ayo yuulakwenlleni. Vano Attiitthaanyu ooddullu eneerewuukhululukellani machimwaanyu.”

Mariko 12:38

Yesu aahuddiheeye aallota wi, “Chenjerani ni ahuddihi a malamulo vawi ennakonda weeteeta ewanre mikanjo ddiwa ni ovahiwa mooni moolemu mu misika.

Luka 11:43

“Mookhalla ni otulli nyuwaano Afarisi! Vawi munnakonda mipando ddoolemu mu enyumba ddamavekello* ni ovahiwa mooni moolemu m'misikani.

Luka 18:1

Yesu ahaalleella oohudderaaye niphwanaphwaniho nowaahuddiha wi enaphwanella wi evekelleke mallapo mattheene, oohitopa.

Luka 18:13

“Koma ookhomiha musonkhoolle ahiimella voorekamella naari khaatukhunlle ekhovaaye oweha oddullu koma aamoona odduukutha vakhakaddani vaye allotaka wi, ‘Mulluku mukeerelle echifundo, miyaano muthu oochimwa!’ ”

Luka 20:47

Ennaachella anaamukhwelle ni waakusella katundwiiwa naari enyumba ddiwa ddene, vawaamarani athu muyeepe owiitthoni ni mavekello oorekama. Ollakiwa wiwa oneerokhalla wuullupalli waakhwaranya athu amodda!”

Luka 6:24

“Koma ootulli tti nyuwaano muri ni eyuuma, vawi mohaakhella khalle yowuuhakallallihani.

Yohane 16:24

Ophiyera vano khamuvekille erive ello mu nnddina naka, sika vano vekani nave muneerewaakhella wi muhakallalle murimaanyu muttheene.

Aefeso 6:18

Mweereke ddenndda mu nivekello. Muvekelleke va ddirive ddaweereya, moohoollelliwa ni Munepa. Mukhalleke oowehera nave muvekelleke moohihiyerera, mwaavekellellekettho athu a Mulluku enthawi ettheene.

1 Atesalonika 5:17

Vekellani moohihiyerera.

Yakobo 4:6

Koma echisomo ya Mulluku tti yuullupalli wunchichi. Sika mawu a Mulluku eni, “Mulluku annaahiiha awiitukhulla koma annaweerella echifundo awiiyeviha.”