Mateyu 6:22 - Mawu a Mulluku

²² “Miittho tti wonanko enyali ya mwiilli. Miitthwaawo yakhalla aphaama, mwiillaawo muttheene onnaddalliwa owala.

Mateyu 6:22 Iomraidhean Croise

Yesaya 5:20

Otulli wa athu ayo enaddeesa ddoonanara wi tti ddaphaama nave ddaphaama wi tti ddoonanara, ayo eneesa epiphi wi tti owala nave owala wi tti epiphi ayo eneesa ddoowaawa wi tti ddooddiva nave ddooddiva wi tti ddoowaawa.

Mateyu 5:15

Khaavo muthu anakhariha enyali, ayikhuneella ni muno koma anahiya va yoohiyavo enyali, mvo enamumolleelliiwa arive muthu mpammo.

Mitteko 2:46

Nllapo ni nllapo yaanatthukumana mu enyumba ya Mulluku ni murimiiwa muttheene moowiiwanana. Navettho yaanamumeyameya buledi enamucha m'mawaniwa ni okawana yoocha moohakallalla ni murima woottaphuwa.

2 Akorinto 11:3

Koma kinoova wi maganizwaanyu enaavirikanyihiwe nave wi muneerohiya wiivelleella wanyu woororomelleya wa Khrisitu wonanko mmo Heva aallekiweeye ni olleka woochenjera wa enowa.

Aefeso 6:5

Akaporonyu, muwiiwellelleke apwiinyu a va ellapo yavatthi moovelleella olemu wunchichi. Nave mweereke ddiiddo ni murimaanyu muttheene, wonanko munamurumeyella Khrisitu.

Akolose 3:22

Akaporonyu muwiiwellelleke apwiinyu a vatthimva mu ddeko ddittheddene, ohiri yaawuuweherakanive kaambiiwa munapaalla mwaahakallallihe nave mweereke ni murimaanyu muttheene ekaamba ya owoova wanyu Apwiya.