Mateyu 6:16 - Mawu a Mulluku

¹⁶ “Nave mwaahallaka ocha,* muhinoonihaka ekhove yookhupanya wonanko mmo eneerella awootthaayo. Alliwa ennananariha ekhove ddiwa wi arive muthu oone wi enimahalla ocha. Ddawoona, kinimuulleellani wi yaallathi aathuviwa khalle.

Mateyu 6:16 Iomraidhean Croise

2 Samuele 12:16

Sika Davide aamuvekellella mwaanooyo wa Mulluku. Aahalla ocha,* avollowa mpa, akonaatthi vatthi mahiiyu mattheene.

2 Samuele 12:21

Vano oorumeyellaayaalle yaamukoha wi, “Nitthopoollelleni nndda mweerilleenyu tti ddawiidde? Mwaninyu aariiye mukumi nyuwaano mwaaninlla ni ohalla ocha. Koma akhwilleeye nyuwaano moovenya munacha yoocha.”

1 Mamwene 21:27

Ahabu iiwalle mawu yaalla, ahaahulla ddoowara ddaye, awara eziguduli. Aahalla ocha,* akona va ezigudulinnddo nave ahaamba weeta mwawiiyeviha.

Nehemiya 1:4

Kiiwalleemi mawu yaalla, kaakeraatthi kininlla. Kahinlla nave kaahalla ocha* wa mallapo manchichi nave kaavekella wa Mulluku ooddullu.

Estere 4:16

“Khaweni mwaatthukumanihe Ayuda attheene a o Susa. Nave yathute ocha ekaamba ya miyaano. Ehiye yacha apaalle owirya mallapo mararu otthaana ni mahiiyu. Miyaanottho ni anamwallaaka nineerothuta ocha moophwanaphwana ni nyuwaano. Vatulli viwa kineerooya wa mwene naari nngu tti ohiiwellella lamulo. Wakhalla okhwa, kikhwe.”

Masalimo 109:24

Makutthaaka aavelleveddeya ekaamba ya ohalla ocha,* mwiillaaka wohoonda ekaamba yoorama makhura.

Masalimo 35:13

Koma miyaano adanaaka yavoriwiiwa, kaawara eziguduli wooniha omoriwa ethakaraka. Kahiillaka voohallani ocha, kaavekella kiwaramenlle vatthi,

Masalimo 69:10

Kiiyeviheemi voohallani ocha, athu yaakivevulla.

Daniele 9:3

Vano kaatukhullella miitthwaaka wa Apwiya Mulluku, waakoha moovekella, nngu kihallaka ocha, kiwanre echiguduli navettho kiihenlle ntuura.

Malaki 3:14

Moollota wi, ‘Tti ddoohikhalla ni mutteko omurumeyella Mulluku. Ethiyo ttuuphuravo tini voothwarani malamulo a Apwiya Apwiya Amasiva Mattheene apaalle vawoonihani ethakaraka vamiitthoni viwa?

Mateyu 6:1

“Wehesesani wi muheere mitteko ddanyu ddoolungama vamiitthoni va athu wi ewooneni. Mweera ddiidda vamiitthoni va athu khamwaakhella erive emphaso yoovenyera wa Attiitthaanyu ooddullu.

Mateyu 6:2

“Sika mwaamuvahaka ello muthu oohoowa, muhinawellaka veeruwani wonanko awoottha ayo enavelleella ddeko mu enyumba ddamavekello* ni m'misewuni. Eneera ddiidda wi athu yaavaheke olemu. Ddawoona, kinimuulleellani wi yaallathi aathuviwa khalle.

Mateyu 6:5

“Mwaavekellaka, muhinaphwanaphwanaka ni awoottha! Alla ennakonda wiimella ni ovekella mu enyumba ddamavekello ni m'makhullukano wi arive muthu awooneke. Ddawoona, kinimuulleellani wi yaallathi ahaakhella khalle yoothuviwiiwa.

Mariko 2:18

Oohuddera a Yohane Oobatiza ni Afarisi yaanahalla ocha.* Athu amodda yaawa wa Yesu emukoha wi, “Kaambiiwa tini oohuddera a Yohane Oobatiza ni oohuddera a Afarisi enahalliiwa ocha koma oohudderaanyu khenahalla ocha?”

Luka 18:12

Kinnahalla ocha* wiilli vamulunguni nave kinnavelleellattho yaneekhumi ya ddittheddene kiriimina.’

Luka 2:37

Vano aari ni miyakha 84. Khaavenyillemo mu enyumba ya Mulluku koma aanallapella mahiiyu ni otthaana, voohallani ocha ni ovekella.

Mitteko 10:30

Korineliyo aallota wi, “Waari nnddana enthawi wonanko yeella kaamavekella mpa mwaka enthawi ya 3 koloko otthaana. Moorurumusa muthu oowara ddaweellesesa ahiimella vahoollo vaka

Mitteko 14:23

Va orive mpingo yahaatthoollavo attekweene nave ni mavekello owaakattho ohalla ocha* yahaavelleella wa Apwiya, ayo yaakhulupililiiwa.

1 Akorinto 7:5

Muhikhootaneke koma vaavove mwiiwanane wi mweere ddiiddo va enthawi yooyeva wi mwiivelleelle wa Apwiya m'mavekelloni. Nave mweeddiiddo mukhallekettho nimodda wi Satana ahiweeseni ekaamba ya ohiihiiha wanyu.

2 Akorinto 11:27

Kaanaphara mutteko moollipa nave wiilliwiilli ngaakona. Kaanavolliwa ettalla ni nthona nave wiilliwiilli ngaarina yoocha. Kaanariryiwa nave ngaarina yoowara.

2 Akorinto 6:5

vawuukuthiwani, voohiyiwani mundende, vootthukumanelliwani, voopharani mutteko moollipa, voohikonani ni voohichani.