Mateyu 6:13 - Mawu a Mulluku

¹³ Muhinikuselle woweesiwa, koma munivulluse wa Oonanarooyo.

Mateyu 6:13 Iomraidhean Croise

Genesis 22:1

Vatulli viwa Mulluku aamweesa Abrahamu. Aamwiithana wi, “Abrahamu!” Nave Abrahamu ahaakhulla wi, “Ee Apwiya.”

1 Mamwene 1:36

Vano Benaya mwaana a Yehoyada aamwaakhulla mwenooyo wi, “Amen! Apwiya Mulluku a apwiyaaka amwene ekwakhwanihelle ddenndda.

1 Epilli 16:36

Oodala tti Apwiya Mulluku a Israele, ovenyera o enthawi yoohimalla, wa enthawi yoohimalla!” Vano athu attheene yahaakhulla wi, “Amen” nave yahaatitimiha Apwiya.

1 Epilli 29:11

Nyu Apwiya tti muullupalli, amasiva, antitimiho, oopambana ni oolemu vawi ddittheddene ddiri oddullu ni va ellapo yavatthi tti ddaanyu. Apwiya, omwene tti waanyu nave muri oolamulella ddittheddene.

1 Epilli 4:10

Yabezi aavekella wa Mulluku a Israele wi, “Mukidalise nave muyinnuwihe ellapwaaka. Nnatta nanyu namasiva nikhalle ni mi nave mukisunge wi yoonanara ehikimorelle ni okihoosa.” Sika Mulluku aamuvaha nnddo avekilleeye.

Masalimo 10:16

Apwiya sika mwene wa enthawi yoohimalla. Mu ellapo ya Mulluku, oohimullapella eneerotthollowa.

Masalimo 106:48

Oodala tti Apwiya Mulluku a Israele, ovenyera o enthawi yoohimalla wa enthawi yoohimalla. Athu attheene ellote wi, “Amen.” Aleluya!

Masalimo 22:28

Vawi olamulello ottheene tti wa Apwiya, alliwa tti mwene a mitundu ddittheddene.

Masalimo 41:13

Etitimiheye Apwiya Mulluku a Israele, waambeella enthawi yoohimalla wa enthawi yoohimalla! Amen! Amen!”

Masalimo 47:2

Vallethi Apwiya Amasiva Mattheene enaphwanella wooviwa, sika mwene muullupalli a va ellapo yavatthi ettheene.

Masalimo 47:7

Mulluku sika mwene a va ellapo yavatthi ettheene, ipani mweeruso machipo ootitimiha!

Masalimo 72:19

Nnddina niwa nootitimiheya nidaliseye wa enthawi yoohimalla, otitimiheya wiwa oddalle ellapo yavatthi ettheene. Amen! Amen!

Masalimo 89:52

Edaliseye Apwiya wa enthawi yoohimalla! Amen! Amen!

Eksodo 15:18

Nyu Apwiya, muneerokhalla mwene wa enthawi yoohimalla.”

Miyambo 30:8

Mukivenyihellevo ddawoottha ni ddoolleka. Muhikivahe ohoowa apaalle eyuuma koma mukivahe yoocha yookwakhwanella.

Yeremiya 15:21

Kineerowakihera wa athu oonanara nave kineerowoopolla wa athu eekuku. Mi Apwiya koollota.”

Yeremiya 28:6

“Amen! Apwiya yeere ddenndda. Apwiya esimikize ollotenlleewenndda voohokollosellani eziwiya dda o enyumbiiwa ni akaporo attheene o nipuronna ovenyera o Babiloni.

Daniele 4:25

Muneerewiikarihiwa variyari va athu nave munaakhalleke vamodda ni enama ddamuhakani. Munaacheke manasi wonanko eng'ombe nave muneerekonaana ni nikame nooddullu wa miyakha mitthanu ni miilli ophiyera mudduwenlle wi Mulluku Ooddullu ookhalla ni masiva oolamulella moomwene a athu annaavelleella wa arive muthu moollikana ni mmo anapaallelleeye.

Daniele 7:18

Koma aweella a Mulluku Amasiva Mattheene eneerewaakhella masiva oomwene nave eneerokhallanave wa enthawi ddittheddene ni wa enthawi yoohimalla.”

Numeri 5:22

Maaddi amatembelelwaalla evollowe m'mirimani mwawo, yiipihe erukullwaawo nave munyaalle mukhoveni mwawo.’ Vano mutthiyanooyo aakhullelle wi ‘Amen.’

Mateyu 26:41

Muhikoneke, muvekelleke wi muheesiwe. Murimaanyu onnapaalla weera ddaphaama koma mwiillaanyu tti woofooka.”

Mateyu 28:20

Nave mwaahuddihe wi yiiwellelleke ddeko ddittheddene kuulamulalleemini nyuwaano. Nave miyaano kiri ni nyuwaano mallapo mattheene ophiyera omalla wa ellapo yavatthimva.”

Mateyu 5:37

Mukhulleke ollota wi, ‘Ee’ mwaapaallaka waakhullella apaalle, ‘Iyaayi mwaapaallaka oruna.’ Mawu munaanjerereenyu mwaallupellaka enavenyera wa Oonanarooyo.”

Mateyu 6:10

omwenaanyu owe, opaalla wanyu weeriwe, vatthimva wonanko ooddullu.

Yohane 17:15

Nginuuvekani wi mwaavenyihemo mu ellapo yavatthi koma wi mwaateteza phaama wa Oonanarooyo.

1 Akorinto 10:13

Weesiwa orive ottheene nko onuuphiyereni tti wenko onamuphiyera arive muthu. Nave Mulluku tti oororomelleya nave khaakhullella wi nyuwaano mweesiwe ohiyana ni masivaanyu awiimella moollipa. Koma enthawi eyo muneesiweenyu aneerowinnyani ettilla yawi muvulluwellemo sika muneerowora ovillella.

1 Akorinto 14:16

Mwaamuthokozaka Mulluku m'munepanive, athu amodda eneere “Amen” mwawiidde mwawaakhullella othokoza wanyu yaahidduwella eyo munallotaanyu?

2 Akorinto 1:20

vawi oweella mwa olliye ddoolonjeza dda Mulluku ddinnakwakhwanihiwa. Ella sika ekaambiiwa nineereehu Amen oweella mwa Yesu Khrisitu wi nimutitimihe Mulluku.

Agalatiya 1:4

Khrisitu ahiivelleella ekaamba ya machimwaahu voomwiiwellellani Mulluku, Attiitthiihu wi anoopolle ovenyera o ellapo yoonanareella.

Deuteronomo 8:16

Yahuuvahani mana muchipululuni wi muche, yoocha eyo makhollwaanyu yahiyidduwenlliiwa wi yuuyeviheni ni oweesani wi vatulli viwa yuudaliseni.

Deuteronomo 8:2

Upuwellani mmo Apwiya Mullukwaanyu yuuhoollelliiwani muchipululuni va olendo wa miyakha ddittheddene 40 ddivirallenndda. Yahuukhumullani ni oweesani wi edduwelle nnddo ddaari m'murimani mwanyu nave wi yoone khaya muneerewiiwellella malamulwiiwa apaalle iyaayi.

1 Atesalonika 1:10

ni mmo munamutiyerelleenyu Mwanaye wi awe ovenyera oddullu. Mwaana yooyo tti Yesu oyo aamuvenyihalleeye wa ookhwa ni oyo anaanivulluse o osha murima wa Mulluku onawanko.

2 Atesalonika 3:3

Koma Apwiya tti oororomelleya navettho eneerewuuvahani masiva ni owaakiherani wa oonanarooyo wi ahuuvoreyeni.

1 Timoteo 1:17

Wa Mwene oohimalla, oohikhwa ni oohooneya oyo ari Mulluku yeekhaaye, okhalle oriiheya ni ntitimiho wa enthawi yoohimalla! Amen.

Aheberi 11:36

Amodda yaattheyiwa ni owashulliwa, yaamakiwa ni onyolo nave ehiyiwa mundende.

1 Petro 5:8

Chenjerani, wehesesani! Mudanaanyu, Satana, aneeteeta wonanko mukango onathuruma, anamwaashaasha muthu wi ammirye.

2 Petro 2:9

Vano Apwiya ennadduwella waavullusa athwiiwa a Mulluku o ddoohoosa ddiwa navettho ennaadduwella waasunga athu oonanara ophiyera nllapo na echiweruzo wi yaallake.

1 Yohane 3:8

Oyo anavirellella ochimwa anakhalla a Satana kaambiiwa Satana aachimwa ovenyera vawaamba. Mwaana a Mulluku ahooneya ekaamba ya yeella wi oononge eyo yeeriwe ni Satana.

Yawuupullulla 1:18

Ookumoolle tti miyaano! Kaari ookhwa koma vano kookhalla ni okumi woohimalla. Kookhalla ni kiiyi a va okhwa ni a va ellapo ya ookhwa.

Yawuupullulla 19:1

Ddimallille ddenndda kahiiwa mawu awiiweya wonanko onyakulla wa mulloko wa athu anchichi muddullu ellotaka wi, “Aleluya! Ovullusa, ntitimiho ni masiva tti dda Mullukwaahu!

Yawuupullulla 19:4

Nave attekweene 24 ni ddoophatusiwa ddookumi ddisese ddaakokhora nave ddimullapella Mulluku, oyo akeraatthille vampandoni woomwenaaye. Yaallota wi, “Amen! Aleluya!”

Yawuupullulla 2:10

Muhoove dda ddeko ddittheddene munaakumaneneenyu. Ngoonani, Satanooyo aneeroweesani vawuuhiyani mundende amodda a nyuwaano nave ohoosiwanngu onaakhalle wa mallapo khumi. Khallani oororomelleya wa miyaano naari mwiiphiwe nave kineerewuuvahani emphaso yookumi.

Yawuupullulla 21:4

Olliye aneerewaavutta miitthori m'miitthoni mwiwa. Khowattho okhalla okhwa winlla wiiwa ovoreya naari ekutho. Ddeko ddakhalle ddoovira.”

Yawuupullulla 3:10

Kaambiiwa mohiiwellella olamulella waka wi muvillelle, nameenettho kineerowaakihani va enthawi yaweesiwa eyo enaaweelle athu attheene a va ellapo yavatthi.

Yawuupullulla 3:14

“Omulembelle oohoollella a mpingo wa o Laodikeya wi, “Alla sika mawu oovenyera wa muthu oyo aneeriwa Amen, oororomelleya ni mboni awoona oyo arittho awaamba a ddeko ddittheddene ddaphatusiwe ni Mulluku.

Yawuupullulla 5:13

Nave kahiiwa erive yoophatusiwa ya oddullu, ellapo yavatthi, vatthi va ellapo ni ya m'maaddini yiipaka. Sika ddookumi ddittheddene ddaaniipa wi, “Wa olliye anakeraatthi vampandoni woomwene ni wa mwaanaankhosa, okhalle ntitimiho ni oriiheya, owaaka masiva wa enthawi ddoohimalla!”