Mateyu 6:10 - Mawu a Mulluku

¹⁰ omwenaanyu owe, opaalla wanyu weeriwe, vatthimva wonanko ooddullu.

Mateyu 6:10 Iomraidhean Croise

Nehemiya 9:6

Nave Aisraele yaavekella wi, “Nyeeneve sika muri Apwiya. Mwaaphatusa oddullu ni etheneeri ddooddullu. Mwaaphatusa ellapo yavatthi ni enyanja ni ddittheddene ddiri mwemmo mwaaddivaha okumi. Ddittheddene ddooddullu ddinnuukokhorellani ddinuullapellani.

Masalimo 2:6

Apwiya enallota wi, “Kaamutthoolla khalle mwenaaka, vamwaangoni waweella wa Ziyoni.”

Masalimo 40:8

Weera nnddo munapaalleenyu, nyu Mullukwaaka, onnakiddivella malamulwaanyu eri m'murimani mwaka.

Yesaya 2:2

Va mallapo a muhoollo mwaango wa enyumba ya Apwiya oneerotthattusiwa woorekamesesa okhwaranya miyaango ddittheddene. Mitundu ddittheddene dda athu ddineerothamakella omwaangoninko.

Yeremiya 23:5

Apwiya enallota wi, “Enimawa mallapo kinaamuphuwihelleemi Davide enthambi yoolungama eyo enaakhalle mwene eezeru ni aweeruza mweechilungamo ni moohiweha ekhove mwiillaponimmu.

Daniele 2:44

Va enthawi ya moomwenaayo, Mulluku ooddullu aneerokeraatthiha omwene woohoonongiwa. Oneerewaaphwinya ni waatthollosa moomwene mamodda mattheene nave omwenooyo weekhiiwa oneerokhalla wa enthawi yoohimalla.

Daniele 4:35

Attheene ookhalla vatthimva eneesiwa etthiru, anneera ddoomuddivella oddullu ni vatthi. Khaavo naari mmodda oomuvaanyiha ddoopaalla ddaye apaalle omukoha wi, ‘Wenre tini?’ ”

Daniele 7:13

Kiwehakave ddeko m'masomphenya mahiiyu, ngoonani, kaamoona mmodda wonanko mwaana a muthu akitthaka ni mirapo ddooddullu. Amwaatamenlle oyo aarivo khalle, amodda yaamuvelleella wa olliye.

Daniele 7:27

Omwene, olamulello ni ottekweene wa mamwene mattheene a va ellapo yavatthi ddineerovelleelliwa wa aweella a Mulluku Amasiva Mattheene. Omweniiwa onaakhalle woohimalla, oolamulella attheene a ellapo yavatthi eneerekewaarumeyella ni owiiwellella.”

Zekariya 9:9

Nyu athu a o Ziyoni, hakallallani wunchichi! Nyu athu a o Yerusalemu, thapellani! Ngoonani, mwenaanyu animawa wa nyuwaano! Anawa ari oopambana ni oogonjiha koma awiiyeviha ni oomuwella bulu, mwananankhoro a bulu.

Mateyu 12:50

Oyo aneera ddoopaalla dda Attiitthaaka ooddullu sika mwanamunnaka, murokoraka ni amoowaaka.”

Mateyu 16:28

Ddawoona, kinimuulleellani wi, aakhallavo amodda vaava khewa ekhwa ophiyera ekoonille mi, Mwaana a Muthu kiwaaka wi kilamulelle wonanko mwene.”

Mateyu 26:42

Wiillittho waneepiilli Yesu aaya avekella wi, “Attiitthaaka kapu a ddoohoosoolla aahivenyihiwa ophiyera kimuwinrye, opaalla wanyu weeriwe.”

Mateyu 3:2

Allalleya wi, “Rukunuwani murima kaambiiwa omwene wa Mulluku wohaatamella!”

Mateyu 4:17

Ovenyera enthawi yeeyo Yesu ahaamba ollalleya othengaaye wi, “Rukunuwani murima kaambiiwa omwene wa Mulluku wohaatamella!”

Mateyu 7:21

“Khe arive muthu anakiithana wi, ‘Apwiya, Apwiya’ anaavollowe mu omwene wa Mulluku. Vawi weera ddiiddo khonakwakhwanella koma ayo eneera ddoopaalla dda Attiitthaaka ooddullu sika enaavollowe.

Mariko 11:10

Odalisiwe omwene wa Davide nikhollo nahu, oyo onawooyo! Ntitimiho nikhalle wa Mulluku!”

Mariko 3:35

Oyo aneera ddoopaalla dda Mulluku sika mwanamunnaka, murokoraka ni amoowaaka.”

Luka 19:11

Athwaayo yaamwiiwa Yesu allotaka. Vano aavirellella ollotanko nave ahaalleella niphwanaphwaniho. Enthawi yeeyo aari vakhuviru ophiya o Yerusalemu nave athu yaganiza wi omwene wa Mulluku wahaatamella.

Luka 19:38

“Oodalisiwa Mwene oyo anawa mu nnddina na Apwiya! Murendelle oddullu nave ntitimiho wa Mulluku!”

Luka 22:42

Aallota wi, “Attiitthaaka, mwaapaallaka mukivenyiherevo kapu a ddookatamihoolla! Ohiri opaalla waka koma opaalla wanyu weereye.”

Yohane 4:34

Koma Yesu aallota wi, “Yoochaaka tti yawi keere opaalla wa oyo aakirumalle ni omalliha mutteko aakivahilleeye wi keere.

Yohane 6:40

Vawi opaalla wa Attiitthaaka tti wawi arive muthu oyo anakoona miyaano ni okhulupilila mwa olliyooyo, akhallena okumi woohimalla. Nave va nllapo noomallihella kineerewaavenyiha wa ookhwa.”

Yohane 7:17

Arive muthu anapaalla weera opaalla wa Mulluku aneerodduwella wi ehuddihwaaka enavenyera wa Mulluku apaalle wi kinallota ddoovenyera m'muruni mwaka.

Mitteko 13:22

Mulluku amuvenyihalleeye omwene Saulo, ahaavaha Davide wi akhalle mweniiwa. Nndda sika allotille Mulluku dda olliyooyo wi, ‘Koomuphwanya Davide mwaana a Yese, muthu a vamurimani vaka, muthu oyo anaaweere nnddo kinaapaalleemi.’

Mitteko 21:14

Vawi khaaniiwenlle, sika naamuhiya nave naallota wi, “Opaalla wa Apwiya weereye.”

Mitteko 22:14

Aallota wi, ‘Mulluku a makhollwaahu ohuutthoolla weyaano wi odduwelle opaalla waye ni wi omoone a echilungamoolle ni wi wiiwe mawaaye.

Aroma 12:2

Muhittakihereke makhallello a athu a va ellapo yavattheella. Koma mwaakhullelle wi Mulluku uutthattuseni vawuuvahani murima wanaanweene. Vano muneerodduwella eyo Mulluku anapaalleeye, yaphaama wunchichi, yoomuhakallalliha ni yoophwanellella.

Aefeso 6:6

Muheereke ddiiddo yaawonakanive kaambiiwa munapaalla mwaahakallallihe koma mweereke yoopaalla ya Mulluku ni murimaanyu muttheene wonanko akaporo a Khrisitu.

Akolose 1:13

Aanaakiha ovenyera o masiva a epiphi nave anikusella mu omwene wa Mwanaye ookondiwa.

Akolose 1:9

Ekaamba ya yeella ninnuuvekellani enthawi ddittheddene, waambeella niiwalleehu dda nyuwaano. Ninamuveka Mulluku wi aweeriheni wi muddalle ni odduwella wa opaalla waye, oweella mwa ezeru ddittheddene ni wiiwesesa ottheene nnddo Munepa anavaheeye.

1 Atesalonika 4:3

Mulluku anapaalla wi mukhalle aweella ni wi muhikhalle ooraruwa.

1 Atesalonika 5:18

Muthokozeke mu ddittheddene. Vawi nndda sika Mulluku anapaalleeye wi mweereke nyuwaano muri mu eyaattano mwa Khrisitu Yesu.

Aheberi 1:14

Vano angelwaayo ttaani? Yaalla sika minepa ddinamurumeyella Mulluku nave Mulluku annaddiruma wi ddaakavihereke ayo enaavullusiwe.

Aheberi 10:36

Muvillelleke, sika wi mwamalliha weera yoopaalla ya Mulluku muneerewaakhella nnddo alonjezilleeye.

Aheberi 10:7

“Vano Khrisitu aallota wi, ‘Mullukwaaka, koowa wi keere ddoopaalla ddanyu, wonanko mmo ddalembelliwiiwa mu nibukhu na malamulo.’ ”

Aheberi 13:21

Mulluku uuvaheni ddaphaama ddittheddene wi mweereke nnddo olliye anaddipalleeye. Nave oweella mwa Yesu annaneeriha erive ello eyo enamuhakallalliha olliye. Ntitimiho nikhalle wa Khrisitu wa enthawi yoohimalla. Amen.

1 Petro 2:15

Vawi Mulluku anapaalla wi nyuwaano mwaahiihe athu ollota mookarangeya moohidduwella vaweerani ddeko ddaphaama.

1 Petro 4:2

Vano waambeella enthawi yeella ophiyera muhoollo, okhalla wanyu wa va ellapo yavatthimva onaphwanella ohoollelliweke ni opaalla wa Mulluku ohiri ni minkhella dda omuthu.

Yawuupullulla 11:15

Nave mungelo aneetthanu ni piilli ahoopa nipallapata naye. Nave kahiiwa mawu oowella ovenyera oddullu oollota wi, “Omwene wa ellapo yavattheella tti wa Apwiihu ni wa Mesiyaaye.* Nave Apwiihu eneerolamulella wa enthawi ddoohimalla!”

Yawuupullulla 12:10

Sika kahiiwa mawu ookhuwa ovenyera ooddullu awi, “Vano ovullusa, masiva ni omwene wa Mulluku nave olamulello wa Mesiya* ddoophiya. Vawi oyo aniimella vamiitthoni va Mullukwaahu aavaanyihaka asinnihu ni arokorihu otthaana ni mahiiyu ahiikarihiwawo oddullu wuno.

Yawuupullulla 19:6

Nave kahiiwa onyakulla wonanko wa mulloko muullupalli wa athu, awiiweya wonanko onyakulla wa maaddi manchichi navettho wonanko ogugudeya wa murimu wuullupalli. Kaawiiwa ellotaka wi, “Aleluya! Vawi Apwiya, Mullukwaahu Amasiva Mattheene, sika ari mwene!

Yawuupullulla 20:4

Nave vano kahoona mipando ddoomwene nave ayo yakeraatthille va mipandonnddo yaari ayo yavahiwe olamulello waweeruza millatu. Kahoonattho minepa dda athu ayo yiiphiwe ekaamba ya mawu a Mulluku owaakattho ovelleella omboni dda Yesu. Kheyaallapenlle enama yuullupalli yawoopiha apaalle nifano niwa naari odindiwa ni echidindo ya enameeyo va eyuuchi ddiwa apaalle va mattiiwa. Yaavenyihiwa wa ookhwa nave elamulella wonanko mamwene vamodda ni Khrisitu wa miyakha 1,000.