Mateyu 6:1 - Mawu a Mulluku

¹ “Wehesesani wi muheere mitteko ddanyu ddoolungama vamiitthoni va athu wi ewooneni. Mweera ddiidda vamiitthoni va athu khamwaakhella erive emphaso yoovenyera wa Attiitthaanyu ooddullu.

Mateyu 6:1 Iomraidhean Croise

2 Mamwene 10:16

Nave aamulleella wi, “Hanko woone mmo kiniivelleelleemi wa Apwiya.” Sika aheetana mu nigareta naye.

2 Mamwene 10:31

Koma Yehu khiiwellella malamulo a Apwiya Mulluku a Israele ni murimaaye muttheene. Aavirellellave weera ddoonanara nnddo Yerobowamu aachimwihalleeyena Aisraele.

Masalimo 112:9

Annavelleella moohummella wa athu oohoowa, Echilungamwaaye tti yoohimalla, aneeroriihiwa ni ovahiwa olemu.

Ezekiele 33:31

Athwaaka ennatthukumana wa weyaano enakeraatthi vatthi wi yiiwe nnddo onalloteewe. Koma yaddiiwa khenaddithwara. Ddoollota ddiwa ddinnooniha echikondi koma mirima ddiwa ddiri va opindula.

Daniele 4:27

Nyu amwene, ekaamba ya yeella, thwarani malangizwaaka. Hiyani machimwaanyu, mweereke ddoolungama vooweerellani echifundo oohoowa wi apaalle enthawi ya murendellaanyu erekame.”

Zekariya 13:4

“Nllapo nenno arive namallotella aneerowulliwa muru ni masomphenyiiwa. Khawa awarattho mukanjwaaye wamapururu wa anamallotella wi aallekekena athu.

Zekariya 7:5

“Alleelle athu attheene a mwiillaponi ni allupa mukutho wi mwahalleenyu ocha ni winlla va mweeri waneesese ni va mweeri waneetthanu ni piilli wa miyakha 70, khamweera ekaamba ya miyaano.

Mateyu 16:27

Vawi mi Mwaana a Muthu kiri vakhuviru owa ni ntitimiho na Attiitthaaka ni angelo. Vano kineeromuthuva arive muthu moollikana ni mitteko ddaye.

Mateyu 16:6

Yesu aallota wa alliwaayo wi, “Muchenjere ni owehera dda yisiti a Afarisi ni Asaduki.”

Mateyu 23:13

“Nyu, awoottha, ahuddihi a malamulo ni Afarisi, mookhalla ni otulli! Munnawalla nchiwi na omwene wa Mulluku wi athu ehivollowemo. Nyuwaano khamunavollowamo nave munnahiiha ayo enapaalla ovollowa!”

Mateyu 23:5

Enneera erive ello wi athu ewoone. Ennaddimakellella vayuuchini ni vamuwononi mahutta anttapara uullupalli a mawu a Mulluku. Nave ennarekamihattho manyenje a malayiiwa.

Mateyu 25:40

“Mi, mwene, kineerewaakhulla wi, ‘Ddawoona, kinimuulleellani wi kaambiiwa mwaamweerella mmodda a aakhwaaka naari ang'onong'onwaalla, mwaakeerella yeeyo miyaano.’

Mateyu 5:16

Emoddamoddave yeeyo owala wanyu wooneyeke vamiitthoni va athu wi vawoonani mitteko ddanyu ddaphaama yaatitimihe Attiitthaanyu ooddullu.

Mateyu 5:46

Mwaawaakondaka yaayove enuukondani, Mulluku anuuthuveni mwawiidde? Naari ookhomiha musonkho enneera ddiiddo.

Mateyu 5:48

Munaphwanella wi mukhalle aweella wunchichi vawi Attiitthaanyu ooddullu tti aweella.

Mateyu 6:16

“Nave mwaahallaka ocha,* muhinoonihaka ekhove yookhupanya wonanko mmo eneerella awootthaayo. Alliwa ennananariha ekhove ddiwa wi arive muthu oone wi enimahalla ocha. Ddawoona, kinimuulleellani wi yaallathi aathuviwa khalle.

Mateyu 6:9

Vano muvekelleke mwawi ddiidda, Attiitthiihu ooddullu, nnddina nanyu naweella nititimihiwe,

Mariko 8:15

Yesu aallota wa alliwaayo wi, “Muchenjere wunchichi ni yisiti a Afarisi ni a Herode.”*

Luka 11:35

Chenjerani wi owala ori mwa nyuwaano ohitthattuwe epiphi.

Luka 12:1

Vano athu anchichi yatthukumanniiwa, wawi yaananyingallana, Yesu aallota vawaamba wa oohudderaaye wi, “Muchenjere ni yisiti a Afarisi,* kinaaka dda woottha wiwa.

Luka 12:15

Nave aallota wi, “Chenjerani, muhikhalle a nrima vawi okumi wa muthu khonallikana ni waata wa ddeko ariiyena naari arina eyuuma yinchichi.”

Luka 16:15

Koma Yesu aallota wi, “Nyu munaddooniha nyookha wonanko athu oolungama vamiitthoni va athu koma Mulluku annadduwella murimaanyu. Vawi ddeko ddinooneya ddoopaalleya wunchichi vamiitthoni va athu khe ello vamiitthoni va Mulluku.

Yohane 12:43

Vawi yaakonda waakhella olemu wa athu ohiyana ni waakhella olemu wa Mulluku.

Yohane 5:44

Nyuwaano munnatitimihana koma khamunaashaasha ntitimiho noovahiwa ni Mullukuve. Vano munaakhulupilile mwawiidde?

Mitteko 3:12

Petro awoonilleeye athwaayo, aallota wi, “Aisraele nyu, munattikhinella tini ni yeella apaalle munaniweherati wonanko nimweetihalle muthoolla ni masivaahu apaalle wi niri aweellesesa?

Agalatiya 6:12

Athu ayo enuuwatiherani wi muphaddiwe tti yaayo enapaalla oddoonihella ni okotella eziwalo wi ehihoosiwe ekaamba ya mutanda wa Khrisitu.

Deuteronomo 24:13

Muyihokollose nndduwa nihinavollowe wi olliye iikhunellena mahiiyu. Mwawi ddiidda muthooyo aneerewuuthokozani nave Apwiya Mullukwaanyu eneerohakallalla ni nyuwaano.

Aheberi 11:26

Aadduwella wi ohoowa ekaamba ya Mesiya* waari woopaalleya wunchichi ohiyana ni eyuuma ettheene ya mu Iguputo vawi atiyerella othuviwa.

Aheberi 2:1

Ella sika ekaambiiwa ninaphwanellaahu wi nipwatheke wunchichi yawoona niiwalleehu woova wi ninaahollowe.

Aheberi 6:10

Vawi Mulluku tti oolungama, khatiwalla mitteko mwaphanreenyu apaalle echikondi munooniheenyu vawaarumeyellani athwaaye.

2 Yohane 1:8

Vano muchenjere wi muhitathille eyo napharelleehu mutteko sika wi muneerothuviwa wamututha.