Mateyu 5:9 - Mawu a Mulluku

⁹ Oodalisiwa tti ayo enawiiha murendelle, vawi Mulluku aneerewaaromolla wi anaaye.

Mateyu 5:9 Iomraidhean Croise

1 Epilli 12:17

Davide aakhuma akumanana nave ahaalleella wi, “Mwaarimi muwaaka wa miyaano wonanko akhwaaka wi mukikavihere, murimaaka oneerewiiwanana ni nyuwaano. Koma mwaarimi muweellaka okivelleella wa adanaaka naari kihuuchimwenlleni, Mulluku a makhollwaahu awooneni nave uullakeni.”

Masalimo 120:6

kookhalla enthawi yoorekama ni athu awiitana ni murendelle.

Masalimo 34:12

Ttaani mwa nyuwaano anapaalla okumi, anaashaasha okhalla mallapo manchichi wi ahakallalle ni ddeko ddaphaama?

Mateyu 5:45

wi moonihe wi muri anamwani a Attiitthaanyu ooddullu. Vawi annoopiha nndduwa wa athu oonanara ni aphaameene nave annamurupiha murimu wa ayo eneera ddoonanara ni wa ayo eneera ddaphaama.

Mateyu 5:48

Munaphwanella wi mukhalle aweella wunchichi vawi Attiitthaanyu ooddullu tti aweella.

Luka 20:36

Khekhwattho koma enaakhalle wonanko angelo. Kaambiiwa tti anamwani a Mulluku vawi aavenya wa ookhwa.

Luka 6:35

Akondeni adanaanyu vooweerellani ddaphaama, kongolihani koma muhitiyere waakhella ello. Muneerothuviwa wuullupalli nave muneerokhalla anamwani a Mulluku muullupalli. Vawi tti aphaama wa athu oohithokoza ni oonanareene.

Mitteko 7:26

Osaka wene aawoonattho Aisraeleve eelli yiikimawana nave aapalla wi awaattanihe voollotani wi, ‘Allopwana nyu, attheenenyu muri Aisraeleve vano munawanella tini?’

Aroma 12:18

Wakhalla wooworeya, mweeseeseke okhalla mwamurendelle ni athu attheene.

Aroma 8:14

Athu ayo enahoollelliwa ni Munepa a Mulluku tti anamwani a Mulluku.

Aroma 8:16

Munepa a Mulluku anniiwanana ni mirima ddahu wi hiyaano tti anamwani a Mulluku.

Aroma 8:19

Erive ello eyo yaphatusiwe ennatiyera moopaalla wi Mulluku awuupullulle anaaye.

1 Akorinto 6:6

Koma vano ookhulupilila anaya o nthato namillatu omusumella ookhulupilila mukhwaaye wi athu oohimullapella Mulluku yeeruze mullatooyo!

2 Akorinto 13:11

Asinnaka ni arokoraka, hallani phaama! Mullipihelleke okhalla aphaama wunchichi, mwiiwellelleke nnddo kinuuvekeemini, mwiiwananeke mmodda ni mukhwaaye, mukhalleke m'murendelleni. Vano Mulluku a echikondi ni murendelle aneerokhalla ni nyuwaano.

2 Akorinto 5:20

Vano hiyaano tti akazembe a Khrisitu nave Mulluku annuuvekani oweella mwa hiyaano. Vano ninnuuvekani munipuroni mwa Khrisitu wi mwaattanihiwe ni Mulluku.

Agalatiya 5:22

Nave echipaso ya Munepa tti echikondi, ohakallalla, murendelle, ovillella, ethakaraka, oreera murima, okhulupilila,

Aefeso 4:1

Vano kinimuuvekani nyuwaano, miyaano a mundende kaambiiwa kinaarumeyella Apwiya wi mweeteke moophwanellella wiithaniwa nko Mulluku aawiithannenyuni.

Afilipi 4:2

Yuwodiya ni Sinteke, kinimuuvekani wi mwiiwananeke wonanko athu okhulupilila.

Akolose 3:13

Muvillellaneke mmodda ni mukhwaaye nave mukhululukellane mmodda akhalla ni yookhupanya va mukhwaaye. Munaphwanella mukhululukellaneke mmodda ni mukhwaaye wonanko mmo Apwiya yuukhululukelliiwani nyuwaano.

Aheberi 12:14

Mweeseese okhalla mwamurendelle ni athu attheene. Mukhallekettho aweella murima vawi khaavo naari mmodda anaawoone Apwiya aahikhalla aweella murima.