Mateyu 5:8 - Mawu a Mulluku

⁸ Oodalisiwa tti ayo eri aweella murima, vawi eneeromoona Mulluku!

Mateyu 5:8 Iomraidhean Croise

Genesis 32:30

Yakobo aallota wi, “Koomoona Mulluku vamiitthoni ni vamiitthoni nave kookhalla ni okumi.” Sika nipuronno aaniromolla Penuwele.

2 Samuele 22:27

Wa athu ooreera murima, munnaddooniha oreera murima. Koma wa athu oonanara munnaddooniha oochenjera wunchichi.

Masalimo 15:2

Tti oyo aneeta moohilakwa, oyo aneera ddoolungama erive enthawi, oyo anallota ovenyera vatthi va murima.

Masalimo 18:26

Wa athu ooreera murima, munnaddooniha oreera murima. Koma wa athu oonanara munnaddooniha onanara.

Masalimo 24:4

Tti oyo aneera ddaphaama, ari ooreera murima, ahinallapella mafano, ahinallupella moolleka.

Masalimo 51:10

Mukiphatuselle murima waweella, nyu Mulluku, muhiye mwa miyaano murima wanaanweene ni wookeraattheya.

Masalimo 51:6

Ddawoona, munnaddivelliwa ni murima wawoona, sika mukihuddihe ezeru ddanyu.

Masalimo 73:1

Ddawoona, Mulluku tti aphaama wa Israele, wa athu aweella murima.

Miyambo 22:11

Oyo anakonda okhalla ni murima waweella ni ollota ddaphaama aneerokhalla mukhwaaye a mwene.

Mitteko 15:9

Mulluku khananihiyaniha hiyaano ni alliwaayo, ahaakhululukella machimwiiwa kaambiiwa yaakhulupilila.

1 Akorinto 13:12

Vano khaninoona phaama ddeko dda Mulluku wonanko muthu aawiiweheraka ekhove vanigalasini nohooniha phaama. Koma vahoollomvo nineerewoona vamiitthoni ni vamiitthoni. Vano kinadduwelleemi tti ddoohikwakhwanella koma muhoollommo ddineerokwakhwanella wonanko mmo Mulluku anakidduwellelleeye phaama.

2 Akorinto 7:1

Akhwaaka ookondiwa, ddoolonjeza ddittheddenenndda ddaheeriwa wa hiyaano. Sika vano hankoni neellihe nnddo ddinaripiha mwiillaahu ni munepaahu nave hankonittho nikhalle aweella mu ddittheddene voomoovani Mulluku.

Tito 1:15

Ddeko ddittheddene ddinakhalla ddaweella wa yaayo eri aweella murima; nave kheyiivo enakhalla yaweella wa yaayo eri ooripihiwa ni oohikhulupilila vawi ezeru ddiwa ni yawuupusella murimiiwa ddooripihiwa.

Aheberi 10:22

Vano hankoni nimwaatamelle Mulluku ni mirima ddawoona ni mirima ddoohikayika mwa echikhulupililo. Hankoni nikhalle ni mirima ddeellihiwe voomiddiwani, yawuupusella murima yoohivaanyihiwa ni ddoochimwa nave ni miilli ddoohapihiwa ni maaddi aweella.

Aheberi 12:14

Mweeseese okhalla mwamurendelle ni athu attheene. Mukhallekettho aweella murima vawi khaavo naari mmodda anaawoone Apwiya aahikhalla aweella murima.

Aheberi 9:14

Koma Khrisitu khaarina machimo nave ahiiheraatthi yeekhaaye wonanko mukutho mwa Munepa woohimalla. Ella sika ekaambiiwa nikhame naye niriiwa ni masiva manchichi oorukunusa murimaahu woochimwa okhalla waphaama wi niheereke ddeko nnddo ddinaanihoollelle wookhwa koma wi niwore omurumeyella Mulluku Ookumi.

Yakobo 3:17

Koma ezeru ddoovenyera oddullu ddinneeriha vawaamba okhalla aweella, waneepiilli amurendelle, vatulli viwa oomaalleya, awiiwellella phaama, ooddalla echifundo ni a ezipaso ddaphaama ddoohikondella nave ddoohoottha

Yakobo 4:8

Mumwaatamelleke Mulluku nave olliye aneerowaatamellani. Muddeellihe, nyu athu oochimwa! Ellihani mirima ddanyu, nyu athu a mirima miilli!

1 Petro 1:22

Vano mwaaddeelliha vawiiwellellani yawoona wi mukhalle ni echikondi yawoona va ookhulupilila akhwiinyu. Mukondaneke mwawoona ni murimaanyu muttheene.

Yawuupullulla 22:4

Eneerewoona ekhovaaye nave nnddina naye nineerolembiwa va eyuuchi ddiwa.