Mateyu 5:5 - Mawu a Mulluku

⁵ Oodalisiwa tti athu ayo eri oomaalleya, vawi Mulluku aneerewaavaha ellapo yavatthi wi ekhalle yayiwa!

Mateyu 5:5 Iomraidhean Croise

Masalimo 147:6

Ennaawelliha oonyingallelliwa, koma ennaakitthiha athu oonanara.

Masalimo 149:4

Vawi Apwiya ennahakallalla ni athwiiwa, ennaariiha athu awiiyeviha vawaavullusani.

Masalimo 22:26

Oohoosiwa eneerocha ni ovona, oowaashaasha Apwiya eneerewaatitimiha. Mukhalle ni okumi woorekama.

Masalimo 25:13

Yooyo aneerokhalla ni okumi woohakallalla, edduullu ddaye ddineerewaakhella ellapo wi ekhalle yayiwayayiwa.

Masalimo 25:9

Ennaahoollella awiiyeviha weera ddoolungama, ennaahuddiha ettilla ddiwa.

Masalimo 37:11

Koma awiithaalla eneerewaakhella ellapo yavatthi wi ekhalle yayiwayayiwa, eneerokhalla moohakallalla mwamurendelle ni mwa eyuuma.

Masalimo 37:22

Athu ayo Apwiya yaadalisalliiwa eneerewaakhella ellapo yavatthi, koma ayo Apwiya yaatembeleliiwa eneerewoonongeya.

Masalimo 37:29

Oolungama eneerewaakhella ellapo yavatthi wi ekhalle yayiwa, eneerokhalla mwemmo wa enthawi yoohimalla.

Masalimo 37:34

Atiyere Apwiya, sunga ettilla ddiwa, vano eneerewuuwelliha vawuuvahani ellapo yavatthi nave oneerowoona oonanara yoonongeyaka.

Masalimo 37:9

Vallethi athu oonanara eneerewoonongeya, koma owaatiyera Apwiya eneerewaakhella ellapo yavatthi wi ekhalle yayiwayayiwa.

Masalimo 69:32

Oohoosiwa yiiwe nave ehakallalle, nyu munamwaashaasha Mulluku, mullipettho murima.

Yesaya 11:4

Oohoowa aneeroweeruza mweechilungamo, athu shisha a va ellapo yavatthi aneerewaakamullella millatu moohiweha ekhove. Mawu muwano mwaye enaakhalle ekopo yawaallakella oochimwa, mpweya wa vayanoni vaye oneerowiipha oochimwa.

Yesaya 29:19

Athu awiiyeviha eneerokhallattho ni ehakallallo mwa Apwiya nave oohoowa eneerohakallalla ekaamba ya Aweella a Israele.

Yesaya 60:21

Athwaawo attheene enaakhalle oolungama, ellapweeyo enaakhalle yayiwa wa enthawi yoohimalla. Athwaayo tti enthambi kanlleemi, mutteko wa mattaaka, wi kititimihiwe.

Yesaya 61:1

Munepa wa Apwiya Mulluku ari va miyaano ekaamba yawi Apwiya aakizoza. Aakirumiha wi killalleye othenga waphaama wa oohoowa wi kaallipihe ootathilla murima, kallalleye ottaphulliwa wa akaporo, navettho ottaphulliwa wa oomakeya.

Zefaniya 2:3

Nyu attheene awiiyeviha, waashaasheni Apwiya, nyu muniiwellella malamulwiiwa. Ashaashani echilungamo ni wiiyeviha apaalle ttuuvulluwa va nllapo na osha murima wa Apwiya.

Numeri 12:3

Mose aari awiiyeviha omukhwaranya arive muthu va ellapo yavatthi.

Mateyu 11:29

Mukiiwellelleke miyaano wonanko eng'ombe ddatukhulla nigoli.* Navettho muhuddere wa miyaano kaambiiwa miyaano tti oomaalleya ni owiiyeviha, sika muneerewiithuuwa.

Mateyu 21:5

“Ngaalleelleni athu a o Ziyoni wi, ‘Ngoonani, mwenaanyu animawa wa nyuwaano! Tti awiiyeviha navettho amuwenlle mwaanabulu, mwaana a enama yoomutukhulla katundu.’ ”

Aroma 4:13

Mulluku amulonjezilleeye Abrahamu vamodda ni edduullu ddaye wi ellapo yavatthi ewe ekhalle yayiwayayiwa, ohiri kaambiiwa Abrahamu ahiiwellella malamulo koma kaambiiwa aalungamihiwa ekaamba ya echikhulupililwaaye.

Agalatiya 5:23

omaalleya ni wiihiiha. Kheyiivo malamulo enavaanya ddeko wonanko ddenndda.

Aefeso 4:2

Enthawi ddittheddene mukhalleke oomaalleya, awiiyeviha ni oovillella. Mooniheke echikondaanyu voollevana.

Akolose 3:12

Nyuwaano tti athu a Mulluku. Olliyooyo ahuukondani nave ahuutthoollani wi mukhalle aaye. Sika vano munaphwanella wi mukhalleke a murima waweera echifundo, ooreera murima, awiiyeviha, oomaalleya ni oovillella.

1 Timoteo 6:11

Koma weyaano muthu a Mulluku, thawa ddenndda nave othware echilungamo, omutitimiha Mulluku, echikhulupililo, echikondi, ovillella ni omaalleya.

2 Timoteo 2:25

owaalangiza oovaanyihanana mwawiithaalla vawi apaalle Mulluku ttuuwaavaha ekari yawi erukunuwe murima wi edduwelle yawoona,

Tito 3:2

Waalleelle wi ehilloteke epewe koma ekhalleke amurendelle ni awaattaneya nave yooniheke omaalleya wa athu attheene.

Yakobo 1:21

Sika muhiye erive makhallello oonanara navettho erive machimo. Akhellani mwawiithaalla mawu yaayo yaalliwe ni Mulluku m'mirimani mwanyu vawi yaayo sika enaawore wuuvullusani.

Yakobo 3:13

Ttaani a nyuwaano ari ni ezeru ni wiiwesesa? Oonihe ddenndda ni makhallellwaaye aphaama nave mitteko ddaye mu ezeru ddoomaalleya.

1 Petro 3:15

Koma mumuvaheke olemu Khrisitu m'mirimani mwanyu nave mumutitimiheke wonanko Apwiya. Enthawi ddittheddene mukhalleke ookhozeka omwaakhulla arive muthu anuukohani wi mutthopoolle otiyerella wa echikhulupililwaanyu.

1 Petro 3:4

Koma oreera wanyu onaphwanella okhalleke wa muwari mwanyu, oreera wa murima, wawiithaalla ni woomaalleya vawi nndda sika ddoopaalleya wunchichi ni ddoohimalla vamiitthoni va Mulluku.