Mateyu 5:42 - Mawu a Mulluku

⁴² Nave muthu uuvekani ello, mumvaheke, muthu apaalla opolleya ellwaanyu, mumpolleyeke.”

Mateyu 5:42 Iomraidhean Croise

Masalimo 37:21

Muthu oonanara annaddivelliwa okongola koma khanawora ohokollosa, koma oolungama annakhalla ni murima waphaama ni woovaha.

Miyambo 19:17

Wamuvaha muthu oohoowa waakongolihalle Apwiya nave eneerewuuhokollosella ddaweera ddawo.

Miyambo 21:26

Muthu oonanara annakuseya murima nllapo nittheene koma oolungama annavaha nave khanuumellella.

Oollalleya 11:6

Ohinase omidde m'middwaawo, misikuwattho ohiniithuuwiiha mattaawo vawi khonadduwella nnddo ddinaawunnuwe khaya tti nndda apaalle nndde apaalle piilliddene.

Daniele 4:27

Nyu amwene, ekaamba ya yeella, thwarani malangizwaaka. Hiyani machimwaanyu, mweereke ddoolungama vooweerellani echifundo oohoowa wi apaalle enthawi ya murendellaanyu erekame.”

Mateyu 5:41

Nave akhoto uuwatihera wi omutukhullelle katundwaaye weetena mutunda mmodda, weyaano weetekena mitunda miilli.

Luka 11:41

Koma mwaavaheke oohoowa nnddo ddiri muwari mwa makapu ni embale ddanyu sika makapwaanyu mattheene ni embale ddanyu ddittheddene ddineerokhalla ddaweella vamiitthoni va Mulluku.

Aroma 12:20

Mawu a Mulluku enallotattho wi, “Adanaawo yavolliwa ettalla, waavahe yoocha, yavolliwa nthona waavahe yoowirya vawi vaweerani yeeyo oneerowuukella mankhalla amunllo vamuru viwa.”

Aheberi 13:16

Muhinatiwalla weera dda echifundo ni okawana nnddo muriinyuna vawi mikutho ddenndda ddinnamuhakallalliha Mulluku.

Aheberi 6:10

Vawi Mulluku tti oolungama, khatiwalla mitteko mwaphanreenyu apaalle echikondi munooniheenyu vawaarumeyellani athwaaye.

Yakobo 1:27

Ollapella wawoona ni waweella vamiitthoni va Mulluku ni Attiitthiihu tti waapwatha akhwaadduni ni anaamukhwelle mu ddoohoosa ddiwa navettho wiivaanyiha weekhaawo wi ohiripihiwe ni dda va ellapo yavatthi.