Mateyu 5:3 - Mawu a Mulluku

³ “Oodalisiwa tti ayo eri oohoowa m'munepani, vawi ennahakallalla ni madaliso a omwene wa Mulluku!

Mateyu 5:3 Iomraidhean Croise

2 Epilli 33:12

Vano aariiye mu ddookatamiha, ahaaveka Apwiya Mullukwaaye wi emweerelle echifundo nave ahiiyeviha wunchichi vamiitthoni va Mulluku a makhollwaaye.

2 Epilli 33:19

Nave ovekella waye ni mmottho Mulluku iiwelleeye, machimwaaye mattheene, ohiroromelleya waye ni mapuro amakilleeye oollapellamo mafano nko iimenseeye mafano a Asherimu ni mafano mamodda ahiniiyevihe, ddittheddenenndda ddoolembiwa mu nibukhu na epilli ya anamallotella.

2 Epilli 33:23

Vano olliye khiiyevihalle vamiitthoni va Apwiya wonanko Manase ttiitthinnya iiyevihelleeye nave aari oochimwa wunchichi waakhwaranya attiitthinnya.

2 Epilli 34:27

vawi murimaawo woolapa nave wohiiyeviha vamiitthoni va Mulluku, wiiwalleewe mawaaye oohumullulla nipuronna ni athwiiwa enakhallamo nave wohiiyeviha, wohaahulla ddoowara ddawo, wohinlla vamiitthoni vaka, sika kohiiwa ovekella wawo. Mi Apwiya koollota.

2 Epilli 7:14

ayo enaromolliwa mu nnddina naka yiiyeviha evekella waasha ekhovaaka, ni ohiya machimwiiwa kineerowiiwa oddullu nave kineerewaakhululukella machimwiiwa ni ovullusa ellapwiiwa.

Yobu 42:6

Sika kohiinyaambusa meekha, kinalapa vawiihellani nthupi ni ntuura.’ ”

Masalimo 1:1

Oodalisiwa tti muthu oyo ahineeta ni athu oonanara, ahiniimella ni athu oochimwa, ahinakeraatthi ni athu oomuvevulla Mulluku.

Masalimo 112:1

Aleluya! Oodalisiwa tti muthu oyo anawoova Apwiya, ookonda osunga malamulwiiwa.

Masalimo 128:1

Oodalisiwa tti arive muthu oyo anawoova Apwiya, oyo aneeta mu ettilla ddiwa.

Masalimo 146:5

Oodalisiwa tti muthu oyo nikavihero naye ninavenyera wa Mulluku a Yakobo, oyo etiyerellwaaye eri va Apwiya Mullukwaaye,

Masalimo 2:12

Mukokhorelleni moomugonjella mwanaye, wi ahuunanariwelleni, wi muhoonongeye, vawi khanallekella osha murima. Oodalisiwa tti ayo enathawella wa olliye.

Masalimo 34:18

Apwiya ennakhalla vakhuviru ni athu ookukhumuwa, ennaavullusa athu ootathilla murima.

Masalimo 41:1

Oodalisiwa tti muthu oyo anaaganizella oohoowa, vawi Apwiya eneeromuvullusa va nllapo na ddoohoosiwa.

Masalimo 51:17

Mukutho oyo munahakallalleenyuna tti murima wawiiyeviha, murima wa ethakaraka ni woorukunuwa, nyu Mulluku khamuwuvevulla.

Masalimo 84:12

Nyu Apwiya Amasiva Mattheene, oodala tti muthu awuuroromellani.

Miyambo 16:19

Wiiyeviha variyari va athu oohoowa onnakhwaranya okawana ddawaakha ni athu ookota.

Miyambo 29:23

Wiitukhulla onnamuyeviha muthu koma a murima wawiiyeviha annariihiwa.

Miyambo 8:32

“Vano anaaka, apellani maaru, oodalisiwa tti ayo enasunga ettilla ddaka.

Yesaya 30:18

Komave Apwiya ennatiyerella oweerellani echifundo alliwa tti ookhonzeka wi yuureerelleni murima ekaamba yawi Apwiya tti Mulluku eechilungamo. Oodalisiwa tti attheene enaaroromella Apwiya.

Yesaya 57:15

Muullupalli ni Amasiva Mattheene oyo arivo enthawi ddittheddene nave nnddina naye tti Aweella anallota wi, “Kinakhalla va nipuro navaddullu ni naweella, kinnakhallattho vamodda ni athu awiiyeviha ni oolapa wi killipihe munepa wa awiiyeviha ni ohihimulla murima wa oolapaayo.

Yesaya 61:1

Munepa wa Apwiya Mulluku ari va miyaano ekaamba yawi Apwiya aakizoza. Aakirumiha wi killalleye othenga waphaama wa oohoowa wi kaallipihe ootathilla murima, kallalleye ottaphulliwa wa akaporo, navettho ottaphulliwa wa oomakeya.

Yesaya 66:2

Ddeko ddittheddenenndda kaddiphatusalle tti miyaano, sika ddittheddenenndda tti ddaaka. Miyaano kinnahakallalla ni athu awiiyeviha ni oolapa, ookoova ni awiiwellella mawaaka.

Mika 6:8

Iyaayi, muthuwe, Apwiya yaawooniha khalle eyo eri yaphaama. Alliwa enapaalla wi weereke ddoolungama, okondeke echifundo ni weeta mwawiiyeviha vamiitthoni va Mullukwaawo.

Mateyu 11:25

Enthawi yeeyo Yesu aallota wi, “Attiitthaaka, Apwiya ooddullu ni ellapo yavatthi, kinimuutitimihani kaambiiwa mwaavittha ddeko ddenndda wa athu oohuddera ni eezeru muupullulla wa athu oohihuddera.

Mateyu 11:6

Nave oodalisiwa tti ayo ehinakhumuwa ni dda miyaano!”

Mateyu 13:16

“Koma miitthwaanyu yoodalisiwa vawi ennoonesesa navettho maarwaanyu yoodalisiwa vawi eniiwesesa.

Mateyu 19:14

Koma Yesu aallota wi, “Ahiyeni anamwanaayo ewe wa miyaano, muhaahiihe kaambiiwa omwene wa Mulluku tti wa athu ookhalla wonanko anamwanaalla.”

Mateyu 24:46

Oodalisiwa tti mullupa mutteko oyo apwinnya yaawaaka enaamuphwanyiiwa eeraka ddawi ddiidda.

Mateyu 25:34

Vano miyaano, mwene, kineerollota wa ayo a o nnattanatta wi, ‘Waani wuno nyu athu oodalisiwa ni Attiitthaaka! Waani mwaakhelle omwene oyo mwaakhozelliweenyu waambeella voophatuwani va ellapo yavatthi.

Mateyu 3:2

Allalleya wi, “Rukunuwani murima kaambiiwa omwene wa Mulluku wohaatamella!”

Mateyu 8:11

Kinimuulleellani wi anchichi eneerovenyera wookhuma nndduwa ni woovollowa nndduwa nave eneerocha ni makhollwaahu, Abrahamu, Isaki ni Yakobo, va machellello mu omwene wa Mulluku.

Mariko 10:14

Yesu oonilleeye yeella, aasha murima nave aallota wa oohudderaaye wi, “Ahiyeni anamwanaayo ewe wa miyaano, muhaahiihe kaambiiwa omwene wa Mulluku tti wa athu ookhalla wonanko anamwanaalla.

Luka 11:28

Koma Yesu aallota wi, “Oodalisiwa tti ayo eniiwa mawu a Mulluku ewiiwellella!”

Luka 18:14

Yesu aallotave wi kinimuulleellani wi, “Ookhomiha musonkhoolla aaya owaniwa alungamihiwe koma ohiri Mufarisoolle. Vawi attheene enaddunnuwiha weekhiiwa eneeroyevihiwa nave ayo eniiyeviha weekhiiwa eneerewunnuwihiwa.”

Luka 22:29

Sika miyaano kinuuvahani omwene, wonanko mmo, Attiitthaaka ekivahilliiwa omwene.

Luka 22:30

Vano muneerocha ni owirya ni miyaano mu omwenaaka nave muneerokeraatthi vampandoni woomwene wi muweeruze malloko khumi ni meelli a Israele.

Luka 4:18

“Munepa wa Apwiya ari va miyaano, kaambiiwa yaakizoza miyaano wi killalleye othenga waphaama wa oohoowa. Aakirumiha wi killalleye wa oomakiwa wi ettaphulliwe, ni wa athu oohoona wi yoonettho, ni wa athu oohoosiwa wi kaavahe murendelle,

Yohane 20:29

Yesu aamulleella wi, “Wookhulupilila kaambiiwa wookoona? Oodalisiwa tti ayo enakhulupilila naari ehoonille.”

Deuteronomo 8:2

Upuwellani mmo Apwiya Mullukwaanyu yuuhoollelliiwani muchipululuni va olendo wa miyakha ddittheddene 40 ddivirallenndda. Yahuukhumullani ni oweesani wi edduwelle nnddo ddaari m'murimani mwanyu nave wi yoone khaya muneerewiiwellella malamulwiiwa apaalle iyaayi.

Yakobo 1:10

Nave ookhulupilila eeyuuma enapaalleya wi ehakallallekettho Mulluku aavaha murima wawiiyeviha vawi eneeromalla mwawaakuva wonanko malluwa.

Yakobo 1:12

Oodalisiwa tti yaayo enavillella vaweesiwani kaambiiwa yapambana weesiwanko, eneerewaakhella emphaso yookumi eyo Mulluku alonjezilleeye wa athu oomukonda.

Yakobo 2:5

Ngiiwani, asinnaka ni arokoraka ookondiwa! Mulluku ahaatthoolla athu oohoowa a mu ellapo yavattheelle wi ekhalle eeyuuma mu echikhulupililo navettho wi yaakhelle omwene oyo aalonjezilleeye wa ayo enamukonda.

Yawuupullulla 19:9

Vano mungelo aallota wa miyaano wi, “Lemba ddenndda, oodalisiwa tti ayo yiithaniwe omachellelloni a okwati wa mwaanaankhosa.” Ahoonjererattho ollotanko wi, “Yaalla sika mawu awoona a Mulluku.”

Yawuupullulla 22:14

Oodalisiwa tti ayo enachapa ddoowara ddiwa mwaweelliha wi yaakhullelliwe ovollowa va millako dda m'muzindani ni ocha ezipaso dda muteekho wa okumi.

Yawuupullulla 3:17

Vawi munallota wi, ‘Nookhalla ni eyuuma, khannapaalla ello,’ koma khamunadduwella wi munnamoriha ethakaraka, athu oohoowa, oohiwara ni oohoonattho.