Mateyu 5:22 - Mawu a Mulluku

²² Koma miyaano kinuulleellani wi wamunanariwella mukhwaawo attekweene a millatu eneerewuuphwanya wi tti oochimwa. Wamullotella epewe mukhwaawo wi, ‘Muthu ookarangeya we’ oneerokusiwa oya wa attekweenaanyu aweeruza millatu. Navettho wamullotella epewe mukhwaawo wi, ‘Okarangeya, oohikhalla ni muttekowe,’ oneerophwanella ovokhiwa mu gehena.

Mateyu 5:22 Iomraidhean Croise

Genesis 37:4

Asinne yoonilliiwa wi Yakobo aanamukonda Yosefe okhwaranya alliwaayo yahaamba omwiita Yosefooyo nave kheyaallotana moohakallalla.

Genesis 37:8

Nave asinne yaamukoha wi, “Ethiyo onaganiza wi weyaano ttuukhalla mwene nave ttuunilamulella hiyaano?” Sika vano yaamwiita wunchichi okhwaranya khalle ekaamba ya ddoolloha ni ddoollota ddayennddo.

2 Samuele 16:7

Shimei vooruwanani eehina, “Venyavo, venyavo, we muthu oowiipha athu, muthu oonanara.

2 Samuele 6:20

Davide ahokollweelleeye owaniwa wi adaliseke nibanja naye, Mikala, mwaara a Davide, mwaana aamutthiyana a Saulo aamuchingamella allota wi, “Mhu! Nyu mwene a Aisraele mohiivevulla nyookha ollello! Ophiya voorullani vamiitthoni va allupa mutteko aatthiyana a allupa muttekwaanyu wonanko mullupaanepa, oohiwulliwa muru naari vang'ono!”

1 Mamwene 21:4

Vaavo Ahabu aavollowa mpa mwaye moollutuwa ni moosha murima ekaamba ya nnddo Naboti Muyezireele allotilleeye wi, “Nguuvahani yoohallana ya makhollwaaka.” Sika Ahabu aakonaatthi vabedini vaye anaweha osirini, oohipaalla naari ocha.

2 Epilli 16:10

Vaavo Asa aamushella murima oollohellooyo nave aamumaka amuhiya mundende. Nave enthawi yeeyo Asa ahaahoosa athu amoddattho.

2 Epilli 19:5

Ahaatthoolla athu aweeruza mwiillaponimmo m'mizindani ddittheddene dda Yuda, orive muzinda.

Nehemiya 5:8

Nave kaallota ni alliwa wi, “Naawora owoopolla Ayuda akhwiihu ayo yiikullihalle wa mitundu ddimodda koma vano nyuwaano munaawatihera wi yiikullihe wa nyuwaano!” Athwaayo yaari mi ellapo tuu orama yoollota.

Masalimo 109:3

Virive veko ennakillotella mawu ookiita, ennakillika vihiri ekaamba.

Masalimo 14:1

Muthu ookarangeya m'murimani mwaye anallota wi, “Mulluku khaawo.” Athu yaalla tti oonanara, enneera ddoottakhalla, khaavo aneera ddaphaama.

Masalimo 25:3

Ddawoona, attheene awuuroromellani ehiwulliwe muru, koma ayo enuukhootani mwaawullihe muru.

Masalimo 35:19

Muhaakhullelle wi adanaaka oolleka ehakallalle ekaamba ya ddookatamiha ddaka. Muhaakhullelle wi ayo enakiita vihiri ekaamba ekiweheke ni eserekulle mookivevulla.

Masalimo 37:8

Rapa osha murima ni onanariwa, ohineera ddennddo vawi ddinnawiiha ddookatamiha.

Masalimo 49:10

Ddawoona, arive muthu annoona wi naari eezeru ennakhwa, emoddamoddave yeeyo ookarangeya ni oolloddowa, attheene ennaahiyera amodda eyuumiiwa.

Masalimo 69:4

Athu ookiita voohikhalla ekaamba tti awaata okhwaranya meehi a m'muruni mwaka. Athu oopaalla okoononga tti amasiva, okinanariha ni ddawoottha ddiwa. Ethiyo kihokollose nnddo kihiiyalleemi?

Masalimo 7:4

kaahokolloselle ddoonanara akhwaaka kimwaakhille ddeko mudanaaka vihiri ekaamba,

Masalimo 92:6

Muthu oohikhalla ni ezeru khanadduwella, muthu ookarangeya khaniiwesesa ddenndda.

Miyambo 14:16

Muthu eezeru annoova nave annahiya ddoonanara koma ookarangeya anniitukhulla nave khanatikheya.

Miyambo 18:6

Eyano ya muthu ookarangeya ennaambiha okangana nave muwano mwaye munnattatthamulla owashulliwa.

Yeremiya 17:11

Muthu oophwanya eyuuma mwawoottha ari wonanko ekhwalli yoopuramella mooche ehaarenlliiwa. Vihinallekelle eyuumeeyo ennammallella, voomallihella annatthattuwa ookarangeya.

Maliro 3:52

“Kookhalla kisayiwaka wonanko epallame ni ayo ehinna ekaamba yookhallella adanaaka.

Daniele 3:13

Sika Nebukadinezara aasha murima wunchichi, awiithaniha Shadrake, Meshaki ni Abedenego. Nave yaawaana athwaalla vamiitthoni va mwene.

Daniele 3:19

Vano Nebukadinezara ahaashella murima wunchichi nave ekhovaaye yahaatthattuwella Shadrake, Meshaki ni Abedenego. Olliye aalamula wi eng'anjo yamunllo ettettheeriwe otthanu ni opiilli okhwaranya mmo enattettheerelliiwa.

Obadiya 1:10

“Ekaamba ya ekuku wamweerelleewe mwanamunno Yakobo, owulliwa muru eneerewuuhuruwella, oneerewoonongeya wa enthawi yoohimalla.

Obadiya 1:12

Khawaaphwanenlle onyemulla otulli wa mbalaawo. Khawaaphwanenlle othapella woonongiwa wa athu a o Yuda. Khawaaphwanenlle waattheya mvo yaariiwa mu ddookatamiha.

Mateyu 10:17

Chenjerani vawi vineerokhalla ayo enuumakeni nyuwaano ni wuukusellani vanthatoni namillatu nave eneerewuuwashullani mu enyumba ddamavekello.*

Mateyu 10:28

Muhiwooveke ayo eniipha mwiillive koma khenawora wiipha munepa. Koma mumooveke Mulluku oyo anawora wiipha munepa ni mwiilleene mu gehena.

Mateyu 12:24

Koma Afarisi yiiwalliiwa nndda, yaallota wi, “Tti Belezebulu,* muullupalli a minepa ddoonanara, anamuvaha Yesu masiva ookhumiha minepa ddoonanara.”

Mateyu 17:5

Allotaka ddiiddo, waawa murapo woowala waakhuneella ni muuthuuchiiwa nave mawu oovenyera m'muraponimmo yaallota wi, “Olla sika Mwanaka ookondiwa, kinnahakallallana wunchichi mwiiwellelleni.”

Mateyu 18:21

Vano Petro aawa wa Yesu, amukoha wi, “Apwiya, mukhwaaka aakichimwellaka wiilliwiilli, kimukhululukelleke okavi? Ophiyera otthanu ni opiilli?”

Mateyu 18:35

Nave Yesu aamalliha ni wi, “Attiitthaaka ooddullu eneeroweerellani mwawi ddiidda arive muthu a nyuwaano mwaahimukhululukellaka mukhwiinyu ovenyera m'murimani mwanyu.”

Mateyu 23:15

“Mookhalla ni otulli ahuddihi a malamulo ni Afarisi, awoottha nyu! Munneeteeta virive veko omwaashaasha muthu oyo ahiri Muyuda wi athwareke echikhulupililwaanyu. Athwara echikhulupililwaanyu munnamweeriha yooyo wi allakiwe o gehena ohiyana ni nyuwaano wiilli.

Mateyu 23:33

“Nyu enowa nave anamwani a enowa! Munaathawe mwawiidde ollaka waye wa gehena?

Mateyu 25:41

“Vano miyaano kineerollota wa ayo a o nnatta noonyottho wi, ‘Venyanivoni va miyaano, nyu ootembeleliwa ni Mulluku! Khaweni o omunlloni woohimalla oyo okharihelliwe Satana ni angelwaaye.

Mateyu 26:59

Nave allupa mukutho uullupalli ni attekweene a millatu attheene yahaashaasha omboni wawoottha woomuvaanyiha Yesu wi emwiiphe.

Mateyu 3:17

Vano mawu yahiiweya ovenyera oddullu wi, “Olla sika Mwanaka ookondiwa, kinnahakallallana ni murimaaka muttheene.”

Mateyu 5:34

Koma miyaano kinuulleellani wi, ohillupelleke wene. Ohillupelleke vooromollani oddullu vawi wenko tti mpando woomwene wa Mulluku;

Mateyu 5:44

Koma miyaano vano kinimuulleellani wi, mwaakondeke adanaanyu nave mwaavekellelleke ayo enuuhoosani,

Mariko 14:55

Nave allupa mukutho uullupalli ni attekweene a millatu attheene yahaashaasha omboni woomuvaanyihera Yesu wi emwiiphe koma kheyaaphwanyille.

Mariko 15:1

Osaka wene ohinase allupa mukutho uullupalli, attekweene a Ayuda,* ahuddihi a malamulo* ni attekweene a millatu attheene yaakumana wi yiiwanane yaweera. Yaammaka Yesu ni onyolo, emukusa, emuvelleella wa Pilato, oolamulella a o Roma.

Luka 12:5

Kineerewuutthoonyiherani oophwanella omoova. Mumooveke Mulluku oyo iipha mwiilli annakhallattho ni olamulello womuvokha muthu mu gehena. Kikhulupilileni miyaano, kinimuulleellani ddawoona wi yooyo sika munaphwanelleenyu wi mumooveke!

Luka 22:66

Osaka wene ohinase, attekweene a Ayuda, allupa mukutho uullupalli ni ahuddihi a malamulo yaakumana nave ewaana Yesu o nthato niwa namillatu.

Yohane 11:47

Sika allupa mukutho uullupalli ni Afarisi yahiithaniha mutthukumano wa attekweene a millatu a Ayuda,* ellota wi, “Nineere tini hiyaano? Vawi muthoolla anneera ddoottikhiniha ddinchichi.

Yohane 15:25

Ddaari ddiidda wi mawu oolembiwa m'malamuloni yakwakhwanihiwe awi, ‘Yaakiita kihaalakwenlle.’

Yohane 7:20

Mulloko waathoolle wahaakhulla wi, “Wookhalla ni munepa woonanara! Ttaani aneesesesa owiipha?”

Yohane 8:48

Ayuda yaamukoha Yesu wi, “Ethiyo ninnoottha voollotani wi, nyuwaano tti Musamariya* nave mookhalla ni munepa woonanara?”

Mitteko 17:18

Ahuddihi amodda a mulloko wooromolliwa wi Epikureya ni Stoyiki yaakambirana ni Paulooyo. Amoddaayo yaakoha wi, “Muthu oohidduwelloolla anapaalla ollota tini?” Amodda yahaakhulla wi, “Anooneya wonanko anallalleya dda milluku ddeelleto.” Yallotille ddenndda kaambiiwa Paulooyo aallalleya dda Yesu ni ovenya waye wa ookhwa.

Mitteko 22:30

Oolamulelloolle apaalla wi adduwelle ddawoona ddiwa nnddo Ayuda yamwiipelliiwa mullatu Paulo. Sika osaka wene aamuttaphulla onyolo, aalamula allupa mukutho uullupalli ni attekweene attheene a millatu a Ayuda wi etthukumane. Nave aamukusa Paulo amwiimesa vamiitthoni viwa.

Mitteko 23:1

Paulo ahaawehesesa attekweene a millatu a Ayudaalle* allota wi, “Ayuda akhwaakanyu! Ollota dda okhalla waka ni Mulluku, miyaano nginna mullatu ophiyera ollello vaava.”

Mitteko 24:20

Apaalle mwaahiye athu eri vaavaalla ellote mullatu yakiphwanyelliiwa kiimenlleemi vanthatoni viwa namillatu.

Mitteko 4:15

Sika yahaalamulella wi ekhume vaatte vanthatonno nave vano yahaamba okambirana weekhiiwa.

Mitteko 5:21

Amurummwaayo yahiiwellella nave ohinase yaavollowa mu enyumba ya Mulluku yaamba ohuddiha. Mullupa mukutho muullupalli ni akhwaaye yaawiithana attekweene attheene a millatu a Ayuda omutthukumanoni wa vanthatoni namillatu. Vano yahaarumiha akhoto ondende wi yaakuse amurummwaalle eweena vamiitthoni viwa.

Mitteko 5:27

Yawiilliiwana amurummwa, yaawiimesa vamiitthoni va attekweene a millatu nave mullupa mukutho muullupalli aamba waakoha.

Mitteko 6:12

Sika Ayuda, attekweeniiwa ni ahuddihi a malamulo* yaamushella murima Sitefano. Yaamuphara Sitefano emukusella vanthatoni namillatu.

Mitteko 6:15

Attheene ayo yakeraatthille va nthato na millatunno yaamuwehesesa Sitefano nave yahoona ekhovaaye yooneyaka wonanko ya mungelo a Mulluku.

Mitteko 7:37

Moseene tti yoolle allotille wa athu a o Israele wi, ‘Mulluku aneerewuurumihellani namallotella ovenyera mwa nyuwaano, wonanko miyaano.’

Aroma 12:10

Mukondaneke mmodda ni mukhwaaye wonanko muthu ni musinne apaalle murokoriye nave mwaavaheke olemu athu amodda ohiyana ni muniivahelleenyu olemu nyookha.

1 Akorinto 6:10

apaalle allupaawiiya apaalle anrima apaalle oolezela apaalle oolalata, khaavo a yaalla anaawaakhelle omwene wa Mulluku.

1 Akorinto 6:6

Koma vano ookhulupilila anaya o nthato namillatu omusumella ookhulupilila mukhwaaye wi athu oohimullapella Mulluku yeeruze mullatooyo!

Deuteronomo 15:11

Vawi enthawi ddittheddene vineerekokhalla athu oohoowa variyari vanyu, sika kinuulamulani wi athu yaalla muwoollowelleke matta.

Deuteronomo 16:18

“Mwaatthoolleke aweeruza ni attekweene mu nirive nlloko ni nirive nipuro Apwiya Mullukwaanyu enuuvahiiwani. Athu yaalla yeeruzeke moohiweha ekhove.

1 Atesalonika 4:6

Mwawi ddiidda, muheereke yoonanara apaalle omulleka mwanamunno apaalle murokoriyo. Vawi Apwiya eneerewaallaka ayo eneera yeeyo wonanko nuulleelleeyeni ni wuuchenjezani khalle.

Tito 3:2

Waalleelle wi ehilloteke epewe koma ekhalleke amurendelle ni awaattaneya nave yooniheke omaalleya wa athu attheene.

Aheberi 12:25

Chenjerani vano wi muhikhoote omwiiwellella oyo anallota ni nyuwaano. Athu ayo yakhootille omwiiwellellaalle oyo aachenjezilleeye vatthi vaava kheyaavulluwalle. Hiyaano ninaavulluwe mwawiidde nakhoota omwiiwellella oyo anallota ovenyera oddullu.

Aheberi 5:9

Ohoosiwangu waamweeriha okhalla aphaama nave aakhalla awaamba a yoovullusa yoohimalla wa athu attheene oomwiiwellella olliye,

Yakobo 2:20

Ethiyo onnapaalla omboni wawi echikhulupililo yoohikhalla ni mitteko khenna mphuro, muthu ookarangeya we?

Yakobo 3:6

Sika nllumi niri wonanko munllo. Nllumittho nookhalla ni masiva oonanara, ninakhalla m'mwiillini mwahu ni oripiha mwiilli muttheene. Ninnakhariha munllo mookumaahu muttheene waambeella oyariwa ophiyera okhwa nave ninnavalla munllo o gehena.

1 Petro 2:23

Allotelliweeye epewe, khaawaakhullalle epewe, ahoosiweeye khoopopihalle koma ahiivelleella wa Mulluku oyo aneeruza moolungama.

1 Petro 3:9

Muhimuhokolloselleke mukhwiinyu yoonanara aweerellani yoonanara apaalle omutembelela olliye uutembelelani koma mumuhokolloselleke madaliso wi Mulluku uudaliseni wonanko alonjezilleeye awiithanneeyeni.

1 Yohane 2:9

Ayo enallota wi eri mu owala koma enawiita asinniwa ni arokoriwa, eri mwiipiphini enthawi yeella.

1 Yohane 3:10

Nngu sika ohiyana wa anamwani a Mulluku ni anamwani a Satana, attheene ehineera echilungamo apaalle ehinaakonda amodda khe anamwani a Mulluku.

1 Yohane 5:16

Mwamoona mwanamunninyu apaalle murokorinyu eeraka machimo oohimukusella wookhwa, mumuvekelle wa Mulluku, sika wi amuvahe okumi. Alla tti yaayove machimwiiwa ehinaakusella wookhwa. Koma vookhalla machimo ookusella wookhwa nave nginallota wi mwavekelle wa Mulluku ekaamba ya yaayo.

Yuda 1:9

Koma naari Mikaele, muullupalli a angelo, ahoova omwiipa mullatu Satana voomullotellani epewe. Nave akanganeeye ni Satana voovaanyihana dda mutembo wa Mose wi ttaani aphwanenlle owuukusa koma aallotille wi, “Apwiya yuullake.”

Yawuupullulla 20:14

Nave okhwa vamodda ni ellapo ya ookhwa ddaavokhelliwa mu enyanja ya munllo. (Enyanja ya munllweella sika okhwa waneepiilli.)