Mateyu 5:19 - Mawu a Mulluku

¹⁹ Vano oyo ahiniiwellella nimodda na malamulo yaalla naari lamulo ning'onong'ono navettho anaahuddiha athu amodda wi ehiiwellelleke, yooyo aneerokhalla mung'onong'ono mu omwene wa Mulluku. Koma oyo aniiwellella malamulwaalla navettho anaahuddiha athu amodda wi yiiwellelleke, aneerokhalla muullupalli mu omwene wa Mulluku.

Mateyu 5:19 Iomraidhean Croise

Masalimo 119:128

Malamulwaanyu mattheene ennookollella meetellwaaka, kinniitana ni erive ettilla yoolleka.

Masalimo 119:6

Vano ngiwulliwa muru, kathwara malamulwaanyu mattheene.

Daniele 12:3

Athu eezeru eneerowala wonanko muddullu. Nave ayo yaahoollelle athu anchichi mu ettilla ya echilungamo eneeronyezimella wonanko etheneeri wa enthawi yoohimalla.

Mateyu 11:11

Ddawoona, kinimuulleellani wi, khaavo muthu ooyariwa vatthimva ari muullupalli omukhwaranya Yohane Oobatiza. Koma oyo ari mung'onong'ono mu omwene wa Mulluku sika ari muullupalli omukhwaranya olliyoolla.

Mateyu 19:28

Yesu ahaalleella wi, “Ddawoona, kinimuulleellani wi mi, Mwaana a Muthu, kakeraatthi vampandonaaka wa ntitimiho mu ellapo yanaanweene, vano nyuwaanottho oohudderaaka khumi ni eelli muneerokeraatthi m'mipandoni wi muweeruze malloko khumi ni meelli a Israele.

Mateyu 20:26

Wa nyuwaano ddihikhalleke ddiidda. Koma muthu apaalla okhalla muullupalli anaphwanella akhalle oorumeyella a attheenenyu.

Mateyu 28:20

Nave mwaahuddihe wi yiiwellelleke ddeko ddittheddene kuulamulalleemini nyuwaano. Nave miyaano kiri ni nyuwaano mallapo mattheene ophiyera omalla wa ellapo yavatthimva.”

Luka 1:15

Aneerokhalla muullupalli vamiitthoni va Apwiya. Khawa amuwirya vinyo apaalle erive yoolezeliha. Aneeroddalliwa ni Munepa Waweella naari ahinayariwe.

Luka 11:42

“Nyu, awoottha, ahuddihi a malamulo* ni Afarisi, mookhalla ni otulli! Munnavelleella dda khumi dda ddoomella dding'onong'ono ddooddiviha yoocha. Nave munahiya weeruza mwa echilungamo ni omukonda Mulluku. Munaphwanella wi mweereke ddenndda oohihiya ddimoddannddo.

Luka 9:48

Allota wi, “Nave muthu anamwaakhella mwaanoolla ekaamba ya miyaano, anakaakhella miyaano. Nave oyo anakaakhella miyaano, anamwaakhella oyo akirumalle miyaano. Vawi oyo ari mung'onong'ono mwa attheenenyu yooyo sika muullupalli.”

Mitteko 1:1

Ooriiheya Teofilo, valle mu nibukhu naka nawaamba kaalemba dda ddeko ddittheddene Yesu eereeye owaaka ahuddiheeye ovenyera va nllapo aambilleeye muttekwaaye

Aroma 3:8

Vano nihinallotella tini wi, “Hankoni neere ddoonanara wi ddaphaama ddiwe?” Athu amodda yoonillotella epewe nave yooniipa mullatu wi hiyaanottho ninnallota ddeko ddenndda! Yaayo eneerollakiwa moophwanellella.

Aroma 6:1

Vano ninaallote tini? Nivirellellekeve ochimwa wi echisomo ya Mulluku yaanjerereye?

Aroma 6:15

Vano ninaallote tini? Ethiyo nichimweke kaambiiwa khaninalamulelliwa ni malamulo koma ninalamulelliwa ni echisomo ya Mulluku? Khe ddiiddo!

Deuteronomo 12:32

Moonesese wi mweere ddittheddene kinuulamuleemininndda nave muhoonjererevo apaalle ovukullavo ello.”

Deuteronomo 27:26

“Atembeleliwe arive muthu oohaakhullella ni oohiiwellella malamulo mattheenaalla. “Nave athu attheene yaakhulle wi, ‘Amen!’ ”

1 Timoteo 6:11

Koma weyaano muthu a Mulluku, thawa ddenndda nave othware echilungamo, omutitimiha Mulluku, echikhulupililo, echikondi, ovillella ni omaalleya.

Tito 3:8

Mawu yaalla tti oororomelleya. Kinapaalla wi ollipihelle ddeko ddenndda wi oomukhulupilila Mulluku yiivelleelleke vaweerani mitteko ddaphaama. Nndda tti ddaphaama ni ddoopinduliha wa arive muthu.

1 Petro 5:4

Nave mbusa muullupalli ooneya, muneerewaakhella emphaso yantitimiho yoohinyaalla.

1 Yohane 3:4

Arive muthu oyo anachimwa khaniiwellella malamulo a Mulluku kaambiiwa ochimwa tti ohiiwellella malamulo.

Yawuupullulla 2:20

Koma yawuuvaanyihani kiriimina tti ella yawi munniiwanana ni mutthiyanoolle Yezebele, oyo aniiromolla yeekha wi tti namallotella eetthiyana a Mulluku. Koma ni ehuddihwaayeella annaalleka oorumeyellaaka wi eraruweke ni ocha ddooheraatthiwa mukutho wa mafano.

1 Samuele 2:30

Miyaano kiri Apwiya Mulluku a Aisraele. Kaalonjeza wi nibanja nawo ninaakhalleke allupa mukutho woohimalla. Koma vano kinallota wi ddennddo ddoomalla. Kinaavaha olemu ayo enakititimiha koma kinnaatembelela ayo enakivevulla.