Mateyu 5:18 - Mawu a Mulluku

¹⁸ Vawi kinimuulleellani ddawoona wi, ophiyera oddullu ni ellapo yavatthi ddimallille, khaviwa vivenyihiwa nlemba ning'onong'ono nimodda naari etthoka emodda va malamulwaalla ophiyera ddittheddene ddeeriwe.

Mateyu 5:18 Iomraidhean Croise

Masalimo 102:26

Ddenndda ddineeromalla koma nyuwaano muneerokhallavove, ddittheddene ddineerewaahuwa wonanko ddoowara muneerewaakakhaniha wonanko ddoowara ddawaahuwa.

Masalimo 111:8

Tti ookeraattheya wa enthawi yoohimalla, yahaavelleella ni murima wawoona ni woolungama.

Masalimo 119:152

Kaadduwella mawaanyu ovenyera khalle wi mwahaakeraatthiha wa enthawi yoohimalla.

Yesaya 40:8

Manasi ennumma, malluwa ennanyaalla koma mawu a Mullukwaahu tti oohimalla.”

Yesaya 44:26

Miyaano sika kinasimikiza mawu a oorumeyellaaka, kinakwakhwanihera nnddo amithengaaka yallotenlliiwa. Miyaano sika kinallota dda Yerusalemu wi athu eneerokhallattho wenko, dda mizinda dda o Yuda wi ddineeromakiwattho, kineerovenyihattho mapurwiiwa yakumulliwe.

Yesaya 51:6

Tukhullellani miitthwaanyu oddullu, wehani va ellapo yavatthi. Oddullu oneerorimeella wonanko mwiisi, ellapo yavatthi eneeromalla wonanko yoowara, athwiiwa attheene eneerokhwa wonanko engwillihi. Koma ovullusa waka onaakhalle wa enthawi yoohimalla, woopolla waka wa enthawi ddittheddene.

Mateyu 10:15

Ddawoona, kinimuulleellani wi, va nllapo na echiweruzo, Mulluku aneeroweerella echifundo yinchichi athu a Sodomu ni Gomora, waakhwaranya athu a mu etawoni yeella.

Mateyu 10:23

Yaawuuhoosakani mu etawoni emodda thawellani mu matawoni mamoddattho. Ddawoona, kinimuulleellani wi muhinamallihe ophara muttekwaanyu mu matawoni attheene a Israele, mi Mwaana a Muthu kinaakhalle kiwiille.

Mateyu 10:42

Nave oyo anamuvaha mmodda mwa oohuddera oohambuwaalla naari kapu amaaddi oowirya ooriirya kaambiiwa tti oohudderaaka, kinimuulleellani ddawoona wi, aneerothuviwa.”

Mateyu 11:11

Ddawoona, kinimuulleellani wi, khaavo muthu ooyariwa vatthimva ari muullupalli omukhwaranya Yohane Oobatiza. Koma oyo ari mung'onong'ono mu omwene wa Mulluku sika ari muullupalli omukhwaranya olliyoolla.

Mateyu 13:17

Ddawoona kinimuulleellani ddawoona wi, anamallotella anchichi akhalle ni athu oolungama anchichi akhalle yaapaalla woona munooneenyundda koma khayaawoonille nave wiiwa muniiweenyundda koma kheyaawiiwalle.

Mateyu 16:28

Ddawoona, kinimuulleellani wi, aakhallavo amodda vaava khewa ekhwa ophiyera ekoonille mi, Mwaana a Muthu kiwaaka wi kilamulelle wonanko mwene.”

Mateyu 17:20

Yesu ahaakhulla wi, “Tti ekaamba yawi echikhulupilwaanyu tti yooyeva. Ddawoona, kinimuulleellani wi mwakhalla ni echikhulupililo yooyeva wonanko mmiddo wa masitadi, ttuuwora ollota wa mwaango wi, ‘Susavo mva oye valle!’ Mwaangooyo oneerosusa. Kheyiivo enaalepheliwe weeriwa ni nyuwaano.”

Mateyu 18:18

“Ddawoona, kinimuulleellani wi attheenenyu eyo munamakeenyu va ellapo yavatthi eneeromakiwa oddullu. Nave eyo Munaattaphulleenyu va ellapo yavatthi eneerottaphulliwa oddullu.

Mateyu 18:3

Nave aallota wi, “Ddawoona, kinimuulleellani wi mwaahirukunuwa muneerokhalla wonanko mwaana khamuwa muvollowa mu omwene wa Mulluku.

Mateyu 19:23

Yesu ahaalleella oohudderaaye wi, “Ddawoona, kinimuulleellani wi tti wookatamiha wi athu eeyuuma yavollowe mu omwene wa Mulluku.

Mateyu 19:28

Yesu ahaalleella wi, “Ddawoona, kinimuulleellani wi mi, Mwaana a Muthu, kakeraatthi vampandonaaka wa ntitimiho mu ellapo yanaanweene, vano nyuwaanottho oohudderaaka khumi ni eelli muneerokeraatthi m'mipandoni wi muweeruze malloko khumi ni meelli a Israele.

Mateyu 21:21

Yesu ahaakhulla wi, “Ddawoona, kinimuulleellani wi mwakhalla ni echikhulupililo ni oohikayika, khamweera yeellave kenreemi va muteekho wanamukuyoolla koma naari ollota wa mwaangoolla wi, ‘Venya wiivokhelle weekha mu enyanja,’ eneereweereya.

Mateyu 21:31

Ttaani mwa eellaalle enre yapanlle attiitthiiwa.” Yaamwaakhulla wi, “Awaamboolle.” Sika Yesu aallota wi, “Ddawoona, kinimuulleellani wi ookhomiha misonkho ni atthiyana ooraruwa eneerohoolla ovollowa mu omwene wa Mulluku nyuwaano muhinavollowe.

Mateyu 23:36

Ddawoona, kinimuulleellani wi ollakiwa wa athu awiiphaayo onaakhalle vamuruni va athu a mbadoolla.”

Mateyu 24:2

Nave Yesu aallota wi, “Munnoona ddittheddenenndda? Ddawoona, kinimuulleellani wi, vaava khavikhalla nlluku naari nimodda va nikhwaaye nihinaakumulliwe.”

Mateyu 24:47

Ddawoona, kinimuulleellani wi aneeromweera mullupa mutteko yooyo wi awehereke ddeko ddaye ddittheddene.

Mateyu 25:12

Koma ootthelloolle ahaakhulla wi, ‘Ddawoona, kinimuulleellani wi, nginuudduwellani.’

Mateyu 25:40

“Mi, mwene, kineerewaakhulla wi, ‘Ddawoona, kinimuulleellani wi kaambiiwa mwaamweerella mmodda a aakhwaaka naari ang'onong'onwaalla, mwaakeerella yeeyo miyaano.’

Mateyu 25:45

Miyaano kineerewaakhulla wi, ‘Ddawoona, kinimuulleellani wi ekaamba yawi mwaakhoota omurumeyella mmodda a ang'onong'onwaalla mwaakhoota okirumeyella miyaano.’

Mateyu 5:26

Kinimuulleella ddawoona wi khokhuma ophiyera ollivenlle makobiri mattheene.

Mateyu 6:16

“Nave mwaahallaka ocha,* muhinoonihaka ekhove yookhupanya wonanko mmo eneerella awootthaayo. Alliwa ennananariha ekhove ddiwa wi arive muthu oone wi enimahalla ocha. Ddawoona, kinimuulleellani wi yaallathi aathuviwa khalle.

Mateyu 6:2

“Sika mwaamuvahaka ello muthu oohoowa, muhinawellaka veeruwani wonanko awoottha ayo enavelleella ddeko mu enyumba ddamavekello* ni m'misewuni. Eneera ddiidda wi athu yaavaheke olemu. Ddawoona, kinimuulleellani wi yaallathi aathuviwa khalle.

Mateyu 8:10

Yesu iiwalleeye ddenndda, aattikhina nave aallota wa athu yamuthwaraayo wi, “Ddawoona, kinimuulleellani wi ngimuphwanyille muthu mu Israele a echikhulupililo yuullupalli wonanko yeella.

Mariko 10:15

Ddawoona, kinimuulleellani wi, muthu oohaakhullella omwene wa Mulluku wonanko mwaana aneerelleeye khavollowamo.”

Mariko 10:29

Yesu aallota wi, “Ddawoona, kinimuulleellani wi, ayo ehiyalle enyumba ddiwa, asinniwa, arokoriwa, ameewa, attiitthiiwa, aniiwa apaalle emata ddiwa, ekaamba ya miyaano ni othenga waphaama,

Mariko 11:23

Ddawoona, kinimuulleellani wi muthu ahiikayikellaka yeekha m'murimani mwaye koma anakhulupilila wi eyo allotilleeye eneereweereya nave allota wa mwaangoolla wi, ‘Venya wiivokhelle weekha mu enyanja,’ eneereweereya.

Mariko 12:43

Yesu awiithana oohudderaaye vamodda allota wi, “Ddawoona, kinimuulleellani wi, naamukhwelle oohoowooyo sika amorihellemo ddinchichi ohiyana ni attheenaayo.

Mariko 13:30

Ddawoona, kinimuulleellani wi, ddeko ddenndda ddineereweereya athu a mbadoolla amodda ehinakhwe.

Mariko 14:18

Vano achaka, Yesu aallota wi, “Ddawoona, kinimuulleellani wi mmodda a nyuwaano oyo anacha ni miyaano aneerokivelleella wa adanaaka.”

Mariko 14:25

“Ddawoona, kinimuulleellani wi ngiwa kimuwiryattho vinyo ophiyera nllapo nenno kineereemi kimuwiryettho vinyo musha mu omwene wa Mulluku.”

Mariko 14:30

Yesu aallota wa Petro wi, “Kinimuulleella ddawoona wi, mahiiyu yaalla mutthupi ohininlle wiilli, onaakhalle okikhootille oraru.”

Mariko 14:9

Ddawoona, kinimuulleellani wi orive weko mu ellapo yavatthi ettheene onaallalleyiwelle othenga waphaamoolla, athu eneerollota yeella enreeye wi emuupuwelleke.”

Mariko 3:28

“Ddawoona, kinimuulleellani wi erive machimwiiwa ni ollota epewe wiwa ddineerokhululukelliwa.

Mariko 6:11

Mwaphiya onipuroni nko muhinaakhelliweenyuwo apaalle muhiniiwellelliweenyuwo, venyaniwoni, muttatthe nthupi omanyalloni wanyu. Yoolla okhalle omboni wawi mohaakhoota ekaamba ya nnddo yenriiwa!”

Mariko 8:12

Nave Yesu aavuma wuullupalli allota wi, “Kaambiiwa tini athu a mbadoolla enakivekiiwa dda echizindikiro? Ddawoona, kinimuulleellani wi naari yeerevedde echizindikiro khevahiwa wa athu a mbadoolla!”

Mariko 9:1

Aavirellella ollota wi, “Ddawoona, kinimuulleellani wi, aakhallavo amodda vaava khekhwa ophiyera yoone omwene wa Mulluku owiille ni masiviiwa.”

Mariko 9:41

Ddawoona, kinimuulleellani wi muthu oyo anuuvaheni maaddi oowirya nyuwaano ekaamba ya nnddina naka aneerothuviwa.

Luka 11:51

waambeella va wiiphiwa wa Abele ophiyera va wiiphiwa wa Zakariya, oyo iiphiwe variyari va nipuro naweella ni nikuwa na mukutho mu enyumba ya Mulluku. Ddawoona, kinimuulleellani wi athu a mbadoolla eneerollakiwa ekaamba ya wiiphiwa wa athu attheenaayo!

Luka 12:37

Oodalisiwa tti allupa mutteko ayo pwiiwa aawaaka anaaphwanyeeye ehinakone, emutiyeraka! Ddawoona, kinimuulleellani wi, pwiiwooyo aneerom'makella laambaaye, aakeraatthiha voochella nave aamba waarumeyella.

Luka 13:35

Vano muzindaanyu oneerohiyiwa moohikhalla ello. Kinimuulleellani wi waambeella vano ophiyera muhoollo khamuwa mukoonattho, ophiyera muneerollota wi, ‘Oodalisiwa tti oyo anawa mu nnddina na Apwiya.’ ”

Luka 16:17

Nave tti ddookhweya wi oddullu ni ellapo yavatthi ddimalle ohiyana wi nlemba ning'onong'ono nimodda namalamulo nivenyihiwe.

Luka 18:17

Ddawoona, kinimuulleellani wi, muthu oohaakhullella omwene wa Mulluku wonanko mwaana aneerelleeye khavollowamo.”

Luka 18:29

Yesu aallota wi, “Ddawoona, kinimuulleellani wi, muthu ahiyalle enyumbaaye apaalle mwaariye apaalle asinne apaalle makhollwaaye apaalle anaaye ekaamba ya omwene wa Mulluku,

Luka 23:43

Yesu aallota wi, “Kinimuulleella ddawoona wi ollello vaava oneerokhalla ni miyaano mu Paradizo.”

Luka 4:24

Nave Yesu aallota wi, “Ddawoona, kinimuulleellani wi anamallotella khenaakhelliwa mu etawoni yoowaniwa.

Yohane 1:51

Nave aallota wa yaayo wi, “Ddawoona, kinimuulleellani wi muneerewoona oddullu woohulleya nave angelo a Mulluku ewellaka ni ekitthaka vakhuviru ni miyaano Mwaana a Muthu.”

Yohane 10:1

Yesu aallota wi, “Ddawoona, kinimuulleellani wi, muthu ahinavollowella va mullako wa nikholla na enkhosa koma anawellella vamodda vene, yooyo tti mullupaawiiya ni awaakha.

Yohane 10:7

Vano Yesu aallotattho wi, “Ddawoona, kinimuulleellani wi, miyaano tti mullako wa enkhosa.

Yohane 12:24

Ddawoona, kinimuulleellani wi, mmiddo wa tirigu waahimora muthayani, okhwa, yooyo onakhalla va weekhiiwa. Koma wakhwa onimma ezipaso ddinchichi.

Yohane 13:16

Ddawoona, kinimuulleellani wi kaporo khanaakhwaranya apwinnya nave oorumiwa khanaakhwaranya oyo anamuruma.

Yohane 13:38

Yesu ahaakhulla wi, “We onnapaalla okhwa ekaamba ya miyaano? Kinimuulleella ddawoona wi, mutthupi ohininlle oneerokikhoota oraru.”

Yohane 14:12

Ddawoona, kinimuulleellani wi, oyo anakikhulupilila miyaano aneerekoweerattho mitteko kineereemi. Nave aneereweera mitteko dduullupalli ddookhwaranya ddenndda kaambiiwa miyaano kinaya wa Attiitthaaka.

Yohane 16:20

Ddawoona, kinimuulleellani wi muneerewinlla ni woopa ekutho koma athu a ellapo yavatthi eneerohakallalla. Nyuwaano muneerokokhupanya koma okhupanya wanyu eneerotthattuwa ehakallallo.

Yohane 16:23

“Nllapo nenno naphiya khamukivekattho erive ello. Ddawoona, kinimuulleellani wi mwaveka erive ello wa Attiitthaaka mu nnddina naka, eneerewuuvahani.

Yohane 21:18

Kinimuulleella ddawoona wi waariiwe musombwe, waaniimakella weekhaawo laamba muyuununi mwawo onaya orive weko wapaalleewe. Koma wuulluvalla, oneerowookolla mattaawo wi muthu mmodda uumakelle laamba muyuununi mwawo ni wuukusella nko ohinapaalleewe oyaawo.”

Yohane 3:11

Kinimuulleella ddawoona wi, ninallota yeeyo ninadduwelleehu nave ninavelleella omboni dda yeeyo nonneehu koma nyuwaano khamunamukhulupilila ombonaahu.

Yohane 3:3

Yesu ahaakhulla wi, “Ddawoona, kinimuulleellani wi, khaavo muthu anaawore woona omwene wa Mulluku aahiyariwa wiilli.”

Yohane 3:5

Yesu ahaakhulla wi, “Ddawoona, kinimuulleellani wi, khaavo muthu anaawore ovollowa mu omwene wa Mulluku aahiyariwa mwa maaddi ni Munepa Waweella.

Yohane 5:19

Yesu awaakhulla alliwaayo wi, “Ddawoona, kinimuulleellani wi, miyaano Mwaana ngiwora weera ddeko mwa meekhaaka koma kineera yeeyo kinooneemi Attiitthaaka yeeraka. Nnddo eneeriiwa, emoddamoddave yeeyo miyaano kinneerattho ddennddo.

Yohane 6:26

Yesu ahaakhulla wi, “Ddawoona, kinimuulleellani wi, munakaasha miyaano kaambiiwa mwaamucha buledi nave muvona, ohiri kaambiiwa mwahoona ddoottikhiniha ddaka.

Yohane 6:32

Yesu aallota wi, “Ddawoona, kinimuulleellani wi, khe Mose uuvahilleni buledi oovenyera oddullu, Attiitthaaka sika enuuvahani buledi awoona oovenyera oddullu.

Yohane 6:47

Ddawoona, kinimuulleellani wi, yooyo anakhulupilila ookhalla ni okumi woohimalla.

Yohane 6:53

Yesu aallota wa alliwaayo wi, “Ddawoona, kinimuulleellani wi, mwaahicha mwiilli wa miyaano Mwaana a Muthu ni owirya nikhame naka khamukhalla ni okumi woohimalla.

Yohane 8:34

Yesu ahaakhulla wi, “Ddawoona, kinimuulleellani wi, oyo anachimwa tti kaporo a machimwaayo

Yohane 8:51

Ddawoona, kinimuulleellani wi, oyo anasunga mawaaka m'murimani mwaye khawa akhwa.”

Yohane 8:58

Yesu ahaakhulla wi, “Ddawoona, kinimuulleellani wi, Abrahamu ahinayariwe, miyaano kaari kiriwo khalle.”

1 Petro 1:25

koma mawu a Apwiya tti oohimalla.” Mawu yaalla tti othenga waphaama oyo waallalleyiwe wa nyuwaano.

Yawuupullulla 20:11

Nave kaamoona Mulluku akeraatthille vampandoni muullupalli waweella wa omwene. Ellapo yavatthi ni oddullu ddaathawa vamiitthoni vaye nave ddaarimeellattho.