Mateyu 5:15 - Mawu a Mulluku

¹⁵ Khaavo muthu anakhariha enyali, ayikhuneella ni muno koma anahiya va yoohiyavo enyali, mvo enamumolleelliiwa arive muthu mpammo.

Mateyu 5:15 Iomraidhean Croise

Eksodo 25:37

Apange enyali dditthanu ni piilli nave addihiye otthoka wa erukullu ni enthambi dda yoohiyavo enyaleeyo wi ddimolleelleke muhoollo.

Zekariya 4:2

Aakikoha wi, “Onoona tini?” Nave kahaakhulla wi, “Kinoona yoohiyavo enyali, ettheene yagolide ni embale vaddullu viwa. Eri ni enyali dditthanu ni piilli, erive enyali yoophovolliwa otthanu ni opiilli moovollochihamo matthupu.

Numeri 8:2

“Mulleelle Aroni wi aahiyaka enyale dditthanu ni piilli va yoohiyavo enyale, addihiye wi ddimolleelleke muhoollo mwa ddoohiyavo enyalennddo.”

Mariko 4:21

Yesu aallota wi, “Khaavo muthu anakhariha enyali, ayikhuneella ni muno apaalle ayihiya vatthi va bedi. Koma anayihiya va yoohiyavo enyali.

Luka 11:33

“Khaavo muthu anakhariha enyali, ayikhuneella ni muno. Koma enahiyiwa va yoohiyavo enyali wi athu ayo enavollowa mpammo yoone owalanko.

Luka 11:36

Mwiillaanyu muttheene waddalliwa owala, ohikhalla ni epiphi vaamodda vene oneeromolleella virive veko wonanko enyali yaawuumolleellaka weyaano.”

Luka 8:16

“Khaavo muthu anakhariha enyali, ayikhuneella ni muno apaalle ayihiya vatthi va bedi. Koma anayihiya va yoohiyavo enyali wi athu ayo enavollowa mpammo yoone owalanko.

Afilipi 2:15

wi mukhalle oohichimwa ni aweella wonanko anamwani a Mulluku aphaama ayo enakhalla mu ellapo ya athu oonanara ni oolleka. Munaphwanella muwaleke variyari va yaayo wonanko etheneeri ddoowala.

Aheberi 9:2

M'musasanimmu, echipinda yawaamba yaakhalla ni yoohiyavo enyali ni tebulo owaaka buledi oovelleelliwa wa Mulluku nave yaromolliwa wi nipuro naweella.

Yawuupullulla 2:5

Upuwellani nko mumorelleenyuwo. Rukunuwani murima nave mweereke mweereenyu vawaamba valle. Mwaahirukunuwa murima kineeroowa kivenyihevo yoohiyavo enyaalaanyu vanipuroni viwa.