Mateyu 5:11 - Mawu a Mulluku

¹¹ “Muri oodalisiwa athu yaawuunyaambusakani, yaawuuhoosakani nave yaawuullotellakani mwawoottha ddoonanara ddittheddene kaambiiwa nyuwaano tti oohudderaaka.

Mateyu 5:11 Iomraidhean Croise

Masalimo 35:11

Amboni oonanara aakiwukila, ennakikoha ddeko nnddo kihinadduwelleemi.

Masalimo 44:22

Koma mallapo mattheene ninnoopopihiwa wi niiphiwe ekaamba ya nyuwaano, nineesiwa wonanko enkhosa ddinaya wawiiphiwa.

Yesaya 25:8

Apwiya Mulluku eneeromirya okhwa ophiyera wa enthawi yoohimalla, eneerovutta miitthori m'mwiitthoni mwa arive muthu nave eneeromalliha owulliwa muru wa athwiiwa va ellapo yavatthi ettheene. Mi Apwiya koollota.

Yesaya 51:7

Nyu oodduwella echilungamo, ngiiwani, nyu oosunga malamulwaaka m'murimani. Muhoove athu yaawuuhumullullakani, muhitathille murima yaawuunyaambusakani.

Yesaya 66:5

Nyu ootthukumella Apwiya yaallotaka, iwani mawu a Apwiya. Alliwa enallota wi, “Abalaanyu ayo eniitana ni nyuwaano ni wuukhootani ekaamba ya nnddina naka enallota wi ‘Apwiya etitimihiwe wi hiyaano noone ehakallallwaanyu.’ Koma alliwa sika enaawulliwe muru.

Yeremiya 37:14

Yeremiya ahaakhulla wi, “Khe ddiiddo, miyaano nginathawella wa Ababiloni!” Koma Iriya khaamwiiwellenlle Yeremiya nave aamuphara amuyana wa enduna.

Mateyu 10:18

Nave muneerovelleelliwa wa oolamulella ni mamwene kaambiiwa nyuwaano tti oohudderaaka wi mwakhalle amboni a othenga waphaama wa yaayo ni athu ayo ehiri Ayuda.

Mateyu 10:22

Athu attheene eneerowiitani kaambiiwa nyuwaano tti oohudderaaka. Koma oyo anaavillelle ophiya o mamallihello, aneerovulluwa.

Mateyu 10:25

Tti wookwakhwanella wa oohuddera okhalla wonanko muhuddihaaye nave wa kaporo okhalla wonanko apwinnya. Mwaneena a nibanja aneeroromolliwa wi Belezebulu,* muullupalli a minepa ddoonanara, athu amodda a munibanjanimmo eneeroromolliwa manddina oonanara ohiyana ni nnddina nenna.

Mateyu 10:39

Oyo anapaalla ovullusa okumaaye eneerowutathilla koma oyo anatathilla okumaaye kaambiiwa tti oohudderaaka eneerowuvullusa.

Mateyu 19:29

Nave attheene ayo ehiyalle enyumba ddiwa apaalle asinniwa naari arokoriwa apaalle attiitthiiwa apaalle ameewa naari aniiwa apaalle emata ddiwa kaambiiwa tti oohudderaaka eneerewaakhella nnddo ehiyalliwa waakullella 100 nave eneerewaakhella okumi woohimalla.

Mateyu 24:9

“Vano muneeromakiwa ni okuselliwa woollakiwa ni wiiphiwa. Athu attheene eneerowiitani kaambiiwa nyuwaano tti oohudderaaka.

Mateyu 27:39

Athu oovira yaanatikha miru ddiwa enamullotella epewe.

Mariko 13:13

Athu attheene eneerowiitani kaambiiwa nyuwaano tti oohudderaaka. Koma oyo anaavillelle ophiya o mamallihello, aneerovulluwa.

Mariko 13:9

“Sika nyuwaano chenjerani. Muneeromakiwa ni okuselliwa m'mathatoni a millatu nave muneerewuukuthiwa mu enyumba ddamavekello.* Muneerewiimella vamiitthoni va oolamulella ni mamwene kaambiiwa nyuwaano tti oohudderaaka wi mwakhalle amboni a othenga waphaama wa yaayo.

Mariko 4:17

Koma enakhalla wonanko ddoomella ddoohikhalla ni misisi nnddo ddihinallekella onyaalla. Vawi ddookatamiha ni ddoohoosa ddawa ekaamba yawi enakhulupilila mawaayo, ennahiya enthawi yeeyo.

Mariko 8:35

Vawi muthu aapaallaka ovullusa okumaaye, eneerowutathilla nave atathilla okumaaye kaambiiwa annakithwara miyaano nave ni ekaamba ya othenga waphaama, aneerewuuvullusa okumaayooyo.

Luka 21:12

Koma ddihineereye ddittheddenenndda, muneerohoosiwa ni omakiwa, muneerewiipiwa millatu mu enyumba ddamavekello* ni ohiyiwa mundende. Muneerovelleelliwa wa mamwene ni oolamulella kaambiiwa nyuwaano tti oohudderaaka.

Luka 21:17

Athu attheene eneerowiitani kaambiiwa nyuwaano tti oohudderaaka.

Luka 6:22

“Oodalisiwa tti nyuwaano athu yawiitani, yuukhootani, yuullotellani epewe ni wuullotellani wi tti oonanara, ddittheddenennddo kaambiiwa muri oohuddera a miyaano Mwaana a Muthu.

Luka 9:24

Vawi muthu aapaallaka ovullusa okumaaye, eneerowutathilla nave atathilla okumaaye kaambiiwa annakithwara miyaano, aneerewuuvullusa.

Yohane 15:21

Nave eneeroweerellani ddittheddenenndda kaambiiwa muri ookithwara vawi khenamudduwella oyo aakirumalle.

Yohane 9:28

Yaamunyaambusa ellota wi, “We tti oohudderaaye koma hiyaano tti oohuddera a Mose.

Mitteko 9:16

Vawi kineeromooniha mmo anaahoowelleeye wunchichi ekaamba ya nnddina naka.”

Aroma 8:36

Mawu a Mulluku eni, “Mallapo mattheene ninnoopopihiwa wi niiphiwe ekaamba ya nyuwaano, nineesiwa wonanko enkhosa ddinaya wawiiphiwa.”

1 Akorinto 4:10

Hiyaano tti ookarangeya ekaamba ya Khrisitu koma nyuwaano tti eezeru mwa Khrisitu! Hiyaano tti oofooka koma nyuwaano tti amasiva! Nyuwaano munnavahiwa olemu koma hiyaano ninnavevulliwa!

2 Akorinto 4:11

Mu okumaahu muttheene ninnoopopihiwa ni okhwa ekaamba ya Yesu wi okumaayettho wooneye mwa hiyaano.

Afilipi 1:29

Vawi moovahiwa ekari ohiri vookhulupililanive mwa olliye komattho ohoowa ekaamba ya olliye.

1 Petro 2:23

Allotelliweeye epewe, khaawaakhullalle epewe, ahoosiweeye khoopopihalle koma ahiivelleella wa Mulluku oyo aneeruza moolungama.

1 Petro 4:14

Oodalisiwa tti nyuwaano mwaallotelliwa epewe kaambiiwa nyuwaano tti oomuthwarellella Khrisitu. Ella enattaphullella wi Munepa wa ntitimiho, Munepa a Mulluku, onnakhalla va nyuwaano.

Yawuupullulla 2:3

Munnavillella, moohoowa ekaamba ya miyaano koma khamukihiyalle.