Mateyu 4:4 - Mawu a Mulluku

⁴ Koma Yesu ahaakhulla wi, “Mawu a Mulluku eni, ‘Athu khenakhalla ni okumi ekaamba ya yoochave, koma ni mawu oollotiwa ni Mulluku.’ ”

Mateyu 4:4 Iomraidhean Croise

Eksodo 16:15

Aisraele yoonilliiwa ddekonnddo, kheyaaddidduwenlle nave yahaamba okohana wi, “Ethiyo ddenndda tti tini?” Mose ahaalleella wi, “Olla tti buledi yuuvahilleni Apwiya wi mumuche.

Eksodo 16:35

Aisraelaayo yaakhalla echaka manaayo miyakha 40 ophiyera yaaphiya o ellapo wookhalla athu, omalireni wa ellapo ya Kanani.

Eksodo 16:8

Nave Mose aallota wi, “Tti Apwiya ayo enuuvaheni misikuwa enama yawi muche nave ohinase buledi awi muvone, ekaamba yawi ahiiwa okhupanya wanyu ottheene woomuvaanyiha. Hiyaano niri aani? Okhupanya wanyu khemunakhupanyella wa hiyaano koma wa Apwiya.”

Eksodo 23:15

Okhalleke ni nllapo na Ehakallallo ya Buledi Oohikhalla ni Yisiti. Wonanko mmo kuulamulelleemi, omucheke buledi oohikhalla ni yisiti mallapo matthanu ni meelli mu mweeri wa Abibu, ekaamba yawi mweeri yooyo waavenyawo o Iguputo. Arive muthu ahiphiyeke vakhuviru ni miyaano ari mattave.

Mateyu 15:11

Khe ello eyo enavollowa muwano mwa muthu enamuripiha vamiitthoni va Mulluku koma eyo enukhuma muwano mwaye sika enamuripiha.”

Mateyu 4:10

Vano Yesu ahaakhulla wi, “Kivenyerevo, Satana! Mawu a Mulluku eni, ‘Waallapelleke Apwiya Mullukwaawo nave omurumeyelleke yooyove.’ ”

Mateyu 4:7

Yesu ahaakhulla wi, “Navettho mawu a Mulluku eni, ‘Ohiiweese Apwiya Mullukwaawo.’ ”

Mariko 7:20

Vano ahaakhullattho wi, “Tti yeeyo enakhuma m'murimani enuuripiha vamiitthoni va Mulluku.

Luka 4:12

Koma Yesu ahaakhulla wi, “Mawu a Mulluku eni, ‘Ohiiweese Apwiya Mullukwaawo.’ ”

Luka 4:4

Koma Yesu ahaakhulla wi, “Mawu a Mulluku eni, ‘Athu khenakhalla ni okumi ekaamba ya yoochave.’ ”

Luka 4:8

Yesu aamwaakhulla wi, “Mawu a Mulluku eni, ‘Waallapelleke Apwiya Mullukwaawo nave omurumeyelleke yooyove!’ ”

Yohane 15:26

“Nave Ookavihera oyo kinaamurumiheemi wa nyuwaano ovenyera wa Attiitthaaka aneeroowa. Vano olliyooyo tti Munepa wawoona woovenyera wa Attiitthiihu, yooyo oneerovelleella omboni dda miyaano.

Yohane 6:63

Munepa a Mulluku sika anavaha okumi. Masiva a muthu khenna mutteko. Mawu ayo kaallotilleemi wa nyuwaano enavenyera wa Munepa a Mulluku oyo anavaha okumi.

Aroma 15:4

Nave mawu a Mulluku mattheene yaalembiwe khalle enanihuddiha hiyaano. Mawaayo ennanillipiha murima ni onikhalliha oovillella wi nikhalle ootiyera.

Aefeso 6:17

Nave mwaakhelle ovullusa wonanko echipewa yawiitetezella omuruni nave mawu a Mulluku wonanko nsupada munavahiweenyu ni Munepa.

Deuteronomo 8:3

Yahuukhumullani vawuuvollihani ettalla komattho yahuuvahani mana wi muche yoocha eyo nyuwaano ni makhollwaanyu mwahiyidduwenlleenyu waambeella khalle. Yaheera ddenndda wi yuuhuddiheni wi muthu khanakhalla ni okumi ni yoochave koma ni mawu mattheene ookhuma muwano mwa Apwiya.