Mateyu 4:3 - Mawu a Mulluku

³ Vano Satanoolle aawa amweesa voollotani wi, “Nyu mwaarimi muri Mwaana a Mulluku lamulani mallukwaalla wi etthattuwe yoocha.”

Mateyu 4:3 Iomraidhean Croise

Eksodo 16:3

“Waweerokhalla phaama Apwiya yaniiphelleke o Iguputo weewulle, nko nakhalleseehu nichaka enama ni buledi nave naanavona. Koma nyuwaano munikuselle o echipululu wuno wi muniiphe attheene ni ettalla.”

Mateyu 14:33

Vano oohuddera ayo yaari mukallawani mulle yaamullapella Yesu, ellota wi, “Ddawoona, kinimuulleellani wi nyuwaano tti Mwaana a Mulluku!”

Mateyu 16:16

Simoni Petro ahaakhulla wi, “Nyu tti Mesiya,* Mwaana a Mulluku Ookumi.”

Mateyu 26:63

Koma Yesu aakhalla llakallaka. Vano mullupa mukutho muullupalli aallotattho wi, “Vamiitthoni va Mulluku Ookumi kinimuullupelliha weyaano wi onilleelle weyaano waari Mesiya,* Mwaana a Mulluku.”

Mateyu 3:17

Vano mawu yahiiweya ovenyera oddullu wi, “Olla sika Mwanaka ookondiwa, kinnahakallallana ni murimaaka muttheene.”

Mariko 1:1

Nngu sika waambeya wa othenga waphaama woollota dda Yesu Khrisitu, Mwaana a Mulluku.

Mariko 3:11

Nave minepa ddoonanara ddamoona Yesooyo, ddaanamorella vatthi ddikhuwaka wi, “We sika Mwaana a Mulluku!”

Mariko 5:7

Nave aakhuwa wi, “Yesu, Mwaana a Mulluku Muullupalli! Nuullikalleni tini nyuwaano? Ekaamba ya Mulluku, kinimuuvekani, muhikillake miyaano!”

Luka 1:35

Mungelooyo ahaakhulla wi, “Munepa Waweella aneerophiya va weyaano nave masiva a Mulluku Muullupalli eneerewuuhuruwella. Ekaamba ya yeella, mwaana ooyariwooyo anaakhalle Aweella nave aneeroromolliwa wi Mwaana a Mulluku.

Luka 22:70

Attheenaalle yaallota wi, “Vano weyaano tti Mwaana a Mulluku?” Yesu aawaakhulla wi, “Mullotillethi nyookha wi tti miyaano.”

Luka 4:3

Vano Satana aallota wi, “Nyu mwaarimi muri Mwaana a Mulluku lamulani mallukwaalla wi etthattuwe yoocha.”

Luka 4:41

Minepa ddoonanarattho ddaakhuma mwa athu anchichi, ddikhuwaka wi, “Nyu tti Mwaana a Mulluku!” Koma Yesu aaddisimwella minepa nnddo wi ddimaalle vawi ddaanamudduwella wi olliyooyo tti Mesiya* allotelliwe khalle.

Luka 4:9

Vano Satana aamukusella Yesu o Yerusalemu nave aamwiimesa otthoka va enyumba ya Mulluku nave allota wi, “Nyu mwaarimi muri Mwaana a Mulluku, ivokheni nyookha vatthi ovenyera vaava.

Yohane 1:34

Sika kohoona yeella nave koovelleella omboni wi yoolla tti Mwaana a Mulluku.”

Yohane 1:49

Natanaele ahaakhulla wi, “Muhuddihi, nyuwaano muri Mwaana a Mulluku! Nyuwaano muri Mwene a Israele!”

Yohane 20:31

Koma nndda ddiri mu nibukhu nenna ddoolembiwa wi mukhulupilile wi Yesu tti Mesiya,* Mwaana a Mulluku nave wi voomukhulupililani olliyooyo mukhallena okumi.

Yohane 9:35

Yesu iiwalleeye ddeereyillennddo, aamuphwanya muthu achirihiwoolle nave aamukoha wi, “We onnakhulupilila mwa Mwaana a Muthu?”

Mitteko 9:20

Enthawi yeeyo ahaamba ollalleya mu enyumba ddamavekello wi Yesu tti Mwaana a Mulluku.

2 Akorinto 1:19

Vawi Yesu Khrisitu, mwaana a Mulluku oyo aallalleyiwe variyari vanyu ni Sila, Timoteo ni miyaano khe awaakhullella ni ookhoota enthawi emoddave yeeyo. Koma mwa olliye mookhalla waakhullella enthawi ddittheddene,

Agalatiya 2:20

sika khe miyaanottho kinakhalla mukumi koma tti Khrisitu anakhalla mwa miyaano. Okumi yoolla kiriimina, kinakhalla mu echikhulupililo mwa Mwaana a Mulluku, oyo aakikondille miyaano nave avelleella okumaaye ekaamba ya miyaano.

1 Atesalonika 3:5

Ella sika ekaambiiwa kimurumihalleemi Timoteo. Miyaano ngaawore ovillella, sika kaamuruma olliyooyo wi oone echikhulupilwaanyu. Vawi koova wi apaalle Satana aaweesani nave wi muttekwaahu muttheene waari woohikhalla ni mutteko.

Aheberi 12:16

Chenjerani wi arive muthu ahikhalle ooraruwa apaalle ahikhalle oonyaambusa dda Munepa wonanko Esau olle akullihalle ottekweenaaye ni yoocha ya enthawi emodda.

Aheberi 4:14

Nookhalla ni mullupa mukutho muullupalli oyo ayiille oddullu akhalla vamiitthoni va Mulluku, Yesu, Mwaana a Mulluku. Sika hankoni niphare moollipiha dda echikhulupililwaahu.

Aheberi 7:3

Ollota dda attiitthinnya apaalle amennya apaalle ntthopoollo na makhollo a Melkizedekooyo kheyiivo mvo elembiweewavo naarittho dda oyariwa waye ni okhwa waye. Ari wonanko Mwaana a Mulluku, mullupa mukutho oovirellella wa enthawi yoohimalla.

1 Yohane 3:8

Oyo anavirellella ochimwa anakhalla a Satana kaambiiwa Satana aachimwa ovenyera vawaamba. Mwaana a Mulluku ahooneya ekaamba ya yeella wi oononge eyo yeeriwe ni Satana.

Yawuupullulla 2:10

Muhoove dda ddeko ddittheddene munaakumaneneenyu. Ngoonani, Satanooyo aneeroweesani vawuuhiyani mundende amodda a nyuwaano nave ohoosiwanngu onaakhalle wa mallapo khumi. Khallani oororomelleya wa miyaano naari mwiiphiwe nave kineerewuuvahani emphaso yookumi.