Mateyu 4:24 - Mawu a Mulluku

²⁴ Epillaaye yaavuwa mu echigawo ettheene ya Siriya, sika athu yaamukusella athu attheene a ereta ddoohiyanahiyana ni oovoriiwa oohiyanahiyana, athu ookhalla ni minepa ddoonanara, a achillechille ni oorakalla nave olliye ahaachiriha attheene.

Mateyu 4:24 Iomraidhean Croise

2 Samuele 8:6

Vatulli viwa Davide aatthipella misasa ddakhoto o Damasiko mu ellapo ya Siriya. Nave Asiriya yaakhalla oorumeyella a Davide nave yahaamba okhoma musonkho wa olliye. Sika Apwiya yaanampambaniha orive weko ayeeyewo.

1 Mamwene 10:1

Mwene aamutthiyana a o ellapo ya Sheba iiwalleeye dda ovuwa wa Solomoni ddawaatitimiha Apwiya, aaya wa Solomoni wi amukohe makoho ookatamiha.

1 Mamwene 4:31

Olliye aakhalla ni ezeru waakhwaranya athu attheene, omukhwaranya naari Etani a o Ezara, omukhwaranyattho Hemani, Kalikoli ni Darida anamwani a Maholi. Nave epillaaye yaavuwa mu ellapo ddittheddene ddawaapheella.

1 Epilli 14:17

Ovuwa wa nnddina na Davide waamwareyella mu ellapo ddittheddene nave Apwiya yaaweeriha athu a mitundu ddittheddene wi emooveke.

1 Epilli 29:2

Sika koovelleellattho ddoomakella enyumba ya Mullukwaaka moollikana ni mmo kiworelleemi monga golide, siliva, mukuwa, mukoko ni matabwa. Koovelleellattho malluku manchichi a onikisi, a mitundu ddoohiyanahiyana, oowallamella mutengo ni malluku a marabulo.

Eksodo 15:26

Yaallota wi, “Mwaakiiwellellaka mi Apwiya Mullukwaanyu, muneera ddoolungama ni opwatha malamulwaaka ni wiiwellella nnddo kinuuhuddiheemini, nguullakani ni erive ereta eyo kaallakilleemina Aiguputo. Mi tti Apwiya ayo enuuchirihani.”

Mateyu 12:22

Vatulli viwa athu amodda yaawa wa Yesu ni muthu oohoona navettho oohillota kaambiiwa aakhalla ni munepa woonanara. Yesu anamuchiriha muthooyo, sika ahaamba woona ni ollota.

Mateyu 14:1

Enthawi yeeyo Herode,* oolamulella a o Galileya, ahiiwa dda epilli ya Yesu.

Mateyu 15:22

Mutthiyana o Kanani ookhalla o ezigawo dda wenko, aawa wa olliye. Aakhuwa wi, “Mukeerelle echifundo, Apwiya, Edduullu ya Davide! Mwanaka aamutthiyana ookhalla ni munepa woonanara.”

Mateyu 17:15

nave aallota wi, “Apwiya, mweerelleni mwanaka echifundo! Animavoriiwa achillechille nave ennamuhoosa mwawoopiha wawi annamorella vamunlloni wiilliwiilli navettho m'maaddini wiilliwiilli.

Mateyu 17:18

Yesu aawusimwella munepa woonanarooyo nave waakhumamo mwa musombooyo nave enthawi yeeyo aachirihiwa.

Mateyu 4:23

Yesu aheeteeta mu Galileya mutthemwene ahuddihaka mu enyumba ddamavekello* ni ollalleya othenga waphaama wa omwene navettho waachiriha athu oovoriiwa ereta ddittheddene ni ddoovoreya ddittheddene.

Mateyu 8:28

Yesu aphiyalleeye o echigawo ya athu a o Gadara vakhopella va enyanja, aakumana ni allopwana eelli oovenyera omakhunguni nko wavitthiwa athu ookhwa. Athu yaalla yaari a minepa ddoonanara nave yaari awoopiha wunchichi vawi khaavo muthu awora oweella musewu yoolla.

Mateyu 8:33

Oochiha ekumbannddo yaathawa eya o etawoni evuwiha mwahoolla ni yeeriweeyo wa athu yaari ni minepa ddoonanaraalle.

Mateyu 8:6

“Apwiya, kaporwaaka akonaatthille vabedini owaani ekaamba yoorakalla vawi annoona ovoreya wunchichi.”

Mateyu 9:26

Epilli yeella yaavuwa mu echigawo ettheene ya ellapweeyo.

Mateyu 9:35

Yesu aheeteeta m'mizi ni m'matawoni mutthemwene ahuddihaka mu enyumba ddamavekello* ni ollalleya othenga waphaama wa omwene navettho waachiriha athu oovoriiwa ereta ddittheddene ni ddoovoreya ddittheddene.

Mariko 1:28

Enthawi yeeyo epilli ya Yesu yaavuwa virive veko mu echigawo ya Galileya.

Mariko 1:32

Misikuwa nndduwa nivollowille athu yaawaana wa Yesu oovoriiwa attheene ni athu ookhalla ni minepa ddoonanara.

Mariko 2:3

Vano athu amodda yaawa wa Yesu ni muthu oorakalla atukhulliwe ni allopwana asese.

Mariko 2:4

Ekaamba ya mulloko wa athu yatthukumannaayo kheyaaworille omuphiyerana muthooyo. Sika yaaphovolla vaddullu va enyumbeeyo owehanana ni vaari Yesu emukitthiheravo akonaatthille vamachirani.

Mariko 2:9

Yookhweya ttiivi, omulleella muthu oorakalla wi, ‘Machimwaawo aakhululukiwa,’ apaalle ollota wi, ‘Venya, kusa machiraawo, weete’?

Luka 2:2

Kalembeloolla eereyeeye Kwiriniyo aari oolamulella ellapo ya Siriya.

Luka 4:14

Yesu aahokollweella o Galileya nave masiva a Munepa Waweella yaari ni olliye. Epillaaye yaavuwa mu echigawo mutthemwene.

Luka 4:38

Yesu aavenyamo mu enyumba yamavekello aya mpa mwa Simoni. Amoottonaaye a Simonooyo yaamavoriiwa ooviha mwiilli wunchichi nave Yesu aavekiwa wi aachirihe.

Luka 5:15

Nave epilli ya Yesu yaavuwa moovirellella, sika athu anchichi yaawa wi emwiiwe ni ochirihiwa o ereta ddiwa.

Luka 5:24

Kineerowoonihani vano wi mi Mwaana a Muthu kookhalla ni olamulello va ellapo yavatthi wookhululukella machimo.” Sika aamulleella muthu oorakallooyo wi, “Venya, kusa machiraawo oroweke owaninyu!”

Luka 7:17

Nave epilli yeella ya Yesu yaavuwa yiiweya mu Yudeya mutthemwene ni omapuroni mattheene owaatamella.

Yohane 10:21

Koma amodda yaallota wi, “Muthu ookhalla ni munepa woonanara khanallota mwawi ddiidda! Munepa woonanara ttuuwora omweeriha muthu oohoona wi ooneke?”

Mitteko 10:38

Munnadduwella dda Yesu a o Nazareti nave wi Mulluku aamuvaha olliye Munepa Waweella owaakattho masiva. Aaya orive weko, weera ddaphaama ni waachiriha attheene ayo yalamuliwa ni masiva a Satana vawi Mulluku aari ni olliye.

Mitteko 15:23

Nave yaawinnyera kalata oollota wi, “Ovenyera wa amurummwa, attekweene ni ookhulupilila akhwiinyu oya wa ookhulupilila akhwiihu ayo ehiri Ayuda mu etawoni ya Antiyokeya, mu ezigawo dda Siriya ni Silisiya, nnihina mooni.

Mitteko 15:41

Vano Paulo ni Sila yavirenlle o Siriya ni Silisiya, waallipiha murima athu a m'mipingoni.

Mitteko 28:9

Ddeereyille ddenndda, oovoriiwa attheene yaari echilumba yeella yaawa nave echirihiwa.

Mitteko 8:7

Minepa ddoonanara ddaakhuma mwa athu anchichi ddinllaka mookhuwa nave athu anchichi ookhwa meto ni oorakalla yaachirihiwa.

Yoswa 6:27

Sika Apwiya yaakhalla ni Yoswa nave epillaaye yaavuwa ellapo ettheeneeyo.