Mateyu 4:23 - Mawu a Mulluku

²³ Yesu aheeteeta mu Galileya mutthemwene ahuddihaka mu enyumba ddamavekello* ni ollalleya othenga waphaama wa omwene navettho waachiriha athu oovoriiwa ereta ddittheddene ni ddoovoreya ddittheddene.

Mateyu 4:23 Iomraidhean Croise

Masalimo 103:3

Tti alliwa enakhululukella machimwaawo mattheene, enachiriha ereta ddawo ddittheddene.

Masalimo 74:8

M'murimani mwiwa yallota wi, “Hankoni naagonjihe wa enthawi yoohimalla.” Yaahella munllo mapuro oopatuleya mattheene a Mulluku mwiillaponimmo.

Mateyu 11:5

Oohoona ennoona, ooheeta enneeta, athu amakate enneellihiwa, oohiiwa enniiwa, ookhwa ennavenyihiwa navettho othenga waphaama onnallalleyiwa wa athu oohoowa.

Mateyu 12:9

Yesu aavenyavo vanipuroni valle aya mu enyumba yamavekello.

Mateyu 13:19

Athu attheene eniiwa othenga wa omwene koma kheniiwesesa, tti wonanko mmiddo wamorenlle muttilla. Oonanarooyo, annawa awaakha othenga woomiddiwa m'murimani mwiwa.

Mateyu 13:54

Nave aphiyalle o etawoni yoowaniwa, ahaamba ohuddiha mu enyumba yamavekello. Nave ayo yamwiiwalle yaattikhina, ekoha wi, “Addikusalle wuuwi ezeru ddenndda ni ddoottikhiniha ddenndda?

Mateyu 14:14

Yesu akhumalleeye mukallawanimmo, aawoona mulloko wa athu muullupalloolle nave ahaamorella ethakaraka nave ahaachiriha oovoriiwiiwa.

Mateyu 24:14

Vano othenga waphaamoolla wa omwene wa Mulluku oneerollalleyiwa va ellapo ettheene yavatthimva wi ekhalle omboni wa athu attheene; nave vaavo eneerophiya mamallihello.

Mateyu 3:2

Allalleya wi, “Rukunuwani murima kaambiiwa omwene wa Mulluku wohaatamella!”

Mateyu 9:35

Yesu aheeteeta m'mizi ni m'matawoni mutthemwene ahuddihaka mu enyumba ddamavekello* ni ollalleya othenga waphaama wa omwene navettho waachiriha athu oovoriiwa ereta ddittheddene ni ddoovoreya ddittheddene.

Mariko 1:14

Yohane amakiwe, Yesu aaya o Galileya nave aallalleya othenga waphaama wa Mulluku.

Mariko 1:21

Yesu ni oohudderaaye yaawa o etawoni ya Kaperenao nave niphiyalle nllapo na Sabata aavollowa mu enyumba yamavekello anaahuddiha.

Mariko 1:39

Vano aheeta mu Galileya mutthemwene, ollalleya mu enyumba ddamavekello* akhumihaka minepa ddoonanara.

Mariko 3:10

Vawi aanaachiriha athu anchichi sika athu oovoriiwa yaanakakhana wi ni alliwattho emuttannye.

Mariko 6:2

Niphiyalle nllapo na Sabata ahaamba ohuddiha mu enyumba yamavekello. Athu anchichi ayo yamwiiwella yaattikhina, ekoha wi, “Ahuddenre wuuwi ddeko ddittheddenenndda nave ezeru avahiweeyenndda tti dda mutundu tini? Nave aneera ddoottikhinihanndda mwawiidde?

Mariko 6:6

Aattikhina kaambiiwa athu a wenko kheyaari ni echikhulupililo. Vano aheeteeta m'mizi ddawaatamella anahuddiha.

Luka 10:9

Nave mwaachirihe oovoriiwa mu etawonimmo nave mwallote wa athwaayo wenko wi, ‘Omwene wa Mulluku wowaatamellani.’

Luka 13:10

Va nllapo na Sabata Yesu aanahuddiha mu enyumba yamavekello.

Luka 16:16

“Malamulo a Mose ni ehuddiho ya anamallotella ddaanapharihiwa mutteko ophiyera enthawi ya Yohane Oobatiza. Ovenyera vaavo othenga waphaama wa omwene wa Mulluku onnallalleyiwa nave athu attheene ennawatiheriwa wi evollowemo.

Luka 20:1

Nllapo nimodda Yesu aariiye mu enyumba ya Mulluku aahuddihaka athu ni ollalleya othenga waphaama, allupa mukutho uullupalli, ahuddihi a malamulo* ni attekweene a Ayuda* yaawa.

Luka 4:14

Yesu aahokollweella o Galileya nave masiva a Munepa Waweella yaari ni olliye. Epillaaye yaavuwa mu echigawo mutthemwene.

Luka 5:17

Nllapo nimodda Yesu ahuddiheeye, Afarisi* amodda ni ahuddihi a malamulo* oovenyera m'mapuroni a mu ezigawo dda Galileya, Yudeya ni muzinda wa Yerusalemu yaari vaavo. Nave Yesu aakhalla ni masiva a Apwiya wi aachirihe oovoriiwa.

Luka 6:17

Yesu akitthalleeye m'mwaangonimmo ni amurummwaayo, ahiimella muhito mwa mwaango ni mulloko muullupalli wa oohuddera. Mulloko muullupallittho wa athu oovenyera mu Yudeya mutthemwene ni o Yerusalemu ni mukhwipi mwa enyanja mmo mwaari mizinda dda Tiro ni Sidoni yaari vaavo.

Luka 6:6

Va nllapo na Sabata nimodda Yesu aavollowa mu enyumba yamavekello aahuddiha. Muthu a nnattanatta noorakalla aarittho mwemmo.

Luka 7:21

Enthawi yeeyo Yesu ahaachiriha athu anchichi oovoriiwa ereta ddoohiyanahiyana nave aakhumiha minepa ddoonanara nave aawooniha athu oohoona anchichi.

Luka 7:22

Yesu aawaakhulla oorumiwa a Yohane wi, “Hokollowani mwamulleelle Yohane dda ddeko mwiiwalleenyu ni moonilleenyu. Oohoona ennoona, ooheeta enneeta, athu amakate enneellihiwa, oohiiwa enniiwa, ookhwa ennavenyihiwa navettho othenga waphaama onnallalleyiwa wa athu oohoowa.

Luka 8:1

Vatulli viwa Yesu aheetella mu matawoni ni m'mizi, allalleyaka othenga waphaama wa omwene wa Mulluku. Oohudderaaye khumi ni eelli yaamuthwara,

Luka 9:11

Athu yiiwalliiwa ddenndda, yaamuthwara. Aawaakhella, allota dda omwene wa Mulluku nave ahaachiriha athu oovoriiwa.

Luka 9:60

Koma Yesu ahaakhulla wi, “Waahiye ookhwa yaavittheke ookhwa akhwiiwa. Koma khawe waallalleye dda omwene wa Mulluku.”

Yohane 18:20

Yesu ahaakhulla wi, “Mi kaanallota moohikhuwa wa arive muthu. Kaanaahuddiha wiilliwiilli ddittheddene mu enyumba ddamavekello* ni mu enyumba ya Mulluku nko watthukumana Ayuda attheene. Ngaallotillevo erive ello mookhuwa.

Yohane 6:59

Yesu aallotille ddenndda ahuddiheeye mu enyumba yamavekello o Kaperenao.

Yohane 7:1

Ddimallille nndda Yesu aheetella mu Galileya. Khaapanlle weetella mu Yudeya kaambiiwa attekweene a Ayuda* yapaalla omwiipha.

Mitteko 10:38

Munnadduwella dda Yesu a o Nazareti nave wi Mulluku aamuvaha olliye Munepa Waweella owaakattho masiva. Aaya orive weko, weera ddaphaama ni waachiriha attheene ayo yalamuliwa ni masiva a Satana vawi Mulluku aari ni olliye.

Mitteko 18:4

Nirive nllapo na Sabata aanakambirana ni Ayuda naarittho Agriki* mu enyumba ddamavekello* wi ekhulupilile.

Mitteko 20:25

“Kooweetellani attheenenyu, killalleyaka omwene wa Mulluku. Nave vano kinnadduwella wi khaavo a nyuwaano anaakoonettho.

Mitteko 28:31

Aallalleya dda omwene wa Mulluku nave ahuddiha dda Apwiya Yesu Khrisitu, aallota moottaphuwa ni moohikhalla ni yookatamiha.

Aroma 10:15

Nave othengooyo onaallalleyiwe mwawiidde athu ehirumiwe? Mawu a Mulluku eni, “Tti woohakallalliha owa wa oollalleya othenga waphaama”