Mateyu 4:16 - Mawu a Mulluku

¹⁶ athwaawo ayo yaari mwiipiphini, ahoona owala wunchichi. Athu ayo yaari munipuroni na muuthuuchi wa okhwa, owala wohaaphiyera.”

Mateyu 4:16 Iomraidhean Croise

Yobu 10:22

ellapo yeepiphi yoottikanesesa ni yanampallalla nko owala tti wonanko epiphi.

Yobu 3:5

Nikhalle nllapo na epiphi ni na muuthuuchi wawoopiha, nihuruwelliwe ni murapo woottikana, noopopihiwe ni erive ello yooripiha otthaana.

Yobu 34:22

Khawuri mahiiyu apaalle epiphi yoottikana nko enaaworiiwa wiipitthawo aweera ddoonanara.

Masalimo 44:19

Komave nyuwaano mooninyenya, moonihiya variyari va akhatwe muhakani ni onihuruwella ni epiphi yawoopiha.

Yesaya 9:1

Koma athu ayo eri mookhupanya khewattho etathilla murima. Mallapo akhalle Mulluku aavevulla ellapo ya Zebuloni ni ya Nafutali koma muhoollommu eneeroyitthattusa yoolemu echigawo ettheene ovenyera o Enyanja Yuullupalli ya wookhuma nndduwa ophiya o ekhopella ya muhinje wa Yordani, sika wi ellapo ya Galileya, ellapo ya athu a mitundu ddimodda.

Yesaya 9:2

Athu ayo yeeta mwiipiphini ahoona owala wunchichi. Ayo yakhalla mu epiphi yawoopiha owala wohaaphiyera.

Yeremiya 13:16

Atitimiheni Apwiya Mullukwaanyu, ehinamorihe epiphi wi mukwakwatuwe m'miyaangoni, ehinatthattuse owala nko mwatiyerellaanyu wi okhalle epiphi yoottikana.

Amosi 5:8

Ngamooneni oyo aphatusalle etheneeri dda Muhomekiwiiphe ni Ompoto khamuyaawo atthattusalle epiphi okhalla owala ni otthaana okhalla mahiiyu, anawiithana maaddi a mu enyanja ni owiithella mu ellapo yavatthi, nnddina naye tti Apwiya.

Mika 7:8

We mudanaaka, ohikittheye vawi naari kiikuhalle kineerovenyattho. Naari kiri mwiipiphini, Apwiya sika enaakhalle omolleella waka.

Luka 2:32

owala wawuupullulla opaalla wanyu wa athu oohimullapella Mulluku, ni ovelleella ntitimiho va athwaanyu Israele.”