Mateyu 4:10 - Mawu a Mulluku

¹⁰ Vano Yesu ahaakhulla wi, “Kivenyerevo, Satana! Mawu a Mulluku eni, ‘Waallapelleke Apwiya Mullukwaawo nave omurumeyelleke yooyove.’ ”

Mateyu 4:10 Iomraidhean Croise

1 Epilli 21:1

Vano Satana aapaalla waahoosa Aisraele, aamulleka Davide wi aweerenge Aisraele.

Yobu 1:12

Apwiya yaamwaakhulla Satana wi, “Eyaa, vano ddittheddene Yobu ariiyena kooddihiya m'mattani mwawo koma ohimuttannye olliye.” Sika Satana aavenyavo vamiitthoni va Apwiya.

Yobu 1:6

Nllapo nimodda anamwani aallopwana a Mulluku yaphiyalliiwa wi eddoonihelle vamiitthoni va Apwiya, nayeenettho Satana aaphiya variyari viwa.

Yobu 2:1

Vaakhalla nllapo nimodda mvo angelo a Mulluku yaphiyalliiwa wi eddoonihella vamiitthoni va Apwiya, nayeenettho Satana aaphiya variyari viwa.

Masalimo 109:6

Mutthoolleni muthu oonanara wi amuvaanyihe ookiwukilooyo, mmodda mwa adanaaye amuhumullulle.

Eksodo 23:25

Mwaallapelleke Apwiya Mullukwaanyu wi kuudaliseni vawuuvahani yoocha ni maaddi nave kineerewuuchirihani ereta ddittheddene.

Yesaya 30:22

Vaavo muneerokusa mafanwaanyu, mamodda oohuruwelliwa ni siliva nave amodda ni golide nave muneerewaatathilla wonanko ekattha voollotani wi, “Ddivenyevo ddenndda.”

Mateyu 16:23

Koma Yesu aamurukunuwella Petro allota wi, “Okivenyerevo, Satana! Weyaano tti oolepheliha muttekwaaka kaambiiwa maganizwaawo khenavenyera wa Mulluku koma wa athu.”

Mariko 1:13

Wenko akhanllewo mallapo 40, eesiwaka ni Satana. Nave Yesu aari variyari va enama ddawoopiha dda muchipululuni koma angelo yaamurumeyella.

Luka 10:18

Vano Yesu ahaalleella wi, “Kaamoona Satana amoraka wonanko ettari ovenyera oddullu.

Luka 11:18

Sika mulloko mmodda waawanaka ni mmodda mu omwene wa Satana, oyo ari Belezebulu, omwene yooyo onaavirellelle mwawiidde? Kinuulleellani ddenndda vawi munallota wi kinnakhumiha minepa ddoonanara ni masiva a Belezebulu.

Luka 13:16

Nave ollattho nayeene tti edduullu ya Abrahamu oyo amakiwe ni Satana wa miyakha 18. Vano ahittaphulliwe va nllapo na Sabata?”

Luka 22:3

Satana aavollowa mwa Yudasi, ooromolliwattho Isikariyoti, oyo aari mmodda a oohuddera khumi ni eelli.

Luka 22:31

“Simoni, Simoni, ngiiwa! Satana ooveka wi aweeseni attheenenyu, wonanko muthu anamuveetha tirigu omuhiyaniha ni madeya.

Luka 4:8

Yesu aamwaakhulla wi, “Mawu a Mulluku eni, ‘Waallapelleke Apwiya Mullukwaawo nave omurumeyelleke yooyove!’ ”

Yohane 13:27

Nave Yudasi amwaakhenlle buledoolle, Satana aavollowa mwa olliye. Vano Yesu aamulleella wi, “Yeeyo, onapaalleewe weera, erathi mwawaakuva.”

Mitteko 26:18

Onaphwanella wi oweerihe wi yooneke wi erukunuwe ovenyera wiipiphini ephiye mu owala navettho ovenyera mu masiva a Satana ophiyera mu masiva a Mulluku. Sika mwa echikhulupililwiiwa eneerokhululukelliwa machimo ni waakhella nipuro niwa variyari va athu a Mulluku.’

Mitteko 5:3

Petro aallota wi, “Ananiya kaambiiwa tini Satana addanlleeye m'murimani mwawo wi woottotthe Munepa Waweella voovukullani makobiri waakhenlleewe okullihalle emataawo?

1 Akorinto 5:5

Vano munamuvelleelle muthu yoolla wa Satana wi mitteko ddaye ddoochimwa ddoonongiwe vawi ddiidda munepaaye oneerovullusiwa va nllapo na Apwiya.

1 Akorinto 7:5

Muhikhootaneke koma vaavove mwiiwanane wi mweere ddiiddo va enthawi yooyeva wi mwiivelleelle wa Apwiya m'mavekelloni. Nave mweeddiiddo mukhallekettho nimodda wi Satana ahiweeseni ekaamba ya ohiihiiha wanyu.

2 Akorinto 11:14

Khaddihiyo ddoottikhiniha vawi naari Satana annaddeera wi ooneyeke wonanko mungelo oomoolleella!

2 Akorinto 12:7

Kaavahiwa yookatamiha mu omuthwaaka wi kihiinyarulleke ekaamba ya ddawuupullulla koonilleemi. Kinakhalla wonanko kinimuukuthiwa ni oorumiwa a Satana wi kihikoteke.

2 Akorinto 2:11

Neereke nndda wi Satana ahiphwanyellevo ekari vawi ninnadduwella misampha ddaye.

Deuteronomo 10:20

Muwooveke Apwiya Mullukwaanyu ni waallapella yaayove ni owummellella nave mullupelleke mu nnddina niwave. Mukhalleke oororomelleya vamiitthoni viwa nave mullupelleke mu nnddina niwave.

Yakobo 4:7

Sika vano mwiivelleelle wa Mulluku. Mullipaneke ni Satana nave aneerewuuthawani.

Yoswa 24:14

“Vano nyuwaano, mwaavahe olemu Apwiya nave mwaarumeyelleke mwawoona nave moororomelleya. Venyihani milluku nnddo makhollwaanyu yaddillapelliiwa okhopella wa mihinje wa Yufurate ni o Iguputo nave mwaarumeyelle Apwiya.

1 Petro 5:9

Muhitikheye mu echikhulupilwaanyu nave mumurapelleke kaambiiwa munnadduwella wi ookhulupilila akhwiinyu mu ellapo yavatthi ettheene ennoona ddoohoosa ddoophwanaphwana ni ddenndda.

1 Samuele 7:3

Vano Samuele ahaalleella Aisraele attheene wi, “Mwaapaallaka ohokollweella wa Apwiya ni murimaanyu muttheene, muvenyihe milluku ddeelleto ni dda Ashitaroti variyari vanyu. Murimaanyu muttheene okhalle va Apwiya ni waarumeyella alliwave. Mweeddiiddo eneerewuuvullusani wa Afilisti.”