Mateyu 3:8 - Mawu a Mulluku

⁸ Mweereke ddeko ddawooniha wi moorukunuwa murima wonanko muteekho onimma ezipaso ddaphaama.

Mateyu 3:8 Iomraidhean Croise

Yeremiya 26:13

Koma mwahiya machimwaanyu ni waamba wiiwellella mawu a Apwiya Mullukwaanyu eneerewuukhululukellani, kheyuullakani moollikana ni mmo yallotelliiwa.

Yeremiya 36:3

Apaalle nibanja na Yuda ttuuwiiwa dda ddawoopiha ddittheddene nnddo kinaamorihelleemi. Sika arive muthu aneerohiya makhallellwaaye oonanara. Vano kineerewaakhululukella ddoonanara ddiwa ni machimwiiwa.”

Mateyu 21:32

Vawi Yohane Oobatiza awa wa nyuwaano aawoonihani ettilla ya echilungamo yoopaalleya wi mukuse koma khamwaakhulupililalle koma ookhomiha misonkho ni atthiyana ooraruwa yaamukhulupilila. Koma naari nyuwaano moonilleenyu ddenndda khamwaarukunuwalle murima vatulli viwa wi mumukhulupilile.”

Luka 3:8

Mweereke ddeko ddawooniha wi moorukunuwa murima wonanko muteekho onimma ezipaso ddaphaama. Nave muhinallotaka weekhiinyu wi, ‘Abrahamu sika nikhollo nahu.’ Kinimuulleellani wi Mulluku ttuuwora otthattusa mallukwaalla okhalla edduullu dda Abrahamu.

Mitteko 26:20

Kaallalleya waambeella wa athu a o Damasiko, a o Yerusalemu ni a mu Yudeya mutthemwene owaakattho variyari va athu ayo ehiri Ayuda. Kaallalleya wi enaphwanella ehiye machimwiiwa nave erukunuwelle wa Mulluku ni weera ddeko ddawooniha wi aahiya machimo.

Aefeso 5:8

Khalle mwaari mwiipiphini koma vawi mootthattusiwa athu a Apwiya, muri mu owala. Sika munaphwanella mukhalleke wonanko athu a mu owala,

Aefeso 5:9

vawi owala sika oneeriha ddaphaama, echilungamo ni yawoona.

Afilipi 1:11

Nave makhallellwaanyu ekhalleke oolungama oweella mwa Yesu Khrisitu wi Mulluku atitimihiwe.