Mateyu 3:7 - Mawu a Mulluku

⁷ Vano Yohane awoonilleeye athu anchichi a mulloko wa Afarisi* ni wa Asaduki* ewaaka wi alliwattho ebatiziwe, ahallotella wi, “Nyu enowa! Ttaani uulleelleni wi muthawe ollaka wa Mulluku onawanko?

Mateyu 3:7 Iomraidhean Croise

Genesis 3:15

“Kineeroweeriha weyaano ni mutthiyana wi mwiitane nave vineerokhalla wiitana wunchichi variyari va edduullu ddawo ni edduullu dda mutthiyanooyo. Edduullu ddaye ddineeronyenya murwaawo nave weyaano eneerolluma etotopwa ya edduullu ddaye.”

Miyambo 28:4

Oyo ahiniiwellella malamulo annaatthamalla athu oonanara koma oosunga malamulo annakanganana.

Yesaya 59:5

Eziwembu ddiwa tti ddawoopiha wonanko mooche a evilli komattho tti oofooka wonanko randasi. Oyo anacha mooche a evilli annakhwa nave nattottholliwa nooche nimodda munnakhuma evilli.

Yeremiya 51:6

Arive muthu mwa nyuwaano athawe, avenyewo o Babiloni wi avulluse okumaaye. Muhiiphiwena nimodda aallakiwaka. Nna sika nllapo nno Apwiya enaallakiiwa ni waahokollosella ddoonanara wunchichi.

Yeremiya 6:10

Kahaakhulla wi, “Ethiyo killote ni aani nave kimuchenjeza aani wi iiwe? Maarwiiwa aatiyelleya, khewora wiiwa. Ennaavevulla wunchichi mawu a Apwiya nave khenaapwatha naari vang'ono.

Mateyu 12:24

Koma Afarisi yiiwalliiwa nndda, yaallota wi, “Tti Belezebulu,* muullupalli a minepa ddoonanara, anamuvaha Yesu masiva ookhumiha minepa ddoonanara.”

Mateyu 12:34

Nyu enowa! Munaawore mwawiidde ollota ddaphaama muri oonanara? Vawi eyano enallota nnddo ddiddanlle m'murimani.

Mateyu 15:12

Vano oohudderaalle yaawa wa olliye ellota wi, “Munnadduwella wi Afarisaalle yaasha murima ni nnddo mwaallotilleenyu?”

Mateyu 16:1

Afarisi* amodda ni Asaduki* amodda yaawa wa Yesu. Yapaalla omweesa, sika yaamuveka echizindikiro yoovenyera oddullu yawooniha wi Mulluku sika amurumihalle.

Mateyu 16:6

Yesu aallota wa alliwaayo wi, “Muchenjere ni owehera dda yisiti a Afarisi ni Asaduki.”

Mateyu 22:15

Afarisi* yaarowa yiiwanana wi emphwanyelle mullatu Yesu ni nnddo anaalloteeye.

Mateyu 22:23

Nllapo nenno Asaduki* amodda ayo ehinakhulupilila wi ookhwa ttuuvenya, yaawa wa Yesu ellota wi,

Mateyu 22:34

Afarisi yiiwalliiwa wi Yesu ahaamaalliha Asaduki, yaamutthukumanella,

Mateyu 23:33

“Nyu enowa nave anamwani a enowa! Munaathawe mwawiidde ollaka waye wa gehena?

Mateyu 5:20

Kaambiiwa kinimuulleellani wi, munaavollowe mu omwene wa Mulluku mwalungama wunchichi waakhwaranya ahuddihi a malamulo* ni Afarisi* vaweerani nnddo anapaalla Mulluku.

Mariko 12:13

Afarisi* amodda ni athu a mulloko wa Herode* yaarumiwa wa Yesu wi yamuphwanyelle mullatu voomukohani ddoomuwaka muwano.

Mariko 12:18

Asaduki* amodda, ayo ehinakhulupilila wi ookhwa ttuuvenya, yaawa wa Yesu ellota wi,

Mariko 8:15

Yesu aallota wa alliwaayo wi, “Muchenjere wunchichi ni yisiti a Afarisi ni a Herode.”*

Luka 16:14

Afarisi* yiiwalliiwa ddenndda, yaanyindulla eyano ddiwa wa Yesu vawi alliwaayo yaari ookonda makobiri.

Luka 18:11

“Mufarisooyo ahiimella vayeekhaaye avekella wi, ‘Mulluku kinimuuthokozani vawi ngiri wonanko athu amoddaalla ayo eri a nrima, oohikhalla ni echilungamo, ooraruwa apaalle wonanko ookhomiha musonkhoolla.

Luka 7:30

Koma Afarisi* ni ahuddihi a malamulo* kheyawakhullenlle ddoopaalla dda Mulluku vookhootani obatiziwa ni Yohane.)

Yohane 1:24

Nave athwaayo yarumiwe ni Afarisi.*

Yohane 8:44

Nyuwaano tti anamwani a attiitthaanyu, Satana nave munapaalla weera minkhella dda attiitthaanyu. Yooyo aari mullupa awiipha ovenyera vawaamba nave khaari mwa yawoona kaambiiwa mwa yooyo kheyaamo yawoona. Analloteeye ddawoottha, anallota ovenyera m'murimani mwaye kaambiiwa tti awoottha ni attiitthiiwa a awoottha attheene.

Yohane 9:40

Afarisi amodda yamwaatamenlle yaamwiiwa alloteeye ddenndda nave yaamukoha wi, “Hittho khaninoona?”

Mitteko 15:5

Nave ookhulupilila amodda ayo yaari a mulloko wa Afarisi* yahiimella ellota wi, “Athu ayo ehiri Ayuda enaphwanella wi ephaddiwe navettho elamuliwe wi ethwareke malamulo a Mose.”

Mitteko 20:31

Chenjerani vano nave upuwellani wi, wa miyakha miraru otthaana ni mahiiyu mwa omora miitthori ngaahiyalle wuuhuddihani arive muthu a nyuwaano.

Mitteko 26:5

Yakidduwenlle waambeella khalle, sika yaapaallaka ovelleella omboni ellote wi okumaaka otthewene kaari Mufarisi,* mmodda a mulloko oyo onathwara malamulo a Mose ohiyana ni orive mulloko oyo onamullapella Mulluku.

Mitteko 5:17

Vano mullupa mukutho muullupalli ni akhwaaye, ayo yaari a mulloko wa Asaduki,* yahaakhallella ehache amurummwaayo, sika yaapaalla oweerella ello.

Aroma 1:18

Ovenyera oddullu Mulluku ohuupullulla osha murima waye va ddoonanara ni ddoochimwa ddittheddene dda athu. Ddoonanara ddiwannddo ddinneeriha wi yawoona ehooneye.

Aroma 5:9

Vawi noolungamihiwa ni Mulluku ekaamba ya nikhame na Yesu, vano yookatamiha ttiivi ovullusiwa o osha murima wa Mulluku.

1 Atesalonika 1:10

ni mmo munamutiyerelleenyu Mwanaye wi awe ovenyera oddullu. Mwaana yooyo tti Yesu oyo aamuvenyihalleeye wa ookhwa ni oyo anaanivulluse o osha murima wa Mulluku onawanko.

Aheberi 11:7

Ekaamba ya echikhulupililo, Mulluku aamuchenjeza Nowa dda ddeko ddamuhoollo nnddo ddaari ddihinooneye. Ahiiwellella nave aamaka ekallawa wi aavullusellemo athu attheene a mu nibanja naye. Sika ahaavaanyiha athu a ellapo yavatthi wi tti oochimwa nave ahaakhella echilungamo yoovenyera o echikhulupililo.

Aheberi 6:18

Mwawi ddiidda vookhalla ddeko piilli nndda, ollupella ni olonjeza. Khaddisinthiwa nave ddinnooniha wi Mulluku khoottha. Sika wa hiyaano nathawenlle wa olliye naaphwanya ollipihiwa murima wuullupalli wi niphare moollipa etiyerello eyo ninaakhelleehu muhoollo.

1 Yohane 3:10

Nngu sika ohiyana wa anamwani a Mulluku ni anamwani a Satana, attheene ehineera echilungamo apaalle ehinaakonda amodda khe anamwani a Mulluku.