Mateyu 3:6 - Mawu a Mulluku

⁶ Yaalapa machimwiiwa nave ahaabatiza athwaayo mu Yordani.

Mateyu 3:6 Iomraidhean Croise

Ezara 10:1

Ezara avekelleeye ni owulula machimo inllaka ni wuupuruwa vahoollo va enyumba ya Mulluku, mutthukumano muullupalli wa Aisraele, allopwana, atthiyana ni anamwani waawa wa olliye otte wa Israele nave yahinlla wunchichi.

Masalimo 32:5

Koma kaawulula machimwaaka, ngaavitthalle onanara waka. Kaallota wi, “Kineerowulula machimwaaka wa Apwiya,” vaavo mwaakhululuka mullatwaaka.

Miyambo 28:13

Muthu oovittha machimwaaye khakhalla ni ekari koma oowaakhullella ni waahiya aneereweerelliwa echifundo.

Ezekiele 36:25

Kineerewuumiddani maaddi aphaama wi mweelle o ddittheddene ddawuuripihani. Navettho kineeroweellihani voovenyihani mafanwaanyu mattheene.

Daniele 9:4

Kaavekella wa Apwiya Mullukwaaka, waakhullella machimo wi, “Nyu Apwiya Mulluku muullupalli ni awoopiha, munnasunga echipanganwaanyu ni echikondaanyu yoohisintheya wa athu ayo enuukondani ni othwara malamulwaanyu.

Levitiko 16:21

Vano Aroni atthinddaanyere mattaaye va muru va epureeyo nave aawululelle va epureeyo oripihiwa wa Aisraele, ohiiwellella wiwa nave machimwiiwa mattheene. Machimwaayo aahiye va muru va epureeyo nave muthu yamutthonlliiwa evallallella ayiikarihelle epureeyo ochipululuni.

Levitiko 26:40

“Vano edduullu ddanyu ddineerowulula machimwiiwa ni machimo a makhollwiiwa ekaamba ya ohiroromelleya wiwa nko yakillekilliiwana navettho ekaamba ya weeta moovaanyihana ni miyaano.

Numeri 5:7

Awulule nichimo nno eerilleeye. Ahokollose ddittheddene oonongilleeye nave oonjerere emodda mwa ezigawo dditthanu dda mutengwiiwa nave amwinnye oyo amulakwenlleeye.

Mateyu 3:11

“Kinuubatizani ni maaddi wooniha wi moorukunuwa murima koma oyo anaawe mutulli mwaka tti muullupalli ookikhwaranya miyaano. Ngiphwanenlle naari otukhulla esapato ddaye. Yoolla aneerewuubatizani ni Munepa Waweella ni munllo.

Mariko 1:5

Athu attheene oovenyera o echigawo ya Yudeya ni muzinda wa Yerusalemu yaakhuma wi emwiiwe Yohane. Yaalapa machimwiiwa nave ahaabatiza athwaayo mu Yordani.

Luka 1:16

Aneerorukunusa mirima dda Aisraele anchichi wi ehokollweelle wa Apwiya Mullukwiiwa.

Luka 3:16

Sika Yohane ahaalleella attheenaayo wi, “Kinuubatizani ni maaddi koma animawa mmodda muullupalli ookikhwaranya miyaano. Ngiphwanenlle naari ottaphulla mikwe dda esapato ddaye. Olliyooyo aneerewuubatizani ni Munepa Waweella ni munllo.

Mitteko 1:5

Vallethi Yohane aabatiza ni maaddi koma vihinavire mallapo manchichi muneerobatiziwa ni Munepa Waweella.”

Mitteko 11:16

Vano kahuupuwella ddallotille Apwiya wi, ‘Yohane aabatiza ni maaddi koma nyuwaano muneerobatiziwa ni Munepa Waweella.’

Mitteko 19:18

Ookhulupilila anchichi yaawa vamiitthoni va athu yaakhullellaka ni olapa machimo yeerilliiwa.

Mitteko 22:16

Nave vano, onaselliwella tini? Venya nave obatiziwe ni ohapihiwa wi machimwaawo evenyihiwe voovekellani wa Apwiya.’ ”

1 Akorinto 10:2

Nngu waari wonanko obatiziwa m'muraponimmo ni mu enyanjammo wi ekhalle oomuthwara Mose.

Akolose 2:12

Vawi mwabatiziweenyu, mwaavitthiwa vamodda ni Khrisitu nave mu obatizo mwaavenyihiwattho ni Khrisitu oweella mu echikhulupilwaanyu mu masiva a Mulluku, oyo amuvenyihalle wa ookhwa.

Aheberi 6:2

dda ehuddiho ya maubatizo, dda wiiyaatthi matta, dda ovenya wa ookhwa ni dda echiweruzo yoohimalla.

Aheberi 9:10

Vawi ddeko ddenndda ddinallota dda ddoocha, ddoowirya ni ehakallallo ddaweelliha ddoohiyanahiyana. Attheenaalla tti malamulo ayo erivo otiyera enthawi eyo Mulluku anaakeraatthiheeye malamulo anaanweene.

Yakobo 5:16

Sika vano muwululellaneke machimwaanyu nave muvekellaneke wi muchirihiwe. Nivekello na muthu oolungama ninnakhalla namasiva nave ninnaphara mutteko.

Yoswa 7:19

Vano Yoswa aamulleella Akani wi, “We mwanaka, atitimihe Apwiya Mulluku a Aisraele nave waavahe olemu. Killeelle naanweene vaava nnddo weerilleewe. Ohivitthe wa miyaano.”

1 Petro 3:21

Maaddaayo yaari echizindikiro ya obatizo oyo onuuvullusani vano. Obatizo khe ovenyiha nihiryo na vamwiillini koma echipangano ni Mulluku ovenyera va yawuupusella murima yaphaama ekaamba yawi Yesu Khrisitu aavenyihiwa wa okhwa.

1 Yohane 1:9

Koma naalapa machimwaahu wa Mulluku, olliye tti oororomelleya ni oolungama vookhululukellani machimwaahu ni vooneellihani o ddaweera ddahu ddoonanara ddittheddene.