Mateyu 3:2 - Mawu a Mulluku

² Allalleya wi, “Rukunuwani murima kaambiiwa omwene wa Mulluku wohaatamella!”

Mateyu 3:2 Iomraidhean Croise

1 Mamwene 8:47

Vano eri wuukaporoninko yaadduwella ochimwa wiwa erukunuwa murima ni oveka wa nyuwaano mwawiiyeviha mu ellapo ya athu ayo yaaphanre okaporo, voollotani wi, ‘Noochimwa, noohollowa, noheera ddoonanara.’

Yobu 39:12

Ethiyo ttuuroromella wi olliye ttuutthukumanihella mmiddwaawo vanipuroni nawo nawuuputhella?

Yobu 42:6

Sika kohiinyaambusa meekha, kinalapa vawiihellani nthupi ni ntuura.’ ”

Ezekiele 33:11

Waalleelle wi mi Apwiya Mulluku kinallota wi kinimallupella vaka wi nginahakallalla ni okhwa wa muthu oonanara akhwaka. Ddeerokiddivella oochimooyo ahiyalleke makhallellwaaye wi ekhalle ni okumi. Nyu Aisraele munakhwella tini? Rukunuwani, muhiye ettilla ddanyu ddoonanara.

Daniele 2:44

Va enthawi ya moomwenaayo, Mulluku ooddullu aneerokeraatthiha omwene woohoonongiwa. Oneerewaaphwinya ni waatthollosa moomwene mamodda mattheene nave omwenooyo weekhiiwa oneerokhalla wa enthawi yoohimalla.

Mateyu 10:7

Khaweni mwallalleye wi, ‘Omwene wa Mulluku wohaatamella!’

Mateyu 11:20

Athu a m'matawoni mmo Yesu eereeye ddoottikhiniha ddinchichi yaari oohirukunuwa murima, sika ahaamba waahumullulla.

Mateyu 12:41

Va nllapo na echiweruzo athu a Nineve eneerovenya vamodda ni athu a mbadoolla. Athu a o Ninevaayo eneerewaavaanyiha athu a mbadoolla kaambiiwa alliwa yaarukunuwa murima yiiwalliiwa ollalleya wa Yona. Vano kinimuulleellani wi vookhalla mmodda vaava muullupalli oomukhwaranya Yona.

Mateyu 13:11

Nave ahaakhulla wi, “Wa nyuwaano woovahiwa odduwella ddookhuweya dda omwene wa Mulluku koma wa alliwaayo khonavahiwe.

Mateyu 13:24

Yesu ahaalleella niphwanaphwaniho nimodda. Aallota wi, “Omwene wa Mulluku tti wonanko mwaneena a nibanja oyo aamiddalle mmiddo waphaama m'matani mwaye.

Mateyu 13:31

Yesu ahaalleella niphwanaphwaniho nimodda wi, “Omwene wa Mulluku tti wonanko mmiddo wa muteekho wa masitadi oyo muthu awumiddalleeye m'matani mwaye.

Mateyu 13:33

Yesu ahaalleellattho niphwanaphwaniho nimodda wi, “Omwene wa Mulluku tti wonanko yisiti oyo mutthiyana aamuttakanyihereeye ni othu wa tirigu munchichi ophiyera waafufuma muttheene.”

Mateyu 13:47

“Omwene wa Mulluku orittho wonanko nthavi nno navokhiwe mu enyanja ni ophara ehomba dda mitundu ddittheddene.

Mateyu 13:52

Vano Yesu ahaalleella wi, “Sika arive muhuddihi a malamulo* oyo anakhalla oohuddera a omwene wa Mulluku ari wonanko mwaneena a nibanja oyo anakhumiha ddeko ddanaanweene ni ddakhalle mu enyumba yoosungellamo.”

Mateyu 18:23

Sika omwene wa Mulluku tti wonanko niphwanaphwaniho nna. Vaakhalla mwene mmodda oyo apaallille wi eerengelle ekongoli dda allupa muttekwaaye.

Mateyu 20:1

“Omwene wa Mulluku tti wonanko niphwanaphwaniho nna. Waakhalla mwaneena a emata oyo akhumalle ohinase wi aalembe allupa mutteko oollima emataaye ya ezipaso ddampesa.

Mateyu 22:2

“Omwene wa Mulluku tti wonanko niphwanaphwaniho nna. Waakhalla mwene mmodda oyo amukhozenre mwanaye aamullopwana machellello a okwati.

Mateyu 23:13

“Nyu, awoottha, ahuddihi a malamulo ni Afarisi, mookhalla ni otulli! Munnawalla nchiwi na omwene wa Mulluku wi athu ehivollowemo. Nyuwaano khamunavollowamo nave munnahiiha ayo enapaalla ovollowa!”

Mateyu 25:1

“Va enthawi yeeyo omwene wa Mulluku onaakhalle wonanko ddiidda: Waakhalla anamwalli khumi ayo yakusalle enyali ddiwa dda makhura eya wookumana ni ootthella.

Mateyu 25:14

“Va enthawi yeeyo omwene wa Mulluku onaakhalle wawi ddiidda: Waakhalla muthu mmodda aahanlle vang'ono otimulla va olendo. Aawiithana allupa muttekwaaye aahiyera eyuumaaye wi ewehereke.

Mateyu 4:17

Ovenyera enthawi yeeyo Yesu ahaamba ollalleya othengaaye wi, “Rukunuwani murima kaambiiwa omwene wa Mulluku wohaatamella!”

Mateyu 4:23

Yesu aheeteeta mu Galileya mutthemwene ahuddihaka mu enyumba ddamavekello* ni ollalleya othenga waphaama wa omwene navettho waachiriha athu oovoriiwa ereta ddittheddene ni ddoovoreya ddittheddene.

Mateyu 5:10

Oodalisiwa tti ayo enahoosiwa ekaamba yaweera echilungamo, vawi ennahakallalla ni madaliso a omwene wa Mulluku!

Mateyu 5:3

“Oodalisiwa tti ayo eri oohoowa m'munepani, vawi ennahakallalla ni madaliso a omwene wa Mulluku!

Mateyu 6:10

omwenaanyu owe, opaalla wanyu weeriwe, vatthimva wonanko ooddullu.

Mateyu 6:33

Koma yawaamba mwaashaasheke omwene wa Mulluku ni echilungamwaaye nave aneerewuuvahani ddeko ddittheddenenndda.

Mariko 1:15

Olliye aallota wi, “Enthawi yookwakhwanihiwa nave omwene wa Mulluku wohaatamella. Rukunuwani murima nave mukhulupilile othenga waphaama!”

Mariko 1:4

Sika Yohane ahooneya ochipululuni, abatizaka nave allalleyaka wi, “Rukunuwani murima, mubatiziwe wi Mulluku uukhululukelleni machimwaanyu”

Mariko 6:12

Sika yaaya yallalleyaka wi athu erukunuwe mirima.

Luka 1:16

Aneerorukunusa mirima dda Aisraele anchichi wi ehokollweelle wa Apwiya Mullukwiiwa.

Luka 11:20

Koma kaakhumihaka minepa ddoonanara ni masiva a Mulluku ddinnooniha wi omwene wa Mulluku woowa khalle wa nyuwaano.

Luka 13:3

Iyaayi koma kinimuulleellani wi mwaahirukunuwa murima nanyeenettho muneerokhwa wonanko yaayo.

Luka 13:5

Iyaayi koma kinimuulleellani wi mwaahirukunuwa murima nanyeenettho muneerokhwa wonanko yaayo.”

Luka 15:10

Sika, kinimuulleellani wi, emoddamoddave yeeyo angelo a Mulluku ennahakallalla kaambiiwa muthu oochimwa mmodda oorukunuwa murima.”

Luka 15:7

Sika kinimuulleellani wi, emoddamoddave yeeyo oddullu oneerokhalla ehakallallo ekaamba ya muthu oochimwa mmodda arukunuwa murima ohiyana ni athu 99 ayo enaganiza wi tti oolungama nave khenapaalla orukunuwa murima.

Luka 16:30

Muthu a eyuumoolle aamwaakhullattho wi, ‘Khe ddookwakhwana koma mmodda oovenyera wa ookhwa aayiillekewo yaaweerorukunuwa murima.’

Luka 21:31

Emoddamoddave yeeyo nyuwaano mwawa moona ddenndda dduwellani wi omwene wa Mulluku wohaatamella.

Luka 24:47

Nave mu nnddina naye ollalleyiwe othenga woorukunusa murima ni okhululukiwa wa machimo wa athu attheene, waambeella mu Yerusalemu.

Luka 6:20

Yesu ahaaweha oohudderaaye nave allota wi, “Oodalisiwa tti nyuwaano muri oohoowa, vawi munnahakallalla ni madaliso a omwene wa Mulluku.

Luka 9:2

Nave ahaarumiha wi yallalleye dda omwene wa Mulluku ni waachiriha oovoriiwa.

Mitteko 11:18

Yiiwalliiwa yeella, yaahiya omuhumullulla wulle nave yaamutitimiha Mulluku, ellota wi, “Vano Mulluku ohaavaha athu ayo ehiri Ayuda ekari yawi ehiye machimo nave ekhalle ni okumi woohimalla!”

Mitteko 17:30

Mulluku khalle ahaahiya athu oohaallaka vawi kheyaamudduwella koma vano annaalamulella athu attheene orive weko wi erukunuwe murima.

Mitteko 2:38

Nave Petro aallota wi, “Arive muthu a nyuwaano arukunuwe murima nave abatiziwe mu nnddina na Yesu Khrisitu wi machimwaaye ekhululukiwe nave aneerewaakhella emphaso ya Mulluku, Munepa Waweella.

Mitteko 20:21

Wa Ayuda ni athu ayo ehiri Ayuda kahaachenjeza wi erukunuwe murima ewe wa Mulluku nave ekhulupilile mwa Apwiihu Yesu.

Mitteko 26:20

Kaallalleya waambeella wa athu a o Damasiko, a o Yerusalemu ni a mu Yudeya mutthemwene owaakattho variyari va athu ayo ehiri Ayuda. Kaallalleya wi enaphwanella ehiye machimwiiwa nave erukunuwelle wa Mulluku ni weera ddeko ddawooniha wi aahiya machimo.

Mitteko 3:19

Sika rukunuwani murima nave muwe wa Mulluku wi uukhululukelleni machimwaanyu

2 Akorinto 7:10

Vawi ovoriiwa murima woovenyera wa Mulluku onnarukunusa murima wi ovullusiwe nave khaavo muthu anaakhalle ni ethakaraka ni ovoriiwa murima wenko. Koma ovoriiwa murima woovenyera wa athu onnawaana okhwa.

Akolose 1:13

Aanaakiha ovenyera o masiva a epiphi nave anikusella mu omwene wa Mwanaye ookondiwa.

2 Timoteo 2:25

owaalangiza oovaanyihanana mwawiithaalla vawi apaalle Mulluku ttuuwaavaha ekari yawi erukunuwe murima wi edduwelle yawoona,

Aheberi 6:1

Vano hankoni nivirellelle ni mahuddero awooniha owaraalla. Noonjerere mahuddero mamodda vaddullu va mahuddero awaamba a dda Khrisitu. Nihikeraattheyettho va ddawaamba nnddo ddiri matthipello awi orukunuwe murima ohiya mitteko ddoohivaha okumi woohimalla, dda waamba omukhulupilila Mulluku,

2 Petro 3:9

Apwiya khenaselliwa weera nnddo yalonjezilliiwa, wonanko mmo amodda enaganizeriiwa. Koma ennuuvillellani kaambiiwa khenapaalla wi arive muthu oonongiwe koma enapaalla wi attheene erukunuwe murima.

Yawuupullulla 2:21

Koomuvaha enthawi yawi arukunuwe murima koma khanapaalla ohiya oraruwa waye.

Yawuupullulla 2:5

Upuwellani nko mumorelleenyuwo. Rukunuwani murima nave mweereke mweereenyu vawaamba valle. Mwaahirukunuwa murima kineeroowa kivenyihevo yoohiyavo enyaalaanyu vanipuroni viwa.