Mateyu 3:10 - Mawu a Mulluku

¹⁰ Kottokwa ari khalle vatthi va orive muteekho wi yuuhe woohimma ezipaso ddaphaama wi ovokhelliwe viikho.

Mateyu 3:10 Iomraidhean Croise

2 Samuele 23:7

Koma ennaddikakatha ni nsupada enaddihella munllo.”

Masalimo 1:3

Muthooyo ari wonanko muteekho, wowaalliwa mukhwipi mwa muhinje, wowimma mu enthawi yaphaama, oyo makatthiiwa ehinanyaalla. Ddaweera ddaye ddittheddene ddinnamweetella phaama.

Masalimo 140:10

Mankhalla amunllo yaamorelle, evokhelliwe m'mallitini oowallamella, ehikhumemottho.

Masalimo 92:12

Athu oolungama eneerophuwa wonanko mikwarangwa, eneerewunnuwa wonanko mikunguza dda o Lebanoni.

Yesaya 27:11

Enthambi dda miteekho ddumma ennaddikotholla nave atthiyana ennadditota wi ddikhalle ekhuni. Athu yaalla tti oohiiwesesa. Sika oyo aaphatusalle khaamoriwella ethakaraka nave oyo aapangille khaweerella echifundo.

Yesaya 61:3

kaamaallihe ayo eninlla o Ziyoni, wi kiwinnye enduwira yeehakallallo munipuroni mwa ntuura neethakaraka, wi kiwinnye makhura eehakallallo munipuroni mwa winlla, wi kiwinnye yoowara yeehakallallo munipuroni mwa otathilla murima. Sika eneereweeriwa miteekho ddamasiva ddeechilungamo ddawaalliwa ni Apwiya wi mwaneeniiwa yaakhelle ntitimiho.

Yeremiya 17:8

Ari wonanko muteekho wawaalliwa mukhwipi mwa muhinje, woorapa misisi ddiwa museresere mwa maaddi. Khonoova enthawi yooviha ekaamba yawi makukhwiiwa khenanyaalla. Va enthawi yoorama murimu khonakhupanya, khonahiya wimma ezipaso.”

Daniele 4:14

Yaakhuwa wi, “Uhani muteekhooyo ni ophadda enthambi ddiwa! Vakaresani makukhwiiwa ni opwaramwasa ezipaso ddiwa. Enama ddamuhakani ddithawe vamuuthuuchini viwa nave epallame va enthambi ddiwa.

Malaki 4:1

Apwiya Amasiva Mattheene enallota wi, “Ngoonani, nllapo ninimawa mvo athu awiitukhulla ni oonanara enaashellelliiwa wonanko mittatthi. Nllapo nenno eneeroshellella oohihallavo ello.

Mateyu 21:19

Ahoona muteekho wanamukuyu mukhwipi mwa musewu aya vaavo koma khaaphwanyillevo ezipaso koma makukhuve. Vano aallota wa muteekhooyo wi, “Khawimmattho ezipaso mallapo mattheene!” Enthawi yeeyo muteekho wanamukuyooyo wahumma.

Mateyu 7:19

Vano orive muteekho woohimma ezipaso ddaphaama, oneerewuuhiwa navettho oneerovokhiwa viikho.

Luka 23:31

Ddeko wonanko ddenndda ddineereye wa muteekho ori mukitthi, onaakhalle wawiidde wumma?”

Luka 3:9

Kottokwa ari khalle vatthi va orive muteekho wi yuuhe woohimma ezipaso ddaphaama wi ovokhelliwe viikho.”

Yohane 15:2

Alliwa ennuuha erive enthambi ya miyaano ehinimma ezipaso nave ennaphaddera erive enthambi eyo eniimma ezipaso wi yimme ezipaso ddawaata.

Yohane 15:6

Muthu aahikhalla mwa miyaano annavokhiwa vaatte wonanko enthambi yawumma. Nave enthambi ddennddo ddinnatthukumanihiwa ddivokhelliwa vamunlloni ddisha.

Aheberi 12:25

Chenjerani vano wi muhikhoote omwiiwellella oyo anallota ni nyuwaano. Athu ayo yakhootille omwiiwellellaalle oyo aachenjezilleeye vatthi vaava kheyaavulluwalle. Hiyaano ninaavulluwe mwawiidde nakhoota omwiiwellella oyo anallota ovenyera oddullu.

Aheberi 6:8

Koma yamella kakande ni miiwa enakhalla yoohikhalla ni mutteko sika Mulluku ari vakhuviru oyitembelela ni oyihella munllo.