Mateyu 28:9 - Mawu a Mulluku

⁹ Moorurumusa Yesu aakumana ni alliwaayo aavaha mooni. Vano alliwa yaawa emphara manyallwaaye moomullapella.

Mateyu 28:9 Iomraidhean Croise

Yesaya 64:5

Munnawaakhella attheene ookonda echilungamo, aweeseesa weeta moollikana ni opaalla wanyu. Ddawoona, mwaanishella murima komave hiyaano naavirellella ochimwa. Noochimwa wa enthawi yoorekama. Ethiyo vano ninoopolliwe mwawiidde?

Mateyu 14:33

Vano oohuddera ayo yaari mukallawani mulle yaamullapella Yesu, ellota wi, “Ddawoona, kinimuulleellani wi nyuwaano tti Mwaana a Mulluku!”

Mateyu 23:7

Navettho ennakonda ovahiwa mooni moolemu m'misikani ni wi eromolliweke ‘Ahuddihi.’

Mateyu 28:10

Vano Yesu aallota wa yaayo wi, “Muhoove, khaweni mwaalleelle oohudderaaka wi eye o Galileya nave eneerokoona miyaano wenko.”

Mateyu 28:17

Yamoonilliiwa yaamullapella koma amodda yaanakaika.

Mateyu 28:8

Sika yaavenyavo vanihamenimvo mwawaakuva mwawoova ni moohakallalla wuullupalli nave ethamakella waalleella oohudderaaye.

Luka 1:28

Mungeloolle aawa wa Mariya allota wi, “Mooni! Apwiya aaweerella echifundo nave eri ni weyaano!”

Luka 24:52

Yaamullapella, ehokollweella o Yerusalemu, ehakallallaka wunchichi.

Luka 7:38

Nave ahiimella vakhuviru ni manyallo a Yesu, aninlla nave aamba onaaniha manyallo a Yesu ni miitthori. Vano aapukuta manyallwaayo ni meehaaye nave ooniha olemu vookhupaarellani manyallwaayo nave aazoza makhura a nthuko naphaama.

Yohane 12:3

Vano Mariya aakusa makhura a nthuko naphaama oowallamella mutengo oopangiwa ovenyera o ddoomella ddooromolliwa narido ookwakhwana hafu lita. Aazoza manyallo a Yesu ni waapukuta ni meehaaye. Nthuko nawunkhella na makhura yaayo naaddalla mpa mutthemwene.

Yohane 20:19

Misikuwa a nllapo nenno, Nllapo Namulungu, oohudderaalle yaatthukumana vamodda. Yaawalla machiwi kaambiiwa yawoova Ayuda. Vano Yesu aawa iimella variyari viwa allota wi, “Murendelle okhalle ni nyuwaano.”

Yohane 20:28

Tomasi ahaakhulla wi, “Apwiyaaka ni Mullukwaaka!”

2 Akorinto 13:11

Asinnaka ni arokoraka, hallani phaama! Mullipihelleke okhalla aphaama wunchichi, mwiiwellelleke nnddo kinuuvekeemini, mwiiwananeke mmodda ni mukhwaaye, mukhalleke m'murendelleni. Vano Mulluku a echikondi ni murendelle aneerokhalla ni nyuwaano.

Yawuupullulla 3:9

Athu ayo eri a mulloko wa Satana, athu awoottha ayo enallota wi tti Ayuda ehiri yaayo, kineerowaana wi yuukokhorelleni. Attheenaayo eneerodduwella wi kinnuukondani.