Mateyu 28:2 - Mawu a Mulluku

² Moorurumusa waakhalla echivomerezi yuullupalli vawi mungelo a Apwiya aakittha ovenyera oddullu aphiya o mahame wulle aphikirisa nllukunne akeraatthi vaddullu vaye.

Mateyu 28:2 Iomraidhean Croise

Mateyu 27:60

Aawuvittha mu mahamaaye anaanweene oosemiwa vanllukuni. Aaphikirisella nlluku nuullupalli omullakoni wa mahamaayo nave aavenyavo.

Mateyu 27:66

Sika yaayo yaayaawo yallipiha owalla nihamenno, ehiyavo echizindikiro vanllukunimvo. Yeerille ddiiddo yahaahiyavo oowehera.

Yohane 20:1

Ohinase wa Nllapo Namulungu, epiphi ehinamalle, Mariya Magadalena aawa o mahame nave ahoona wi nlluku naavenyihiwavo vamullakoni valle.

Mitteko 16:26

Moorurumusa waakhalla otikheya wa ethaya wuullupalli nko weerihallettho wi enyumba ettheene ya endendeeyo etikheye ovenyera vamatthipelloni. Enthawi yeeyo machiwi mattheene yaahulleya navettho onyolo yamakelliwe athu a mundendaalle waattaphuwa.

Mitteko 5:19

Koma mahiiyu yaayo mungelo a Apwiya aahulla millako dda ondendenko, aakhumiha amurummwaayo, aalleella wi,

1 Timoteo 3:16

Ndithu, ella tti yoovittheya yawoona yuullupalli ya echikhulupililwaahu yawi, “Yooyo ahuupullulliwa mu mwiilli wa muthu, Munepa aamweerella omboni wi olliye tti awoona. Nave ahooniwa ni angelo. Aallalleyiwa mwa athu a mitundu ddittheddene, aakhulupililiwa mu ellapo yavatthi ettheene, nave aawellihiwa oddullu mu ntitimiho.”

1 Petro 1:12

Mulluku ahuupullulla wa anamallotella yaalla wi muttekwiiwa khawaari wawi epindulevo weekhiiwa koma nyuwaano. Vawi yaallota dda ddeko ddennddo mwiiwalleenyu vano ovenyera wa murummwa ayo yavuwihalle othenga waphaama ni masiva a Munepa Waweella woorumihiwa ovenyera oddullu. Nndda tti ddeko ddawi naari angelo yaapaalla wiiwesesa.

Yawuupullulla 11:19

Vano enyumba ya Mulluku yooddullu yaahulliwa nave nibokosi na echipangano nahooneya. Nave vaakhalla ettari, ogugudeya wa murimu ni echivomerezi navettho marallalla muullupalli.