Mateyu 27:53 - Mawu a Mulluku

⁵³ Yaakhumamo mu mahame mwiwa nave Yesu avenyille wa ookhwa, alliwaayo yaavollowa mu muzinda waweella, Yerusalemu, yooneya wa athu anchichi.

Mateyu 27:53 Iomraidhean Croise

Nehemiya 11:1

Vano oohoollella yakhalla mu Yerusalemu nave athu amodda yahoombesa wi emutthoolle muthu mmodda mwa athu khumi wi akhalleke mu muzinda woopatuleya, Yerusalemu nave athu atthanu ni asese oohallaalle ekhallekeve m'mizi.

Yesaya 48:2

Komave munniiromolla ni nnddina na muzinda wawella, munnaashave nikavihero wa Mulluku a Israele oyo nnddina naye tti Apwiya Amasiva Mattheene.

Daniele 9:24

“Miyakha 70 waatiha otthanu ni opiilli ddaakeraatthihiwa wi athwaawo ni muzindaawo waweella ehiye ddeekuku ni machimo. Epepeselle machimo wi echilungamo yoohimalla ephiye. Vano nndde woonilleewe m'masomphenya navettho nnddo ddallotelliwe ddineereweereya nave nipuro naweellesesa nineerokeraatthihiwattho.

Mateyu 4:5

Vano Satana aamukusella Yesu o muzinda waweella, Yerusalemu. Aamwiimesa otthoka va enyumba ya Mulluku,

Yawuupullulla 11:2

Koma ohilinge nthato niri otte wa enyumbeeyo kaambiiwa naavelleelliwa wa athu oohimullapella Mulluku, ayo enaawe enyingallelle muzinda waweella wa miyeri 42.

Yawuupullulla 21:2

Nave kahoona muzinda waweella, Yerusalemu anaanweene, akitthaka ovenyera oddullu, wa Mulluku, waari okhozekille wonanko mutthiyana ootthelliwa awarihiwe phaama wi akumane ni mamune.

Yawuupullulla 22:19

Muthu avenyihavo ello va mawu oollotelliwa mu nibukhunna, Mulluku aneeromuvenyiherawo embali emodda ya ezipaso ddaye dda muteekho wa okumi ni nipuro naye mu Muzinda Waweella, nnddo ddilembiwe mu nibukhunna.