Mateyu 27:2 - Mawu a Mulluku

² Yaammaka emukusa, emuvelleella wa Pilato, oolamulella a o Roma.

Mateyu 27:2 Iomraidhean Croise

Genesis 22:9

Ephiyalle onipuroni wulle Mulluku amulleelleeye, Abrahamu aamaka nikuwa nave aatthatta ekhuni vaddullu va nikuwanno. Enre ddiiddo ammaka mwanayoolle, amukonaatthiha vaddullu va ekhuninnddo.

Mateyu 20:19

Vano eneerokivelleella wa athu ayo ehiri Ayuda, yaayo eneerokillotella epewe, ekiwashulle, ekitthomeye vamutandani koma vavira mallapo mararu kineerovenyihiwa wa ookhwa.”

Mateyu 28:14

Nave oolamulella a o Roma iiwa mwaha yoolla, hiyaano nineeromutakhella wi nyuwaano khamunna mullatu nave khavikhalla yawuukhupanyihani.”

Luka 13:1

Va enthawi yeeyo waari athu amodda ayo yawiille wa Yesu, emulleellaka dda Agalileya ayo yiiphiwe ni Pilato eheraatthiki mukutho wa Mulluku.

Luka 20:20

Vano emweetellelle Yesu, yahaaruma athu ookhalla wonanko oolungama wi yamukoheke ddoomuwaka muwano nave emphwanyelle mullatu, yamuvelleelle wa oolamulella a o Roma oyo aari ni masiva ni olamulello.

Luka 23:1

Athu attheene a vanthatoni namillatu waatimulla omukusalle Yesu oyaana wa Pilato,

Luka 23:12

Herode ni Pilato yaari awiitana ddihineereye ddenndda koma vano yahaattana.

Luka 3:1

Waari muyakha wa khumi ni mitthanu wa olamulella wa Kaisara* Tiberiyo, o Roma. Enthawi yeeyo Pontio Pilato aari oolamulella a o echigawo ya Yudeya. Herode* aari oolamulella a o echigawo ya Galileya nave mwanamunne Filipo* aari oolamulella a o echigawo ya Itureya ni ya Trakoniti. Lusaniya aari oolamulella a o echigawo ya Abilene.

Yohane 18:12

Vano mulloko wa akhoto a o Roma ni oolamulelliiwa ni oowehera a Ayuda yaamphara Yesu emmaka.

Yohane 18:24

Vano Anasi aamurumiha olliyooyo oomakiweene wa Kayafa mullupa mukuthoolle.

Yohane 18:28

Vano osaka wene ohinase Ayuda yaamukusa Yesu ovenyera wa Kayafa emuyaana o nthato namillatu na Aroma. Ayuda kheyaavollowillemo munthatonimmo wi ehiripihiwe kaambiiwa yapaalla wi yachena yoocha ya Paska

Mitteko 12:6

Mahiiyu yaayo Herode ahanlleeye vang'ono wi amukhumihe eeruziwe, Petro akonille variyari va akhoto eelli, amakiwe ni onyolo miilli. Nave vaakhallattho oowehera ayo yawehera va mullako wa endendeeyo.

Mitteko 21:33

Oolamulellooyo aaya vaari Paulooyo, amuphara nave alamulella wi amakiwe ni onyolo miilli. Nave ahaakoha athu a vamullokonimvo wi, “Muthu yoolla ttaani navettho eerille tini?”

Mitteko 22:25

Nave yamumakilliiwa wi awashulliwe, Paulo aamukoha akhoto muullupalli oyo iimenlle vaavo wi, “Tti ddawaakhullelliwa ni malamulo wi mumuwashulle muthu ooyariwa o Roma muhinamwiipe mullatu?”

Mitteko 22:29

Enthawi yeeyo athu ayo yapaalla wi yamukohe Paulo yaamuhiya nave oolamulelloolle ahoova adduwenlleeye wi oomumaka Muroma ni onyolo.

Mitteko 24:27

Vaviralliiwa miyakha miilli, Porkio Fesito aavollowa munipuroni na Felike akhalla oolamulella. Felike apaalla wi aahakallallihe Ayuda, sika amuhiyalle Paulo ari mundende moomulle.

Mitteko 28:20

Ekaamba ya yeella koowiithanani wi killote ni nyuwaano vawi kimakiwalle ni onyoloolla ekaamba ya oyo ari etiyerello ya athu a o Israele.”

Mitteko 3:13

Mulluku a Abrahamu, Mulluku a Isaki ni Mulluku a Yakobo, Mulluku a makhollwaahu, aamutitimiha Oorumeyellaaye, Yesu, voomuchirihani muthoolla. Koma Yesu yoolla mwaamuvelleella wa oolamulella navettho mwaamukhoota vamiitthoni va Pilato naari Pilato apaallille wi amuttaphulle.

Mitteko 4:27

Vawi tti ddawoona wi mwene Herode* ni oolamulella Pontio Pilato yaatthukumana m'muzindani mulle ni athu oohimullapella Mulluku navettho athu a o Israele ollipana ni Yesu, oorumeyellaanyu aweella, oyo mwamuzozilleenyu wi akhalle Mesiya.

Mitteko 9:2

amuveka makalata awi adduwelliwe mu enyumba ddamavekello* o Damasiko. Vawi apaalla aaphwanyawo yakhalla moollikana ni ettilla ya Apwiya, allopwana naari atthiyana aamake aweena o Yerusalemu.

1 Timoteo 6:13

Navesttho vamiitthoni va Mulluku oyo anavaha okumi ddeko ddittheddene ni Khrisitu Yesu oyo aakhullenlle echikhulupililwaaye vamiitthoni va Pontio Pilato.

2 Timoteo 2:9

Kaambiiwa yoollalleya othenga waphaama kinnahoosiwa navettho omakiwa wonanko muthu oonanara. Koma mawu a Mulluku khenamakiwa,

Aheberi 13:3

Muwuupuwelleke ayo eri mundende wonanko nyuwaano murittho wenko. Muwuupuwelleke ayo enahoosiwa wonanko nyuwaanottho munahoosiwella nimodda.

Oweeruza 15:12

Vano alliwaayo yaamulleella wi, “Naweella wuumaka wi nuuvelleelle wa Afilisti.” Samisoni ahaalleella wi, “Llupellani wi khamukiipha.”