Mateyu 27:1 - Mawu a Mulluku

¹ Osaka wene ohinase allupa mukutho uullupalli attheene ni attekweene a Ayuda* yaakumana wi yiiwanane ddoomwiipha Yesu.

Mateyu 27:1 Iomraidhean Croise

Masalimo 2:2

Mamweniiwa ennapangana ddakhoto, oolamulelliiwa enniiwanana ddoonanara, ddawaawukila Apwiya ni oozoziwiiwa.*

Masalimo 31:13

Kinnawiiwa athu enong'onellanaka ddoonanara ddaka, ddawoopiha ddookaapheella virive veko. Ennapangana ddoonanara ddookiwukila eniiwanana wi ekiiphe.

Masalimo 71:10

Adanaaka ennallota dda miyaano, ookithwara manyallo ennakipanganella.

Mika 2:1

Otulli wa athu ookhozekella ddoochimwa ayo yaakonaka mahiiyu mattheene enaganizera mitteko ddoonanara. Wasa ohinase ennaddeera vawi aakhalla ni masiva.

Mateyu 23:13

“Nyu, awoottha, ahuddihi a malamulo ni Afarisi, mookhalla ni otulli! Munnawalla nchiwi na omwene wa Mulluku wi athu ehivollowemo. Nyuwaano khamunavollowamo nave munnahiiha ayo enapaalla ovollowa!”

Mariko 15:1

Osaka wene ohinase allupa mukutho uullupalli, attekweene a Ayuda,* ahuddihi a malamulo* ni attekweene a millatu attheene yaakumana wi yiiwanane yaweera. Yaammaka Yesu ni onyolo, emukusa, emuvelleella wa Pilato, oolamulella a o Roma.

Luka 13:1

Va enthawi yeeyo waari athu amodda ayo yawiille wa Yesu, emulleellaka dda Agalileya ayo yiiphiwe ni Pilato eheraatthiki mukutho wa Mulluku.

Luka 22:66

Osaka wene ohinase, attekweene a Ayuda, allupa mukutho uullupalli ni ahuddihi a malamulo yaakumana nave ewaana Yesu o nthato niwa namillatu.

Yohane 18:28

Vano osaka wene ohinase Ayuda yaamukusa Yesu ovenyera wa Kayafa emuyaana o nthato namillatu na Aroma. Ayuda kheyaavollowillemo munthatonimmo wi ehiripihiwe kaambiiwa yapaalla wi yachena yoocha ya Paska

Mitteko 5:21

Amurummwaayo yahiiwellella nave ohinase yaavollowa mu enyumba ya Mulluku yaamba ohuddiha. Mullupa mukutho muullupalli ni akhwaaye yaawiithana attekweene attheene a millatu a Ayuda omutthukumanoni wa vanthatoni namillatu. Vano yahaarumiha akhoto ondende wi yaakuse amurummwaalle eweena vamiitthoni viwa.

Oweeruza 16:2

Athu a o Gaza yaalleelliwa wi, “Samisoni ari weewuno.” Vano athwaayo yahaapheella nipuronno yiipittha mahiiyu mattheene va mullako wa muzindooyo. Alliwaayo yaamaalleya mahiiyu mattheene ellotaka wi, “Hankoni nimutiyere ophiyera ohinase osillewo, vatulli viwa nimwiiphe.”

1 Samuele 19:11

Mahiiyu yaayo Saulo ahaaruma athu o enyumba ya Davide wi yamwiipitthelle wi emwiiphe ohinase. Koma Mikala aamulleella mamune Davide wi, “Mwaahithawa mahiiyu vaava osiisello munimiiphiwa.”