Mateyu 26:39 - Mawu a Mulluku

³⁹ Nave aaya vahoollo vang'ono akokhora oweha vatthi nave avekella wi, “Attiitthaaka, wakhalla wooworeya, mukivenyiherevo kapu a ddookatamihoolla! Ohiri opaalla waka koma opaalla wanyu weereye.”

Mateyu 26:39 Iomraidhean Croise

Genesis 17:3

Enthawi yeeyo Abramu aakokhora vatthi nave Mulluku aallota wi,

2 Samuele 15:26

Koma yaahihakallallana miyaano, yeere eyo enaaddivelle.”

1 Epilli 21:16

Vano Davide aatukhulla miitthwaaye nave aamoona mungelo a Apwiya iimenlle variyari va ellapo yavatthi ni ellapo yooddullu. Nave m'mattani mwaye mwaari nsupada anitukhunlle onitthoonyihera o Yerusalemu. Vano Davide ni attekweene amodda yaawara ddoowara dda eziguduli, ewarama ni opopheya ekhove.

Yesaya 50:5

Apwiya Mulluku yaakihulla maaru, ngaawukinlle apaalle ohokollweella mutulli.

Yesaya 53:12

Sika kineeromuvaha nipuro variyari va attekweene. Aneerokawana ddawaakha ni amasiva vawi aavelleella okumaaye ophiyera okhwa, aheesiwa wonanko mmodda a athu oohithwara malamulo. Ahiireya machimo a athu anchichi, ahaavekella oochimwa wi ekhululukiwe.

Ezekiele 1:28

Owalanko wooneya wonanko mwiisherima murimu aarupaka. Mmu sika ntitimiho na Apwiya nooneyelliiwa. Vano kawoonilleemi kahiivokhella vatthi kipopheya ekhove nave kahiiwa mawu ookillotiha.

Numeri 14:5

Mose ni Aroni yaamora ekhove ddiwa vamiitthoni va mulloko wa Aisraele.

Numeri 16:22

Koma alliwa yaakokhora ellota wi, “Nyu Mulluku, mwaneena a minepa dda athu attheene, ethiyo mwaashenlle murima athu attheenaalla ekaamba ya ochimwa wa muthu mmodda?”

Mateyu 20:22

Koma Yesu aawaakhulla anamwanaayo wi, “Khamunadduwella eyo munavekeenyu. Muneerowora omuwiryella kapu a ddookatamiha oyo kinaamuwiryelleemi?” Yaayo yahaakhulla wi, “Nineeromuwiryella.”

Mateyu 24:24

Vawi amesiya awoottha ni anamallotella awoottha eneerewooneya. Eneereweera ezizindikiro dduullupalli ni ddoottikhiniha wi wakhalla wooworeya yaahollose naari athu ootthoolliwa a Mulluku.

Mateyu 26:42

Wiillittho waneepiilli Yesu aaya avekella wi, “Attiitthaaka kapu a ddoohoosoolla aahivenyihiwa ophiyera kimuwinrye, opaalla wanyu weeriwe.”

Mariko 13:22

Vawi amesiya awoottha ni anamallotella awoottha eneerewooneya. Eneereweera ezizindikiro dduullupalli ni ddoottikhiniha wi wakhalla wooworeya yaahollose naari athu ootthoolliwa a Mulluku.

Luka 17:16

Aakokhora vakhuviru ni Yesu amuthokoza. Muthu yoolla aari Musamariya.*

Yohane 11:41

Sika yaavenyihavo nllukunne. Nave Yesu aaweha oddullu allota wi, “Attiitthaaka, kinnuuthokozani wi munnakiiwellella miyaano.

Yohane 14:31

Koma mwawi ddiidda athu a ellapo yavatthi eneerodduwella wi kinnaakonda Attiitthaaka ni weere erive ello eyo yakilamulalliiwa. “Hankoni nivenyewo wuno.

Yohane 18:11

Yesu aamulleella Petro wi, “Hokollosella nsupada nawo mu nigonelo mwiwa! Ethiyo kihimuwirye kapu a ddoohoosa oyo Attiitthaaka yaakivahilliiwa?”

Yohane 5:19

Yesu awaakhulla alliwaayo wi, “Ddawoona, kinimuulleellani wi, miyaano Mwaana ngiwora weera ddeko mwa meekhaaka koma kineera yeeyo kinooneemi Attiitthaaka yeeraka. Nnddo eneeriiwa, emoddamoddave yeeyo miyaano kinneerattho ddennddo.

Yohane 5:30

“Nginawora weera ello miyaano meekhaaka. Kinaweeruza moollikana ni mmo Attiitthaaka yakilleellelliiwa, sika echiweruzwaaka eri yawoona kaambiiwa ngineera nnddo kinapaalleemi koma ddennddove anapaalla oyo aakirumalle.

Yohane 6:38

Vawi ngaakitthalle ovenyera oddullu wi keere opaalla waka koma wi keere opaalla wa oyo aakirumalle miyaano.

Mitteko 10:25

Petro ahanlleeye vang'ono ovollowa, aakumana ni Korineliyo oyo akokhonre vakhuviru ni olliye nave amuvaha olemu.

Afilipi 2:8

Ahiiyeviha nave ahiiwellella ophiyera okhwa, okhwa waye vamutandani.

Aheberi 5:7

Mu okumaaye va ellapo yavatthimva, Yesu m'mavekelloni mwaye ahinlla mookhuwa nave moomoriha miitthori wa Mulluku, oyo aarina masiva oomuvullusa wuukhwaani. Kaambiiwa ahiivelleella ni wiiyeviha, Mulluku ahiiwa mavekellwaaye.

Yawuupullulla 19:10

Kaakokhora vamiitthoni vaye wi kimullapelle koma olliye aakilleella wi, “Oheere ddennddo! Mi tti oorumeyella mukhwaawo nave mmodda a asinno ni arokoriyo, attheene ayo enakhallella omboni dda Yesu. Mullapelle Mulluku!” Vawi okhallella omboni dda Yesu tti ollotella.