Mateyu 26:29 - Mawu a Mulluku

²⁹ Kinimuulleellani wi ngiwa kimuwiryattho vinyo ophiyera nllapo nenno kineereemi kimuwiryettho vinyo musha ni nyuwaano mu omwene wa Attiitthaaka.”

Mateyu 26:29 Iomraidhean Croise

Masalimo 104:15

ni vinyo wi ahakallalliheke murimaaye, makhura awiihella wi mwiilli woolloweke, buledi wi amuvaheke masiva.

Masalimo 4:7

Koma ohakallalla nko mukivahilleenyu m'murimani mwaka, wohaakhwaranya ayo eri ni ddoocha ni ddoowirya ddinchichi.

Masalimo 40:3

Yaahiya nchipo nanaanweene muwano mwaka, nchipo noomutitimiha Mullukwaaka. Athu anchichi eneeroddoona ddenndda nave eneerewoova ni waaroromella Apwiya.

Nchipo na Solomoni 5:1

Koovollowa m'matani mwaka, we murokoraka, mwaaraka. Kinamuhata muraaka ni ddawunkhelliha yoocha ddaka. Kinacha enwaaka ni makallaphaaka. Kinamuwirya vinywaaka ni mukakaaka. Anamwalli Nyu ookondana, chani nave wiryani. Nyu ookondana, lezelani ni echikondi!

Yesaya 25:6

Va mwaango wa Ziyoni Apwiya Amasiva Mattheene eneerokeraatthihella mitundu ddittheddene dda athu machellello a ddoocha ddooddiva ni a vinyo aphaama, machellello a enama yoonuna ni a vinyo ooddivesesa.

Yesaya 53:11

Wamalla ohoowa wayenko, aneerokwakhwanihiwa ni mphurwaaye. Mweezeru, oorumeyellaaka oolungama aneerewiireya machimo a athu attheene wi anchichi eneerolungamihiwa.

Zefaniya 3:17

Apwiya Mullukwaawo eri ni weyaano tti amasiva oovullusa. Eneerohakallalla ekaamba ya weyaano, kheyuuhumullulla ekaamba ya echikondiiwa, eneerohakallalla ni weyaano voowiipani machipo oohakallalliha.

Zekariya 9:17

Ellapweeyo enaakhalle yooreeresesa, tirigu aneerewaallipiha asombwe, vinyo musha anerewaareeriha anamwalli.

Mateyu 13:43

Vano athu oolungama eneerowala wonanko nndduwa mu omwene wa Attiitthiiwa. Ngiiwani vano mwaarina maaru awiiwana!

Mateyu 16:28

Ddawoona, kinimuulleellani wi, aakhallavo amodda vaava khewa ekhwa ophiyera ekoonille mi, Mwaana a Muthu kiwaaka wi kilamulelle wonanko mwene.”

Mateyu 18:20

Vawi eelli naari araru yawa etthukumana ekaamba yawi tti oohudderaaka, miyaano kiri wenko variyari viwa.”

Mateyu 25:34

Vano miyaano, mwene, kineerollota wa ayo a o nnattanatta wi, ‘Waani wuno nyu athu oodalisiwa ni Attiitthaaka! Waani mwaakhelle omwene oyo mwaakhozelliweenyu waambeella voophatuwani va ellapo yavatthi.

Mateyu 26:28

Vawi nna tti nikhame naka noollipiha echipangano ya Mulluku, nookhumihiwa ekaamba ya athu anchichi wi machimo ekhululukelliwe.

Mateyu 26:30

Yahiipa nchipo nave yaakhuma eya o mwaango wa Olivi.

Mateyu 28:20

Nave mwaahuddihe wi yiiwellelleke ddeko ddittheddene kuulamulalleemini nyuwaano. Nave miyaano kiri ni nyuwaano mallapo mattheene ophiyera omalla wa ellapo yavatthimva.”

Mariko 14:25

“Ddawoona, kinimuulleellani wi ngiwa kimuwiryattho vinyo ophiyera nllapo nenno kineereemi kimuwiryettho vinyo musha mu omwene wa Mulluku.”

Luka 12:32

“Muhoove, nyuwaano ayo muri wonanko mulloko wa enkhosa ddooweerengeya vawi Attiitthaanyu yaakonda wi yuuvaheni omweniiwa.

Luka 15:32

Sika onnaphwanella wi nihakallalle, vamachellelloni kaambiiwa mwanamunno aari wonanko ookhwa, vano tti mukumi. Aarimeella, vano oophwanyeya.’ ”

Yohane 15:11

“Killotille nndda ni nyuwaano wi kuukawelleni ohakallalla waka ni wi nyuwaano muhakallalle ni murimaanyu muttheene.

Yohane 16:22

Vano nyuwaano munnakhupanya koma kineerowoonanittho nave mirima ddanyu ddineeroddalla ni ohakallalla. Nave khaavo anawaakheni ohakallalla wanyunko.

Yohane 17:13

Vano kinimawa wa nyuwaano nave kinallota ddeko ddenndda kiri mu ellapo yavatthi wi ehakallallwaaka eddalle m'murimani mwiwa muttheene.

Mitteko 10:41

ohiri wa athu attheene koma wa amboni yaayove yatthoolliwe khalle ni Mulluku, sika vano tti hiyaano nachille ni owirya ni olliye avenyille wa ookhwa.

Aheberi 12:2

Miitthwaahu ekhalle va Yesu oyo akeraatthihalle echikhulupilwaahu, oyo ananihoollella ni weeriha echikhulupililwaahu wi ekhalle yaphaama. Aavillella owullihiwa muru vookhomiwani vamutandani, ekaamba yoodduwella wi muhoollo aneerohakallalla. Vawi vano annakhalla o nnattanatta wa mpando woomwene wa Mulluku.

Yawuupullulla 14:3

Athu 144,000 yahiimella vamiitthoni va mpando woomwene, ddoophatusiwa ddisese ddookumi ni attekweene nngu yiipaka nchipo niwa nanaanweene nno khaarivo awora wiipana. Yaalla tti yaayove yoopolliwe va ellapo yavatthi.

Yawuupullulla 7:17

Vawi mwaanaankhosa oyo ari vahoollo vampandoni woomwene sika anaakhalle mbusiiwa nave aneerewaahoollella ori aneetuutu amaaddi ookumi. Nave Mulluku aneerewaavutta miitthori ddittheddene m'miitthoni mwiwa.”