Mateyu 26:24 - Mawu a Mulluku

²⁴ Mi, Mwaana a Muthu, kineerokhwa moollikana ni ddoolembiwa mu mawu a Mulluku koma ootulli tti muthu oyo anaakivelleelle miyaano! Waaweerokhalla phaama wa muthu yooyo ahiyariweke!”

Mateyu 26:24 Iomraidhean Croise

Genesis 3:15

“Kineeroweeriha weyaano ni mutthiyana wi mwiitane nave vineerokhalla wiitana wunchichi variyari va edduullu ddawo ni edduullu dda mutthiyanooyo. Edduullu ddaye ddineeronyenya murwaawo nave weyaano eneerolluma etotopwa ya edduullu ddaye.”

Masalimo 55:15

Okhwa waamorelle moorurumusa, evuhelliwe mu mahame eri akumi vawi ddoonanara ddiwa ddooddalla m'murimani mwiwa ni mu enyumba mwiwa.

Masalimo 55:23

Koma Nyu Mulluku muneerewaavokhella adanaaka mu nlliti noowallamella nawoononga. Athu awiipha ni awoottha khephiya naari hafu a mallapwiiwa ookumi. Koma nyu Mulluku, kineerewuuroromellani.

Daniele 9:26

Voomallani va miyakha ddenndda oozoziwa aneerewiiphiwa nave khakhalla ni ello. Mulloko wakhoto wa enduna eyo onaawe oneerewoononga muzindooyo vamodda ni enyumba ya Mulluku. Sika omalla wiwa onaaphiye wonanko echigumula nave oneerowiiha woonongeya ni ekhoto nnddo Mulluku akeraatthihalleeye.

Zekariya 12:10

“Vano athu a nibanja na Davide ni attheene a o Yerusalemu kineerewaakawella murima wooddalla ni echifundo ni woovekella. Sika yamuweha oyo yamuhomilliiwa, eneeromwinllella wunchichi wonanko enamwinllelliiwa mwaana akhalla mmoddave.

Zekariya 13:7

Apwiya Amasiva Mattheene enallota wi, “We nsupada, venya, muwukile mbusaaka, mukhwaaka a vamurimani. Mukakathe mbusa nave enkhosa dda mulloko ddineeropallalleya. Kineeroddikakatha vamodda ni dding'onong'ono ddene.

Mateyu 18:7

Otulli ori vatthimva kaambiiwa vookhalla ddeko ddinaweeriha athu ohiya echikhulupililwiiwa! Ddeko ddennddo ddinaphwanella wi ddeereyeke koma ootulli tti muthu aneeriha ddenndda.

Mateyu 26:31

Vano Yesu aallota wi, “Nyu attheene muneerothawa okihiya meekhaaka mahiiyu yaalla vawi woolembiwa wi, ‘Mukakathe mbusa nave enkhosa dda mulloko ddineeropallalleya.’

Mateyu 26:54

Koma keera ddiiddo, mawu a Mulluku enaakwakhwanihiwe mwawiidde vawi ella sika enaphwanella wi yeereye?”

Mateyu 26:56

Koma ddittheddenenndda ddoheereya wi yaalembille anamallotella, ddikwakhwanelle.” Vano oohuddera attheene yaamuhiya ethawa.

Mariko 14:21

Mi, Mwaana a Muthu, kineerokhwa moollikana ni ddoolembiwa mu mawu a Mulluku koma ootulli tti muthu oyo anaakivelleelle miyaano! Waaweerokhalla phaama wa muthu yooyo ahiyariweke!”

Mariko 9:12

Nave aawaakhulla wi, “Ddawoona, Eliya sika anaawe moowaambeellella wi apotokose ddeko ddittheddene. Nave kaambiiwa tini mawu a Mulluku enallotiiwa dda mi, Mwaana a Muthu wi kineerohoosiwa wunchichi naari okhootiwa?

Luka 22:22

Vawi mi, Mwaana a Muthu, kineerokhwa moollikana ni mmo Mulluku aganizereeye koma ootulli tti muthu anaakivelleellooyo!”

Luka 24:46

Nave aallotattho wi, “Ddoolembiwa wi Mesiya anapaalleya wi allakiwe nave avenyettho wa ookhwa nllapo naneeraru.

Yohane 17:12

Kaariimi ni yaayo kahaateteza phaama mu masiva a nnddina nanyu, mwakivahilleenyu miyaano. Kahaawehera alliwaayo nave khaavo mmodda arimeellevo, omuhiya muthu olle aphwanenlle orimeella wi mawu a Mulluku ekwakhwanihiwe.

Yohane 19:24

Vano akhotwaalle yaallota mmodda ni mukhwaaye wi, “Nihaahulle alla koma noombese wi noone wi anaakuse ttaani.” Ddaari ddiiddo wi mawu a Mulluku ekwakhwanihiwe awi, “Yaakawana ddoowara ddaka nave yahoombesera va mukanjwaaka.” Sika akhoto yaheera ella.

Yohane 19:28

Yesu aadduwella wi vano ddittheddene ddaamalla. Nave wi mawu a Mulluku ekwakhwanihiwe, aallota wi, “Kinnavolliwa nthona.”

Mitteko 2:23

Yesu yoolla aavelleelliwa moollikana ni opaalla wa Mulluku vawi aadduwella khalle wi mwaamutthomeya vamutandani nave mumwiipha voomuvelleellani wa athu oonanara.

Mitteko 28:23

Vano yahiiwanana nllapo nawi ekumane ni Paulooyo nave mulloko muullupalli wa athu waawa nllapo nenno ochipindani wakhalla Paulonko. Waambeella ohinase ophiyera mahiiyu ahaatthopoollella ni weerella omboni dda omwene wa Mulluku. Ahaalleella dda Yesu vawaaromollellani dda malamulo a Mose ni ehuddiho ya anamallotella nngu aapaallaka wi aakope.

Mitteko 4:28

Yaatthukumana wi yeere ddittheddene nnddo mwakhozilleenyu khalle ni masivaanyu ni opaalla wanyu.

1 Akorinto 15:3

Vawi kaavelleella wa nyuwaano yoopaalleya yuullupalli eyo kaakhenlleemittho yawi Khrisitu aakhwa ekaamba ya ddoochimwa ddahu wonanko mmo ddilembelliwiiwa mu mawu a Mulluku,