Mateyu 26:10 - Mawu a Mulluku

¹⁰ Vano Yesu ahiiwa yalloteeweeyo nave ahaakoha wi, “Munamuhoosella tini mutthiyanoolla? Vawi ookeerella ello yaphaama.

Mateyu 26:10 Iomraidhean Croise

Nehemiya 2:18

Sika kahaatthopoollella wi nnatta naphaama na Mullukwaaka naari va miyaano navettho dda mawu ayo amwene yakilleellilliiwa. Nave athwaayo yaallota wi, “Hankoni naambe omakattho.” Vano yahiivelleella ni murimiiwa muttheene wi yaambeelle mutteko waphaama.

Yobu 13:7

Ethiyo munootthella tini munipuroni mwa Mulluku? Ethiyo munallotella moolleka tini munnddina naye?

Mateyu 26:11

Vawi munnakhalla ni athu oohoowa mallapo mattheene koma khamukhalla ni miyaano mallapo mattheene.

Mateyu 26:9

Makhura yaalla yaaweerokullihiwa voowallamella mutengo ni waavaha athu oohoowa makobiraayo.”

Mariko 14:6

Koma Yesu aallota wi, “Muhiyeni mutthiyanoolla! Munamuhoosella tini? Vawi ookeerella ello yaphaama.

Luka 8:49

Yesu allotaka ddenndda, muthu mmodda aaphiya oovenyera o enyumba ya Yairo, amulleella Yairooyo wi, “Mwanawo aamutthiyanoolle ookhwa. Ohivirellelle waakatamiha Ahuddihaalla.”

2 Akorinto 9:8

Nave Mulluku annawora wuuvahani madaliso manchichi nave muneerokhalla ni ddittheddene munapaalleenyu enthawi ddittheddene naari ddookhwaranya wi mwakavihere va orive mutteko waphaama.

Agalatiya 1:7

Ddawoona tti ddawi khawiivo othenga waphaama omodda. Nave kinallota ddenndda kaambiiwa aakhallavo athu amodda enawaapheellihani muru nave enapaalla orukunusa othenga waphaama wa Khrisitu.

Agalatiya 5:12

Weerokhalla phaama wi athu ayo enawaapheellihani muru yiihulle weekhiiwa!

Agalatiya 6:17

Voomallihani, arive muthu ahikikatamihettho kaambiiwa mapamba kiriimina vamwiillini vaka enooniha wi miyaano tti kaporo a Yesu Khrisitu.

Aefeso 2:10

Vawi Mulluku aaneera mwawi ddiidda nave mu eyaattano ni Khrisitu Yesu aaniphatusa wi neereke ddaphaama mu okumaahu, nnddo aakhozilleeye moovallallella.

Akolose 1:10

Mweeddiiddo muneerowora okhalla wonanko Apwiya enapaallelliiwa nave enthawi ddittheddene muneerekeweera ddoomuhakallalliha olliye. Makhallellwaanyu oneerewimma ezipaso ddaphaama ddoohiyanahiyana nave omudduwella wanyu Mulluku oneerewunnuwa.

2 Atesalonika 2:17

Nave uullipiheni murima ni wuuvahani masiva wi mweereke ni ollota ddaphaama enthawi ddittheddene.

1 Timoteo 3:1

Mawaalla tti oororomelleya awi muthu aapaallaka okhalla oohoollella mpingo annapaalla mutteko waphaama.

1 Timoteo 5:10

Nave akhalle oovuwa ni mitteko ddaphaama, mutthiyana oyo aallenlle anaaye phaama, anawaakhella alleto phaama owaniwa, anaahapiha manyallo athu a Mulluku nave anaakavihera athu ayo eri mu ddoohoosa navettho aniivelleella va mitteko ddittheddene ddaphaama.

2 Timoteo 2:21

Mmodda addeelliha yeekhaaye voohiyani ddeko ddoonanara ddittheddene eneerokhalla wonanko yookusella yoolemu, yaweellihiwa ni yoopharihiwa mutteko ni mwaneena a enyumbeeyo, yookhozekella mitteko ddaphaama ddittheddene.

Tito 1:16

Ennaakhullella wi ennamudduwella Mulluku nave ni mitteko ddiwa ennamukhoota vawi tti oonanara, oohiiwellella ni oohiphwanella weera erive ello yaphaama.

Tito 2:14

Ahiivelleella yeekhaaye mu nipuro na hiyaano wi anoopolle hiyaano o machimo mattheene nave wi aneerihe wi nikhalle aweella navettho wi nikhalle aaye ayo mirima ddiwa ddiri va mitteko ddaphaama.

Tito 3:1

Owuupuseke ookhulupilila wi yiiyeviheke vamiitthoni va attekweene ni oolamulella nave ewiiwellelleke. Navettho ekhalleke ookhozeka ophara mitteko ddaphaama ddittheddene.

Tito 3:14

Athwaahu ehuddere wiivelleella va mitteko ddaphaama vookaviherani va ddoopaalleya wi ehikhalleke oohimma ezipaso.

Tito 3:8

Mawu yaalla tti oororomelleya. Kinapaalla wi ollipihelle ddeko ddenndda wi oomukhulupilila Mulluku yiivelleelleke vaweerani mitteko ddaphaama. Nndda tti ddaphaama ni ddoopinduliha wa arive muthu.

Aheberi 13:21

Mulluku uuvaheni ddaphaama ddittheddene wi mweereke nnddo olliye anaddipalleeye. Nave oweella mwa Yesu annaneeriha erive ello eyo enamuhakallalliha olliye. Ntitimiho nikhalle wa Khrisitu wa enthawi yoohimalla. Amen.

1 Petro 2:12

Makhallellwaanyu variyari va athu oohimullapella Mulluku enaphwanella ekhalleke aphaama. Yaawiipakani mullatu wi nyuwaano tti aweera ddoonanara, yoone ddaweera ddanyu ddaphaama wi emutitimihe Mulluku va nllapo na owa waye.