Mateyu 24:21 - Mawu a Mulluku

²¹ Kaambiiwa, ddoohoosa ddinaawe mallapo yaayo, ddinaakhalle ddawi khaddineereyeke ovenyera va ophatuwa wa ellapo ophiyera ollello nave khaddiwa ddeereyattho ddoophwanaphwana ni ddenndda.

Mateyu 24:21 Iomraidhean Croise

Ezekiele 5:9

Kineeroweerellani nnddo kihineerekeemi ovenyera khalle nave ngiwa keera muhoollo ekaamba ya ddaweera ddanyu ddinchichi ddoonanara.

Daniele 12:1

Va enthawi yeeyo Mikaele, mungelo muullupalli oyo anaawehera athwaawo, aneerophiya. Enthawi yeeyo enaakhalle ya ddoohoosa ddawoopiha awi khenooneyeke ovenyera khalle, ephatuwello ya mutundu wawaamba wa athu ophiyera enthawi yeeyo. Va enthaweeyo athwaawo attheene ayo manddiniiwa elembiwe mu nibukhu eneerovulluwa.

Daniele 9:26

Voomallani va miyakha ddenndda oozoziwa aneerewiiphiwa nave khakhalla ni ello. Mulloko wakhoto wa enduna eyo onaawe oneerewoononga muzindooyo vamodda ni enyumba ya Mulluku. Sika omalla wiwa onaaphiye wonanko echigumula nave oneerowiiha woonongeya ni ekhoto nnddo Mulluku akeraatthihalleeye.

Yowele 1:2

Nyu attekweene apellani maaru Nyu attheene ookhalla mu Yuda, kireyeni naaru. Ethiyo ddenndda ddaambilleke weereya mu enthawaanyu apaalle mu mallapo a makhollwaanyu?

Yowele 2:2

Tti nllapo neepiphi ni neethakaraka, nllapo namirapo ddoottikana. Mulloko wa amasiva, tti wonanko epiphi ehuruwelle miyaango, khonooneyekevo waambeella khalle nave khowa wooneya.

Malaki 4:1

Apwiya Amasiva Mattheene enallota wi, “Ngoonani, nllapo ninimawa mvo athu awiitukhulla ni oonanara enaashellelliiwa wonanko mittatthi. Nllapo nenno eneeroshellella oohihallavo ello.

Mateyu 24:20

Vekellani wa Mulluku wi othawa wanyu ohikhalle mu eyitta apaalle va nllapo na Sabata!

Mateyu 24:29

“Enthawi yeeyo ddamalla ddoohoosa dda mallapo yaayo, nndduwa nineerothiima nave mweeri khowala, etheneeri ddineeromora ovenyera oddullu nave masiva a muddullu eneerotikhiwa.

Mariko 13:9

“Sika nyuwaano chenjerani. Muneeromakiwa ni okuselliwa m'mathatoni a millatu nave muneerewuukuthiwa mu enyumba ddamavekello.* Muneerewiimella vamiitthoni va oolamulella ni mamwene kaambiiwa nyuwaano tti oohudderaaka wi mwakhalle amboni a othenga waphaama wa yaayo.

Luka 21:24

Amodda a yaayo eneerewiiphiwa ni masupada, amodda a yaayo eneerophariwa okaporo oya ellapo ddinchichi ddoohiyanahiyana. Nave Yerusalemu aneerewoonongiwa ni athu oohimullapella Mulluku ophiyera enthawiiwa emanlle.

1 Atesalonika 2:16

Alliwaalla yaheeseesa onihiiha hiyaano wi nihaallalleyelleke othenga athu ayo ehiri Ayuda wi evullusiwe. Mwawi ddiidda ahaanjerera machimwiiwa a nllapo ni nllapo. Nave osha murima wa Mulluku vano woophiya va yaayo!

Yawuupullulla 16:18

Waakhalla ettari, onyakulla ni ogugudeya wa murimu navettho echivomerezi yawoopiha. Waambeella ephatusello ya athu a va ellapo yavatthi khavineereyeke echivomerezi yawi ddiiddo, ella yaari echivomerezi yawoopihesesa ohiyana ni erive echivomerezi!

Yawuupullulla 7:14

Kaamwaakhulla wi, “Apwiya, munadduwella tti nyuwaano.” Aakilleella wi, “Yaalla sika athu ayo yavillenlle mu ddoohoosa ddawoopiha. Yaahuwa nave yeelliha ddoowara ddiwa ni nikhame na mwaanaankhosa.