Mateyu 23:8 - Mawu a Mulluku

⁸ Nyuwaano muhiromolliweke wi ‘Ahuddihi’ kaambiiwa muri ni ahuddihi amoddave nave nyuwaano attheene tti musinne ni murokoriye.

Mateyu 23:8 Iomraidhean Croise

Mateyu 10:25

Tti wookwakhwanella wa oohuddera okhalla wonanko muhuddihaaye nave wa kaporo okhalla wonanko apwinnya. Mwaneena a nibanja aneeroromolliwa wi Belezebulu,* muullupalli a minepa ddoonanara, athu amodda a munibanjanimmo eneeroromolliwa manddina oonanara ohiyana ni nnddina nenna.

Mateyu 17:5

Allotaka ddiiddo, waawa murapo woowala waakhuneella ni muuthuuchiiwa nave mawu oovenyera m'muraponimmo yaallota wi, “Olla sika Mwanaka ookondiwa, kinnahakallallana wunchichi mwiiwellelleni.”

Mateyu 23:10

Muhiromolliwekettho wi ‘Oohoollella’ kaambiiwa muri ni oohoollella mmoddave Mesiyoolle.

Mateyu 23:7

Navettho ennakonda ovahiwa mooni moolemu m'misikani ni wi eromolliweke ‘Ahuddihi.’

Mateyu 26:25

Nave Yudasi, oomuvelleella, aallota wi, “Ddawoona, Ahuddihi, khamunakaaka miyaano!” Yesu aamwaakhulla wi, “Ee tti weyaano.”

Mateyu 26:49

Vano Yudasi aawa moomookollella Yesu allota wi, “Mooni, Ahuddihi.” Eerille ddiiddo aamukhupaarella.

Mariko 10:51

Yesu aamukoha wi, “Onapaalla wi kiweerelle tini?” Ahaakhulla wi, “Ahuddihi, kinapaalla wi kooneke.”

Mariko 11:21

Petro ahuupuwella ddeereyenndde nave aallota wa Yesu wi, “Ahuddihi, ngoonani muteekho wanamukuyu mwawutembeleleenyuulle wohumma!”

Mariko 14:45

Enthawi yeeyo Yudasi aphiyalleeye, aaya wa Yesu allota wi, “Ahuddihi!” Eerille ddiiddo aamukhupaarella.

Mariko 9:5

Vano Petro aallota wa Yesu wi, “Ahuddihi, ddookhalla phaama wi hiyaano niri vaava, nuutthipellelleni misasa miraru vaava; mmodda wa nyuwaano, mmodda wa Mose nave mmodda wa Eliya.”

Luka 22:32

Koma miyaano kohuuvekella weyaano Simoni wi echikhulupilwaawo ehimalle. Nave warukunuwa murima, waallipiheke murima ookhulupilila akhwaawaalla.”

Yohane 1:38

Yesu aarukunuwa awoona alliwa emuthwaraka nave ahaakoha wi, “Munaasha tini?” Yaamwaakhulla wi, “Munakhalla wuuwi, Rabi?” (Rabi anattaphullella, Muhuddihi.)

Yohane 1:49

Natanaele ahaakhulla wi, “Muhuddihi, nyuwaano muri Mwaana a Mulluku! Nyuwaano muri Mwene a Israele!”

Yohane 11:8

Oohudderaalle yahaakhulla wi, “Ahuddihi, Ayuda wenko yaheeseesa owiiphani vawuuvokhani malluku nave vano munayattho wenko?”

Yohane 20:16

Yesu aallota wi, “Mariya!” Mariya aarukunuwa allota mu Eheberi wi, “Raboni.” Ottaphullella wi, “Ahuddihi.”

Yohane 3:2

Nave aawa wa Yesu mahiiyu nave aallota wa yooyo wi, “Ahuddihi, ninnadduwella wi nyuwaano tti muhuddihi oorumihiwa ni Mulluku. Khaavo muthu anawora weera ddoottikhiniha muneereenyu Mulluku aahikhalla ni olliye.”

Yohane 3:26

Sika yaawa wa Yohane emulleella wi, “Ahuddihi, munnamuupuwella muthu oyo aari ni nyuwaano okhopella wa muhinje wa Yordani, olle mwamuvelleellelleenyu omboni? Vano arina obatiza nave athu erina othamakella wa olliyooyo!”

Yohane 4:31

Va enthawi yeeyo oohudderaalle yaamuveka Yesu wi, “Ahuddihi, chani!”

Yohane 6:25

Athu yaamphwanyilliiwa Yesu vakhopella va enyanjeelle, yaamukoha wi, “Ahuddihi, mwawiille niini wuno?”

Yohane 9:2

Oohudderaaye yaamukoha wi, “Ahuddihi, achimwalle ttaani wi muthu olla ayariwe oohoona, olliyoolla apaalle attiitthinnya ni amennya?”

2 Akorinto 1:24

Hiyaano khaninuulamulani yoophwanella nyuwaano okhulupilila vawi ninnadduwella wi nyuwaano tti oohitikheya mu echikhulupililo. Koma ninaphara mutteko ni nyuwaano wi muhakallalle.

2 Akorinto 4:5

Vawi ninallalleyeehu khe dda hiyaano koma ninallalleya dda Yesu Khrisitu wi tti Apwiya. Nave hiyaano wi tti oorumeyellaanyu ekaamba ya Yesu.

Aefeso 3:15

nko onavenyera okumi wawoona wa arive muthu a o ellapo yooddullu ni yavattheella.

Filemoni 1:16

Vano khaari wonanko kaporove koma oomukhwaranya kaporo, tti mwanamunno ookondiwa. Miyaano kinnamukonda koma weyaano onaphwanella omukondeke wunchichi, wonanko kaporo navettho wonanko mwanamunno mu eyaattano ni Apwiya!

Yakobo 3:1

Asinnaka ni arokoraka, anchichi a nyuwaano muhikhalle ahuddihi kaambiiwa hiyaano ahuddihi nineereweeruziwa mookhwaranya athu amodda.

1 Petro 5:3

Muhaalamuleke mwawiitukhulla ayo muvahiweenyu wi mwaawehereke koma mukhalleke echisanzo ya mulloko yooyo.

Yawuupullulla 1:9

Miyaano Yohane, mwanamunninyu nave mukhwiinyu mu ddoohoosa, mu ovillella ni mu oovollowa mu omwenaaye ekaamba yoomuthwara Yesu. Kaahiyiwa va echilumba ya Patimo kaambiiwa kaallalleya mawu a Mulluku ni ovelleella omboni dda Yesu.

Yawuupullulla 19:10

Kaakokhora vamiitthoni vaye wi kimullapelle koma olliye aakilleella wi, “Oheere ddennddo! Mi tti oorumeyella mukhwaawo nave mmodda a asinno ni arokoriyo, attheene ayo enakhallella omboni dda Yesu. Mullapelle Mulluku!” Vawi okhallella omboni dda Yesu tti ollotella.

Yawuupullulla 22:9

Koma aakilleella wi, “Oheere ddennddo! Mi tti oorumeyella mukhwaawo navettho a asinno anamallotella ni attheene ayo enathwara ddilembiwe mu nibukhunna. Mullapelle Mulluku!”