Mateyu 23:12 - Mawu a Mulluku

¹² Koma anaddinnuwiha yeekhaaye aneeroyevihiwa nave aniiyeviha yeekhaaye aneerewuunnuwihiwa.

Mateyu 23:12 Iomraidhean Croise

Yobu 22:29

Vawi Mulluku annaakitthiha awiitukhulla, koma annaavullusa awiiyeviha.

Masalimo 138:6

Naari Apwiya tti avaddullu ennaapwatha athu oovevuwa, ennaadduwella athu awiitukhulla eri vuutete.

Miyambo 15:33

Owoova Apwiya tti ohuddera ezeru nave wiiyeviha onnakhwaranya olemu.

Miyambo 29:23

Wiitukhulla onnamuyeviha muthu koma a murima wawiiyeviha annariihiwa.

Yesaya 57:15

Muullupalli ni Amasiva Mattheene oyo arivo enthawi ddittheddene nave nnddina naye tti Aweella anallota wi, “Kinakhalla va nipuro navaddullu ni naweella, kinnakhallattho vamodda ni athu awiiyeviha ni oolapa wi killipihe munepa wa awiiyeviha ni ohihimulla murima wa oolapaayo.

Daniele 4:37

“Sika mi Nebukadinezara kinnamutthamalla Mulluku, kinnamuthokoza ni omutitimiha mwene Ooddullu. Ddaweera ddaye ddittheddene tti ddaphaama nave ettilla ddaye ddittheddene tti ddoolungama. Olliye annamuyeviha arive muthu awiitukhulla.”

Mateyu 18:4

Vano oyo aniiyeviha yeekhaaye wonanko mwaanoolla sika ari muullupalli mu omwene wa Mulluku.

Mateyu 5:3

“Oodalisiwa tti ayo eri oohoowa m'munepani, vawi ennahakallalla ni madaliso a omwene wa Mulluku!

Luka 14:11

Vawi attheene enaddunnuwiha weekhiiwa eneeroyevihiwa nave ayo eniiyeviha weekhiiwa eneerewunnuwihiwa.”

Luka 18:14

Yesu aallotave wi kinimuulleellani wi, “Ookhomiha musonkhoolla aaya owaniwa alungamihiwe koma ohiri Mufarisoolle. Vawi attheene enaddunnuwiha weekhiiwa eneeroyevihiwa nave ayo eniiyeviha weekhiiwa eneerewunnuwihiwa.”

Yakobo 4:6

Koma echisomo ya Mulluku tti yuullupalli wunchichi. Sika mawu a Mulluku eni, “Mulluku annaahiiha awiitukhulla koma annaweerella echifundo awiiyeviha.”

1 Petro 5:5

Emoddamoddave yeeyo asombwe nyu, munaphwanella muwiiwellelleke attekweenaanyu. Nave attheenenyu munaphwanella mwiiyeviheke wi murumeyellaneke vawi mawu a Mulluku eni, “Mulluku annaahiiha awiitukhulla koma annaweerella echifundo awiiyeviha.”

1 Petro 5:6

Sika, vano, mwiiyeviheke vatthi va nnattanatta namasiva na Mulluku wi awunnuwiheni mu enthawaaye yakwakhwana.