Mateyu 22:44 - Mawu a Mulluku

⁴⁴ ‘Apwiya Mulluku yahaalleella apwiyaaka wi, “Khalla o nnattanatta naka ophiyera kaagonjihalle adanaawo.’

Mateyu 22:44 Iomraidhean Croise

Genesis 3:15

“Kineeroweeriha weyaano ni mutthiyana wi mwiitane nave vineerokhalla wiitana wunchichi variyari va edduullu ddawo ni edduullu dda mutthiyanooyo. Edduullu ddaye ddineeronyenya murwaawo nave weyaano eneerolluma etotopwa ya edduullu ddaye.”

Masalimo 110:1

Apwiya yahaalleella apwiyaaka wi, “Khalla o nnattanatta naka ophiyera kaatthattusalle adanaawo voonyingallavo manyallwaawo.”

Masalimo 21:9

Akhumellella, aneerowoononga wonanko munllo wawoopiha. Apwiya eneerewaatthollosa ekaamba yowaallutuwella, eneerewaashellelliha.

Mateyu 22:45

Sika Davide aamuromolla Mesiya wi Apwiya. Vano anaakhalle edduullu ya Davide mwawiidde?”

Mateyu 26:64

Yesu ahaakhulla wi, “Mullotillethi nyookha. Koma kinimuulleellani attheene wi waambeella vaavo muneerokoona mi, Mwaana a Muthu, kikeraatthille o nnattanatta na Mulluku Amasiva Mattheene nave kiwaaka vamiraponi ddooddullu.”

Mariko 16:19

Apwiya Yesu yamanlliiwa ollotanko, yaawellihiwa oya oddullu yakeraatthi o nnattanatta na Mulluku.

Luka 19:27

Vano wa adanaaka ayo yahipaalla wi kikhalle mweniiwa, akuseni muweena wuno nave muwiiphe kiwoonaka!’ ”

Yohane 20:28

Tomasi ahaakhulla wi, “Apwiyaaka ni Mullukwaaka!”

1 Akorinto 1:2

Kinalembella mpingo wa Mulluku oyo ori m'muzindani wa Korinto, wa ayo yeeriwe aweella mwa Khrisitu Yesu nave yiithaniwe wi ekhalle athu a Mulluku. Navettho kinalembella wa athu attheene enaallapella Apwiihu Yesu Khrisitu m'mapuroni mattheene. Olliye tti Apwiiwa ni aahu.

1 Akorinto 15:25

Vawi Khrisitu anaphwanella alamulelle ophiyera Mulluku aagonjihalle adani attheene ni waahiya m'mattani mwa Khristu.

Afilipi 3:8

Ddawoona, kinaddeesa ddittheddene ddoohipinduliha kaambiiwa omudduwella Khrisitu Yesu Apwiyaaka tti woopaalleya wunchichi okhwaranya ddittheddene. Kootathilla ddeko ddittheddene ekaamba ya olliye nave kinaddeesa ddittheddene ddooddallani wi kimupindule Khrisitu

Aheberi 1:13

Mulluku khaallotille wa mmodda a angelwaaye wi, “Khalla o nnattanatta naka ophiyera kaatthattusalle adanaawo voonyingallavo manyallwaawo.”

Aheberi 1:3

Olliye sika owala wawoonihella ntitimiho na Mulluku nave tti oophwanaphwana ni Mulluku mwaneena. Navettho annavirellella osunga ddeko ddittheddene ni mawaaye amasiva. Amallihalle okhululukella machimo mattheene a athu, aakeraatthi oddullu onnattanatta na Mulluku amasiva.

Aheberi 12:2

Miitthwaahu ekhalle va Yesu oyo akeraatthihalle echikhulupilwaahu, oyo ananihoollella ni weeriha echikhulupililwaahu wi ekhalle yaphaama. Aavillella owullihiwa muru vookhomiwani vamutandani, ekaamba yoodduwella wi muhoollo aneerohakallalla. Vawi vano annakhalla o nnattanatta wa mpando woomwene wa Mulluku.

Yawuupullulla 19:19

Nave kahoona enama yuullupalli yawoopiha ni mamwene a va ellapo yavatthi owaaka akhotwiiwa etthukumanne wi ewane ekhoto ni oyo awenlle va kavalooyo ni akhotwaaye.