Mateyu 22:16 - Mawu a Mulluku

¹⁶ Koma yaanaarumiha wa Yesu oohudderiiwa amodda ni athu a mulloko wa Herode.* Yaayo yaallota wi, “Ahuddihi, ninnadduwella wi munnallota ddawoona. Munnahuddiha ddawoona dda opaalla wa Mulluku wa athu nave muhikhupanyeke dda wi athu enuuganizerekeni tini kaambiiwa khamunawehattho ekhove.

Mateyu 22:16 Iomraidhean Croise

1 Mamwene 22:14

Koma Mikaya aallota wi, “Kinimallupella vamiitthoni va Apwiya wi kinaallote nnddo Apwiya enaakilleelliiwa.”

Masalimo 12:2

Arive muthu annamoottottha mukhwaaye, anniisha nllumi naye, annallota ni murima mmodda.

Masalimo 5:9

Vawi muwano mwa adanaaka mooddalla ddawoottha. Murimiiwa onnapaalla woononga. Ommilloni wiwa tti wonanko mahame ookatakata, nllumi niwa ninnallota ddoolleka.

Masalimo 55:21

Mawaaye ennasalala wonanko batala komave m'murimani mwaye muri ekhoto. Mawaaye ennoollowa okhwaranya makhura komave aakhalla ni masupada awiisha.

Miyambo 29:5

Muthu anamulleka mukhwaaye mwawoollowa anamureya nikwekwe.

Malaki 2:6

Malamulo awoona yaari vayanoni vaye nave khaallotille yoohilungama. Aheeta ni miyaano mwamurendelle ni mwawookowa nave ahaahokollosa anchichi o ddoonanara.

Malaki 2:9

Ekaamba yawi khemwaasungalle mawaaka nave munahuddiha mawaaka mooweha ekhove kineeroweeriha Aisraele wi yuunyaambuseni.”

Mateyu 22:24

“Ahuddihi, Mose aarihina muthu akhwa ahinna anamwani mwanamunne amutthelle mutthiyana oohiyiwooyo wi amuyarelle anamwani ookhooyo.

Mateyu 22:26

Yaheereya emoddamoddave yeeyo wa mwanamunne aneepiilli nave aneeraru ophiyera aneetthanu ni mmoddoolle.

Mateyu 26:18

Olliye ahaalleella wi, “Khaweni wa muthu mmodda m'muzindanimmo, mwamulleelle wi, ‘Ahuddihi enallota wi enthawaaka yohaatamella, kinaachelle owaninyu yoocha ya Paska ni oohudderaaka.’ ”

Mateyu 26:49

Vano Yudasi aawa moomookollella Yesu allota wi, “Mooni, Ahuddihi.” Eerille ddiiddo aamukhupaarella.

Mariko 10:17

Yesu avirellelleeye ni olendwaaye, muthu mmodda aamuthamakella, amukokhorella amukoha wi, “Ahuddihi aphaama, keere tini wi kaakhelle okumi woohimalla?”

Mariko 12:13

Afarisi* amodda ni athu a mulloko wa Herode* yaarumiwa wa Yesu wi yamuphwanyelle mullatu voomukohani ddoomuwaka muwano.

Mariko 12:14

Yaphiyalliiwa yaallota wi, “Ahuddihi, ninnadduwella wi muri oollota ddawoona. Munnahuddiha ddawoona dda opaalla wa Mulluku wa athu nave muhikhupanyeke dda wi athu enuuganizerekeni tini kaambiiwa khamunawehattho ekhove. Sika munilleelle hiyaano. Tti ddawaakhullelliwa ni malamulwaahu okhoma musonkho wa Kaisara* apaalle khe ddiiddo?”

Mariko 3:6

Vano Afarisi* yaakhumamo mu enyumba yamavekellweeyo wi yakumane ni athu a mulloko wa Herode* wi yiiwanane ddoomwiipha Yesu.

Mariko 8:15

Yesu aallota wa alliwaayo wi, “Muchenjere wunchichi ni yisiti a Afarisi ni a Herode.”*

Luka 20:21

Athwaayo yaamukoha wi, “Ahuddihi, ninnadduwella wi munnallota ddawoona moohiwehattho wi olla ttaani. Koma munnahuddiha ddawoona dda opaalla wa Mulluku wa athu.

Luka 7:40

Koma Yesu aallota wa olliyooyo wi, “Simoni kookhalla ni ello yawi kuulleelle.” Simoni ahaakhulla wi, “Ahuddihi, killeelleni.”

Yohane 14:6

Yesu aamwaakhulla wi, “Mi tti ettilla, yawoona ni okumi. Khaavo muthu anawa wa Attiitthaaka woohiweella mwa miyaano.

Yohane 18:37

Sika Pilato amukoha wi, “Vano weyaano tti mwene?” Yesu ahaakhulla wi, “Nyu sika munallota wi miyaano tti mwene. Kaayariwa nave kaawa mu ellapo yavatthi wi kivelleelle omboni dda yawoona. Muthu oyo anakhalla mu yawoona anniiwa mawaaka.”

Yohane 7:18

Muthu oyo anallota dda m'muruni mwaye anapaalla ntitimiho na yeekha. Koma oyo anapaalla ntitimiho na oyo aamurumalle, olliye tti awoona nave kheyiivo yawoottha mwa olliyooyo.

2 Akorinto 2:17

Hiyaano khaninaphwanaphwana ni athu amodda anchichi ayo enakusa othenga wa Mulluku wonanko tti malonda oohiwallamella mutengo koma kaambiiwa Mulluku oonirumiha hiyaano, ninavuwiha othenga mwawoona vamiitthoni vaye oweella mwa Khrisitu.

2 Akorinto 4:2

Noohiya ddaweera ddawiipittheya ni ddoowulliha muru nave ddaweera ddahu khe ddawoottha apaalle waanganyera mawu a Mulluku. Koma ninnallalleya ddawoona vaweella wiitetheella wonanko omboni wa arive muthu ni vamiitthoni va Mulluku.

2 Akorinto 5:16

Waambeella vano ophiyera muhoollo khaninamweeruzattho arive muthu moollikana ni omuthu. Naari khalle naamweeruza Khrisitu moollikana ni omuthu koma vano khanineera ddiiddo.

Agalatiya 1:10

Ethiyo voollotani ddenndda, kinapaalla wi athu ekaakhullelle? Khe ddiiddo! Eyo kinapaalleemi tti waakhullella wa Mulluku! Ethiyo kinapaalla waahakallalliha athu? Kakhanlleke awaahakallalliha athu ngaakhalle oorumeyella a Khrisitu.

Agalatiya 2:6

Amodda a yaayo yooneya wi tti ooholleella, khaya yaari awi ddiidda apaalle iyaayi, miyaano nginnana mutteko vawi Mulluku khanamweeruza muthu moollikana ni mooneyellwaaye. Oohoollella yaayo kheyakivekille wi koonjerere erive ello va othenga kallalleyeemi.

Deuteronomo 33:9

Alliwa yaanuuroromellani nyuwaano okhwaranya makhollwiiwa, abaliiwa apaalle aniiwa. Alliwa yahiiwellella malamulwaanyu nave yaaroromella echipanganwaanyu.

1 Atesalonika 2:4

Koma ninnallalleya kaambiiwa Mulluku aanivaha hiyaano othenga waphaama. Sika ninallota ohiri waahakallalliha athu koma omuhakallalliha Mulluku oyo aneesa mirima ddahu.

Yakobo 3:17

Koma ezeru ddoovenyera oddullu ddinneeriha vawaamba okhalla aweella, waneepiilli amurendelle, vatulli viwa oomaalleya, awiiwellella phaama, ooddalla echifundo ni a ezipaso ddaphaama ddoohikondella nave ddoohoottha

1 Yohane 5:20

Ninnadduwella wi Mwaana a Mulluku oowa nave oonivaha wiiwesesa wi nimudduwelle Mulluku awoona. Ninakhalla mu eyaattano ni Mulluku awoona vawi niri mu eyaattano ni Mwanaye Yesu Khrisitu. Olla sika Mulluku awoona nave olla sika okumi woohimalla.