Mateyu 22:11 - Mawu a Mulluku

¹¹ “Mwenoolle aavollowa wi awoone awiithaniwaalle nave aamoona muthu mmodda oohiwara yoowara ya okwati.

Mateyu 22:11 Iomraidhean Croise

2 Mamwene 10:22

Vano Yehu aamulleella muthu oosunga ddoowara wi, “Owe ni ddoowara ddoopatuleya ddookwakhwanella athu attheene oomullapella Baala.” Muthooyo ahaakusella ddoowarannddo.

Yesaya 52:1

We Ziyoni, venya venya, llipa murima. We Yerusalemu, muzinda waweella, wara ddoowara ddawo ddaphaama, athu oohiphaddiwa ni ooripihiwa khewa evollowattho va millako ddawo.

Yesaya 64:6

Attheene niri wonanko athu ooripihiwa nave naari mitteko ddahu ddittheddene ddaphaama ddiri wonanko ekuwo yooripihiwa. Attheene ninnanyaalla wonanko makattha, ninnahahareya ni machimwaahu wonanko ninakakhiwa ni ephevo.

Maliro 5:22

Apaalle neereke moonikhootellaatu? Neereke moonishella murima mookhwaranya muyeso?

Zefaniya 1:12

Va enthawi yeeyo kineerewaashaasha mu Yerusalemu ni enyali, kineerewaallaka athu awi moona okeraatthi wonanko vinyo ookeraattheya ayo m'murimani mwiwa enallota wi, ‘Apwiya kheneera yaphaama apaalle yoonanara.’

Mateyu 13:30

Muhiyeni tirigu ni nansongole ddinnuwelle nimodda ophiyera enthawi yoohata. Enthawi yeeyo kineerewaalleella athu oohata wi yaambe omutulla nansongole, emmake ereche ereche nave eddihelle viikho. Koma emutthukumanihe tirigooyo ni omuhella mukhokweni mwaka.’ ”

Mateyu 22:10

Sika allupa muttekwaalle yaaya omisewuni wulle yaatthukumaniha attheenaayo yaaphwanyilliiwa, oonanara naari aphaama vawi enyumba ya machellello yaaddalla ni awiithaniwa.

Mateyu 3:12

Ookusa etthello m'mattani mwaye wi amuveethe tirigu. Aneeromuhella tirigwaaye mukhokweni mwaye; koma aneerowoosa mallullaayo vamunlloni woohithiima.”

Aroma 13:14

Koma muwaakhullelle Apwiya Yesu Khrisitu wi ekhalle yoowaraanyu yakhoto. Nave muhiiwellelleke omuthwaanyu voopaallani okwakhwaniha minkhella ddiwa.

Aroma 3:22

Koma Mulluku annaalungamiha athu ekaamba ya echikhulupililwiiwa mwa Yesu Khrisitu. Mulluku aneera yeella wa athu attheene enakhulupilila mwa Khrisitu kaambiiwa khuwaavo ohiyana variyari va Ayuda ni athu ayo ehiri Ayuda.

1 Akorinto 4:5

Sika muhimweeruze arive muthu enthawi yoophwanella ehinakwakhwane, owa wa Apwiya. Eneerewooniha ddawiipittheya dda mwiipiphini nave eneerewuupullulla maganizo a athu. Nave attheene eneerewaakhella ntitimiho naye na wa Mulluku.

2 Akorinto 5:3

Sika nawarihiwa ni yeeyo khanikhalla epwillimwinddi.

Agalatiya 3:27

Mwaabatiziwa mwawaattana ni Khrisitu nave vano moowara okumi wa Khrisitu wonanko yoowara yanaanweene.

Aefeso 4:24

Nave munaphwanella muware makhallello anaanweene, ayo enaphatusiwa moophwanaphwana ni Mulluku nave makhallellwaalla enuupullulleya oyeella vawoonihellani okumi wa echilungamo ni waweella.

Yawuupullulla 16:15

“Ngiiwani! Kineeroowa wonanko mullupaawiiya! Oodalisiwa tti muthu oyo ahinakona nave ahinarulla ddoowara ddaye wi khawa eeta oohiwara athu ehoone epwillimwinddaaye.”

Yawuupullulla 19:8

Oovahiwa ekuwo yaweellesesa wi aware.” (Ekuwo yaweelleseseeyo sika mitteko ddoolungama dda athu a Mulluku.)

Yawuupullulla 2:23

Kineerowiiphattho oomuthwaraaye wi mipingo ddittheddene ddidduwelle wi miyaano kinnadduwella maganizo ni mirima dda arive muthu. Nave kineeromuthuva arive muthu moollikana ni mitteko ddaye.

Yawuupullulla 3:18

Vano kinaaka kuulleelleni wi, mumukulle golide ooreerihiwa wa miyaano wi mukhallena eyuuma. Mukullettho ddoowara ddaweella wi muware ni okhuneella epwillimwinddaanyu. Mukulle murete woohella m'miitthoni mwanyu wi mooneke.