Mateyu 21:5 - Mawu a Mulluku

⁵ “Ngaalleelleni athu a o Ziyoni wi, ‘Ngoonani, mwenaanyu animawa wa nyuwaano! Tti awiiyeviha navettho amuwenlle mwaanabulu, mwaana a enama yoomutukhulla katundu.’ ”

Mateyu 21:5 Iomraidhean Croise

Genesis 49:10

Yuda eneerophareella ekopo yoomwene enthawi ddittheddene. Aneerowummellella omwenooyo, nave aneerosunga masiviiwa, ophiyera mwaneenaneena aphiyalle, oyo anaalamulelle athu attheene.

2 Samuele 16:2

Mwenoolle aamukoha Ziba wi, “Kaambiiwa tini owiilleewe ni ddenndda?” Ziba ahaakhulla wi, “Amwene, Abulwaalla tti awi athu a munibanjani mwanyu yaawelleke. Buledoolla ni ezipaso ddeellimwenndda tti ddawi akhotwaanyu echeke nave nthumba na vinyonna tti nawi athu ayo enaangomoweke muchipululuni emuwiryeke.”

1 Mamwene 1:33

Nave mwenooyo aallota wi, “Mwaakuse allupa muttekwaaka nave mumuwellihe mwanaka Solomoni va bulwaaka nave muweena o Gihoni.

1 Mamwene 10:26

Vano Solomoni ahaatthukumaniha magareta ni athu aweetiha akavalo akhoto nave aaddihiya mu muzinda. Magaretaayo yaarivo 1,400 nave athu ooweetiha akavalo akhoto yaarivo 1,200. Ahaahiya amodda o mizinda nko wakhalla akhoto ni amoddattho vakhuviru ni mwene a o Yerusalemu.

Masalimo 9:14

wi kithokoze mitteko ddanyu ddittheddene variyari va athwaanyu mu Ziyoni. Ddawoona, kinnahakallalla kaambiiwa mookivullusa.

Yesaya 12:6

Nyu athu a o Ziyoni, khuwani ni wiipa moohakallalla vawi Aweella a Israele tti muullupalli variyari vanyu.”

Yesaya 40:9

We oollalleya othenga waphaama o Yerusalemu, wella va mwaango woorekama. We oollalleya othenga waphaama o Ziyoni, khuwa mwamasiva. Welliha mawu, ohoove, olleelle mizinda dda o Yuda wi, “Olla sika Mullukwaanyu!”

Yesaya 62:11

Apwiya enimawa ni mallivellwiiwa aahoolliha yoothuviiwa. “Ovullusa wanyu onimawa. Apwiya enimawa ni emphotwiiwa, enimawaana ddawuuphwanellani.”

Ezekiele 34:24

Vano mi Apwiya kineerokhalla Mullukwiiwa nave oorumeyellaaka Davide aneerokhalla mweniiwa. Mi Apwiya koollota.”

Ezekiele 37:24

“Oorumeyellaaka Davide sika anaakhalle mweniiwa. Eneerothwara malamulwaaka nave eneerewiiwellella phaama malangizwaaka.

Hoseya 1:7

Koma kineerowoonihella echifundo athu a Yuda nave kineerewaavullusa ni masivaaka, mi Apwiya Mullukwiiwa,” oohikhalla ni muura, nsupada, akavalo ni oowella va akavalo.

Mika 5:2

Apwiya enallota wi, “We Betelehemu Efurata, ori mung'onong'ono variyari va matawoni a Yuda koma mwa weyaano muneerovenyera oolamulella Israele. Olliyoolla maambeellwaaye tti akhallekhalle, a mallapo oohaamba.”

Numeri 24:19

Mwa Yakobo muneerokhalla mwene, oyo anaawoononge oohalla m'muzindani.”

Mateyu 11:29

Mukiiwellelleke miyaano wonanko eng'ombe ddatukhulla nigoli.* Navettho muhuddere wa miyaano kaambiiwa miyaano tti oomaalleya ni owiiyeviha, sika muneerewiithuuwa.

Mateyu 2:2

Vano yaakoha wi, “Ari wuuwi mwaanooyo ayariwe wi akhalle mwene a Ayuda? Hiyaano noonille etheneeri yoodduwelliha oyariwa waye ekhumalle wookhuma nndduwa, vano noowa wi nimullapelle.”

Mateyu 2:6

‘We Betelehemu mu echigawo ya Yudeya, ori muullupalli variyari va matawoni a mu Yudeya. Oohoollella anawa avenyera mwa weyaano, oyo anaahoollelle athwaaka Aisraele wonanko mbusa.’ ”

Mateyu 21:6

Sika oohuddera eellaalle yaayaawo yeera moollikana ni yaalamulelliwiiwa ni Yesu wi yeere.

Luka 24:27

Nave Yesu ahaatthopoollella dda ddittheddene ddalembiwe mu mawu a Mulluku ddayeekha, waamba malamulo a Mose ophiyera ddoolembiwa dda anamallotella attheene.

Yohane 1:49

Natanaele ahaakhulla wi, “Muhuddihi, nyuwaano muri Mwaana a Mulluku! Nyuwaano muri Mwene a Israele!”

2 Akorinto 10:1

Miyaano Paulo, oyo athu enakeera oomaalleya ni oolleva kakhalla ni nyuwaano koma ootokollolla karekamella, kinimuuvekani mwa meekhaaka ekaamba ya wiiyeviha ni oreera murima wa Khrisitu.

Deuteronomo 17:16

Mwenooyo ahiddoonjerere akavalo nave ahaarumiheke athu a o Iguputo wi yaakulle akavalo vawi Apwiya yahuulleellani wi muhiwe muhokollweellawo.

Oweeruza 12:14

Olliye aakhalla ni anamwani aallopwana 40 edduullu 30 ayo yaari oowella va abulu 70. Olliye ahaahoollella Aisraele miyakha mitthanu ni miraru.

Oweeruza 5:10

Nyu munawella va abulu aweellesesa, nyu mukeraatthelle matiresi, nyu muneeta vatthi, mutthopoolle ddenndda.