Mateyu 21:22 - Mawu a Mulluku

²² Mwakhalla ni echikhulupililo, muneerewaakhella erive ello munavekeenyu mu nivekello.”

Mateyu 21:22 Iomraidhean Croise

Mateyu 18:19

“Kinimuulleellanittho ddawoona wi eelli mwa nyuwaano va ellapo yavatthi mwaakhullellana erive ello munavekelleenyu, eneereweeriwa wa nyuwaano ni Attiitthaaka ooddullu.

Mateyu 7:11

Naari muri oonanara munnadduwella waavaha aniinyu ddeko ddaphaama. Attiitthaanyu ooddullu ennavaha ddeko ddaphaama wuukhwaranyani nyuwaano wa ayo enamuveka.

Mateyu 7:7

“Sika kinimuulleellani wi, vekani nave muneerewaakhella; ashaashani nave muneerophwanya; okothani nave nchiwi nineerohulliwa wa nyuwaano.

Mariko 11:24

Ekaamba ya yeella kinimuulleellani wi munavekeenyu munivekello, khulupililani wi mohaakhella nave eneerovahiwa wa nyuwaano.

Yohane 14:13

Nave erive ello munaavekekeenyu mu nnddina naka kineereweera sika wi ntitimiho na Attiitthaaka nineerewooneya mwa miyaano, Mwaana.

Yohane 15:7

Mwaakhallaka mwa miyaano nave mwaasungaka mawaaka m'murimani mwanyu, vekani erive ello munapaalleenyu nave muneerovahiwa.

Yohane 16:24

Ophiyera vano khamuvekille erive ello mu nnddina naka, sika vano vekani nave muneerewaakhella wi muhakallalle murimaanyu muttheene.

Yakobo 5:16

Sika vano muwululellaneke machimwaanyu nave muvekellaneke wi muchirihiwe. Nivekello na muthu oolungama ninnakhalla namasiva nave ninnaphara mutteko.

1 Yohane 3:22

Erive ello ninavekeehu ninnaakhella kaambiiwa ninniiwellella malamulwaaye ni weera eyo enamuhakallalliha.